اردو میں اردو شاعری

نہیں معلوم زریون اب تمہاری عمر کیا ہوگی
وہ کن خوابوں سے جانے آشنا نا آشنا ہوگی

 

تم تو یارو ابھی سے اٹھ بیٹھے
شہر میں رات جاگتی ہے ابھی

وقت اچھا بھی آئے گا ناصرؔ
غم نہ کر زندگی پڑی ہے ابھی
(ناصر کاظمی)

 

وہ حادثے بھی دہر میں ہم پر گزر گئے
جینے کی آرزو میں کئی بار مر گئے

 

ہم یہ سمجھے ہمارے جانے سے
اک خلا ہوگی پر نہیں ہوگی

زنیرہ "گُل"

 

مری غزل کی طرح اس کی بھی حکومت ہے
تمام ملک میں وہ سب سے خوبصورت ہے
(بشیر بدر)

 

چاند میں کیسے نظر آئے تیری صورت مجھے
آندھیوں سے آسماں کا رنگ میلا ہو گیا

 

غم جہاں میں غم یار ضم نہ کر پایا
ہزار کام کیا ''میں'' کو ''ہم'' نہ کر پایا

 

ناصر اقبال صاحب کے نام
------------------------
خون اپنا بے جا جلانے چلے ہیں
پختونوں کو نیچا دکھانے چلے ہیں
اوقات اپنی نہیں جانتے وہ
ضابطےوہ مجھکو سکھانے چلے ہیں

زنیرہ گُل

 

مختصر یہ ہے ہماری داستان زندگی
ایک سکون دل کی خاطر عمر بھر تڑپا کیے

 

آزردہ ہونٹ تک نہ ہلے اس کے رو برو
مانا کہ آپ سا کوئی جادو بیاں نہیں

آزردہ

 

ایسے ہنس ہنس کے نہ دیکھا کرو سب کی جانب
لوگ ایسی ہی اداؤں پہ فدا ہوتے ہیں

مجروح سلطان پوری

 

جستجو کھوئے ہوؤں کی عمر بھر کرتے رہے
چاند کے ہم راہ ہم ہر شب سفر کرتے رہے

 

نہ سوچو ترک تعلق کے موڑ پر رک کر
قدم بڑھاؤ کہ یہ حادثہ ضروری ہے

 

حسرت ہے اُس کے دیکھنے کی دل میں بے قیاس
اغلب کہ میری آنکھیں رہیں باز میرے بعد
میر تقی میر

 

عہد رفاقت ٹھیک ہے لیکن مجھ کو ایسا لگتا ہے
تم جو میرے ساتھ رہو گی میں تنہا رہ جاؤں گا

 

تمھی نے کون سی اچھائی کی ہے
چلو مانا کہ میں اچھا نہیں تھا

 

بھلا بیٹھے ہو ہم کو آج لیکن یہ سمجھ لینا
بہت پچھتاؤ گے جس وقت ہم کل یاد آئیں گے

 

یہ کل بتائیں گے

 

میری شاعری میں تیرے سوا کوئی ماجرا ہے نہ مدعا
جو تیری نظر کا فسانہ تھا وہ میری غزل نے سنا دیا

 

سخن ہاے گفتنی،ناگفتہ رہ گئے!

 

بتوں کو پوجنے والوں کو کیوں الزام دیتے ہو
ڈرو اس سے کہ جس نے ان کو اس قابل بنایا ہے

 

یہ تم نے کیا کیا؟
پتھر کے بُت میں دھڑکنوں کو کھوجنا چاہا
یہ تم نے دل کی دھڑکن میں،
پرایا گیت لکھ ڈالا
خود اپنے ہاتھ سے اپنے ہی ماتھے کو،
سیاہی سے کیا کالا
محبت اس جہاں کی شے نہیں،
میں نے کہا تھا
اب اس شے کی تجارت ہو رہی ہے جس طرف دیکھو
مری باتوں پہ اب وشواس تم کو آگیا ہوگا؟
چلو، اشکوں سے سارے خواب دھو ڈالو
سُنو، جو تمھارا ہاتھ مانگے آج سے تم اس کے ہو جاؤ
محبت بھول جاؤ تم۔۔۔۔ محبت بھول جاؤ تم


شاعر فاخرہ بتول

 

اصلاح طلب...

مجھے منحوس کہتے ہیں مجھے مایوس کرتے ہیں
وہ ظالم ہیں مجھے ہر دکھ سے یوں مانوس کرتےہیں
وہ پتھر دل مجھے پتھر کی مورت جان کر اے گل
جو دکھ دیتے ہیں ہم وہ روح سے محسوس کرتےہیں

زنیرہ گل

 

میری راکھ میں تھیں کہیں کہیں میرے ایک خواب کی کرچیاں
میرے جسم و جاں میں چھپا ہوا تیری قربتوں کا خیال تھا

 

غم ہے تو کوئی لطف نہیں بستر گل پر
جی خوش ہے تو کانٹوں پہ بھی آرام بہت ہے

 

زندگی آج تیرا لطف و کرم
کم اگر ہے تو آج کم ہی سہی



​

 

ہمارا دل سویرے کا سنہرا جام ہوجائے
چراغوں کی طرح آنکھیں جلیں جب شام ہوجائے
بشیر بدر

 

آگ سی لگ رہی ہے سینے میں
اب مزا کچھ نہیں ہے جینے میں