اردو میں اردو شاعری

ہر شخص کہہ رہا ہے تجھے دیکھنے کے بعد
دعوہ میرا بجا ہے تجھے دیکھنے کے بعد
ہم آ کے تیرے شہر سے واپس نا جائیں گے
یہ فیصلہ کیا ہے تجھے دیکھنے کے بعد
سجدہ تجھے کروں گی تو کافر کہیں گے لوگ
یہ کون سوچتا ہے تجھے دیکھنے کے بعد
کہتے تھے تجھ کو لوگ مسیحا مگر یہاں
اک شخص مر گیا ہے تجھے دیکھنے کے بعد
کھوئی ہوئی سی رہتی ہے ہر وقت اب حنا
یہ حال ہو گیا ہے تجھے دیکھنے کے بعد
(حنا تیموری)

 

میرا ہے کون دشمن میری چاہت کون رکھتا ہے
اسی پر سوچتے رہنے کی فرصت کون رکھتا ہے

 

یہ دُنیا ذہن کی بازی گری معلُوم ہوتی ہے
یہاں جس شے کو جو سمجھو وہی معلُوم ہوتی ہے
نکلتے ہیں کبھی تو چاندنی سے دُھوپ کے لشکر
کبھی خود دُھوپ نکھری چاندنی معلُوم ہوتی ہے

 

گنہگار ہوں گنہگاروں سے ہے واسطہ میرا

پرہیز گاروں سے میں اکثر پرہیز کرتا ہوں۔

 

وہ تو پتھر پہ بھی گزرے نہ خدا ہونے تک
جو سفر میں نے نہ ہونے سے کیا ہونے تک
زندگی اس سے زیادہ تو نہیں عمر تری
بس کسی دوست کے ملنے سے جدا ہونے تک

 

یہاں ہر شخص ہر پل حادثہ ہونے سے ڈرتا ہے
کھلونا ہے جو مٹی کا فنا ہونے سے ڈرتا ہے

مرے دل کے کسی کونے میں اک معصوم سا بچہ
بڑوں کی دیکھ کر دنیا بڑا ہونے سے ڈرتا ہے

عجب یہ زندگی کی قید ہے، دنیا کا ہر انساں
رہائی مانگتا ہے اور رہا ہونے سے ڈرتا ہے

نہ بس میں زندگی اس کے نہ قابو موت پر اس کا
مگر انسان پھر بھی کب خدا ہونے سے ڈرتا ہے...

 

باندھ لیں ہاتھ پہ سینے پہ سجا لیں تم کو
جی میں آتا ہے کہ تعویذ بنا لیں تم کو

 

درد دل نہ گیا درد جاں کی طرح
گلے میں ڈال کہ سارے تعویز دیکھے ہیں

 

ایسے رشتے کا بھرم رکھنا کوئی کھیل نہیں
تیرا ہونا بھی نہیں اور تیرا کہلانا بھی

 

اِک دُنیا بُھول بُھلئیا سی
اِک گُونگا،بِہرا،اندھا دِل

 

وہ عشق بہت مشکل تھا مگر آسان نہ تھا یوں جینا بھی
اس عشق نے زندہ رہنے کا مجھے ظرف دیا پندار دیا
عبید اللہ علیم

 

کچھ خاص دلوں کو عشق کے الہام ہوتے ہیں۔۔
محبت معجزہ ہے، معجزے کب عام ہوتے ہیں۔۔؟

 

سب کا تو مداوا کر ڈالا اپنا ہی مداوا کر نہ سکے
سب کے تو گریباں سی ڈالے اپنا ہی گریباں بھول گئے

 

محبت میں ایک ایسا وقت بھی آتا ہے انساں پر
ستاروں کی چمک سے چوٹ لگتی ہے رگ جاں پر

 

چل نکلتی ہیں غم یار سے باتیں کیا کیا
ہم نے بھی کیں در و دیوار سے باتیں کیا کیا

 

غیروں کو کیا پڑی ہے کہ رسوا کریں مجھے

ان سازشوں میں ہاتھ کسی آشنا کا ہے

 

کھویا کھویا اداس سا ہوگا
تم سے وہ شخص جب ملا ہوگا

 

ان کے دیکھے سے جو منہ پر آ جاتی ہے رونق
وہ سمجھتے ہیں کہ بیمار کا حال اچھا ہے

 

جلتے دیوں میں جلتے گھروں جیسی ضو کہاں
سرکار روشنی کا مزا ہم سے پوچھئے
خمارؔ بارہ بنکوی

 

تم آئے ہو نہ شب انتظار گزری ہے
تلاش میں ہے سحر بار بار گزری ہے

 

شعر کے ساتھ شاعر کا نام دے دیا کریں۔

 

مجھ کو آتشؔ بادہ و ساغر سے ہو کیا واسطہ؟
ان کی آنکھیں دیکھ کر مخمور ہو جاتا ہوں میں
(آتش بہاولپوری)

 

بے خودی بے سبب نہیں غالب
کچھ تو ہے جس کی پردہ داری ہے

 

ایک مدت سے تری یاد بھی آئی نہ ہمیں
اور ہم بھول گئے ہوں تجھے ایسا بھی نہیں
(فراق گورکھپوری)

 

نہ شکوہ شکایت نہ حرف و حکایت
کہو میر جی آج کیوں ہو خفا سے

 

کون آئے گا یہاں کوئی نہ آیا ہوگا
میرا دروازہ ہواؤں نے ہلایا ہوگا

دل ناداں نہ دھڑک اے دل ناداں نہ دھڑک
کوئی خط لے کے پڑوسی کے گھر آیا ہوگا
(کیف بھوپالی)

 

جاتے ہو سیر باغ کو اغیار ساتھ ہو
جو حکم ہو تو یہ بھی گنہ گار ساتھ ہو

 

ناحق ہم مجبوروں پر یہ تہمت ہے مختاری کی
چاہتے ہیں سو آپ کریں ہیں ہم کو عبث بدنام کیا
(میرتقی میر)

 

لاکھوں میں انتخاب کے قابل بنا دیا
جس دل کو تم نے دیکھ لیا دل بنا دیا

 

دل میں اب یوں ترے بھولے ہوئے غم آتے ہیں
جیسے بچھڑے ہوئے کعبہ میں صنم آتے ہیں

ایک اک کر کے ہوئے جاتے ہیں تارے روشن
میری منزل کی طرف تیرے قدم آتے ہیں
(فیض احمد فیض)