اردو میں اردو شاعری

یوں اٹھے آہ اس گلی سے ہم
جیسے کوئی جہاں سے اٹھتا ہے

 

کون دن رات غم و درد سے یہ روتا ہے
دکھ زدہ وہ ہے کہ شب کو بھی نہیں سوتا ہے
شمیم

 

وہ ایک دن ایک اجنبی کو
میری کہانی سنا رہا تھا

 

یوں تو اپنے قاصدانِ دل کے پاس
جانے کس کس کے لیے پیغام ہیں
جو لکھے جاتے رہے اوروں کے نام
میرے وہ خط بھی تمہارے نام ہیں

 

قدموں پہ ڈر کے رکھ دیا سر تاکہ اٹھ نہ جائیں
ناراض دل لگی میں جو وہ ایک ذرا ہوئے

 

عشق سمجھے تھے جس کو وہ شاید
تھا بس اک نارسائی کا رشتہ
میرے اور اُس کے درمیاں نکلا
عمر بھر کی جدائی کا رشتہ

 

کبھی تو انسان زندگی کی کرے گا عزت
یہ ایک امید آج بھی دل میں پل رہی ہے

 

خود پرستی کیجیئے یا حق پرستی کیجیئے
آہ کس دن کے لیے ناحق پرستی کیجیئے

 

کوئی دستک نہ کوئی آہٹ تھی
مدتوں وہم کے شکار تھے ہم

 

ظالم کی تو عادت ہے ستاتا ہی رہے گا
اپنی بھی طبیعت ہے بہلتی ہی رہے گی

 

ﺍﺏ ﮐﻮﻥ ﺧﻮﺩ ﭘﺮﺳﺖ ﺳﺘﺎﺋﮯ ﮔﺎ ﺁﭖ ﮐﻮ
ﮐﺲ ﺑﮯ ﻭﻓﺎ ﮐﮯ ﻧﺎﺯ ﺍﭨﮭﺎﯾﺎ ﮐﺮﯾﮟ ﮔﯽ ﺁﭖ
ﺟﻮﻥ ﺍﯾﻠﯿﺎ

 

مانگی تھی ایک بار دعا ہم نے موت کی
شرمندہ آج تک ہیں میاں زندگی سے ہم

 

وہ میرے پاس سے گزرے تو یہ معلوم ہوا
زندگی یوں بھی دبے پاؤں گزر جاتی ہے

 

کسی غنچہ کو چھوا اور نہ کوئی گل توڑا
گھورتی کیوں ہے مجھے آنکھیں نکالے بلبل
دیوان رند

 

کچھ بے ٹھکانہ کرتی رہیں ہجرتیں مدام
کچھ میری وحشتوں نے مجھے در بدر کیا

 

ظرفِ دل دیکھا تو آنکھیں کرب سے پتھرا گئیں
خون رونے کی تمنا کا یہ خمیازہ نہ تھا
احمد ‌فراز

 

ذہن پر بوجھ رہا ، دل بھی پریشان ہوا
ان بڑے لوگوں سے مل کر بڑا نقصان ہوا

 

وہ ایک خط ، جو تم نے کبھی لکھا ہی نہیں
میں روز بیٹھ کے اس کا جواب لکھتا ہوں

 

آنکھوں میں آنسو لے کے ہونٹوں سے مسکرائے
ہم جیسے جی رہے ہیں کوئی جی کے تو دکھائے

 

رگوں سے روح میں تحلیل ابھی باقی ہے
کلی سے پھول کی تشکیل ابھی باقی ہے
کلی کا رس کوئی بھنورا نہ لے اُڑے فرحت
کہ اسکی ذات کی تکمیل ابھی باقی ہے
فرحت خان

 

وہ بھی سراہنے لگے ارباب فن کے بعد
داد سخن ملی مجھے ترک سخن کے بعد

 

انتخابِ آرزو ہیں فتح و نصرت کے چراغ

ہیں فروزاں خونِ دل سے ملک و ملت کے چراغ

(ساغر صدیقی)

اپنی قوت اپنی جاں، لا الہ الا اﷲ محمد رسول اﷲ

ہر پل ہر ساعت ہرآن، جاگ رہا ہے پاکستان

(محشر بدایونی)

وہیں سے پھوٹ رہا ہے طلوعِ صبح کا نور

جہاں شہید ہوا اک ہجوم تاروں کا

(احمد ندیم قاسمی)

لگاؤ نعرۂ تکبیر ہر چہ بادا باد

مجاہدوں کو پہنچتی ہے غیب سے امداد

(احسان دانش)

 

یہ درد کم تو نہیں ہے کہ تو ہمیں نہ ملا
یہ اور بات کہ ہم بھی نہ ہو سکے تیرے

 

کسی اِک وار پر جیسے وفا کی مات ٹھہری ہو
کوئی دیوانگی جیسے لبِ جذبات ٹھہری ہو
کسی اُلجھے ہوئے نکتے پہ آ کے بات ٹھہری ہو
کسی تاریک لمحے پر گریزاں رات ٹھہری ہو
کہ یوں خاموش سی خواہش مرے ہونٹوں پر ٹھہری ہے

 

کشور ناہید

وحشت ہوس کی چاٹ گئی، خاکِ جسم کو

بے در گھروں میں شکل کا سایہ، کہاں سے آئے

 

جب سے تشنہ اُس دہلیز سے پلٹی ہیں
میری آنکھیں آگ میں جلتی رہتی ہیں
مل جاتی ہے مہلت ماہِ تازہ کو
چہرے پر جب زُلفیں سایا کرتی ہیں
پہلا پہلا عشق جنونی ہوتا ہے
دل کو دیواریں بھی اچھی لگتی ہیں
مہندی سے اِک خواہش اپنے ہاتھوں پر
سکھیاں لکھ کر چوری چوری پڑھتی ہیں
سانسیں بھی سینے میں گھٹ کر مر جائیں
سوچیں تو انسان کو ایسے ڈستی ہیں
جب سے اِک معصوم کا لاشا دیکھا ہے
میری گلیاں ہر گاڑی سے ڈرتی ہیں
سورج ، چاند ، ستارے کوٹھی والوں کے
شامیں کچے گھر میں جا کر ڈھلتی ہیں
بنجر آنکھیں ، گم صم لہجہ ، ناصر سا
ہجراں میں بس ایسی شکلیں بنتی ہیں

 

جدا تھی بام سے دیوار در اکیلا تھا
مکیں تھے خود میں مگن اور گھر اکیلا تھا

 

یہ نہ تھی ہماری قسمت کہ کبھی اُدھار ہوتا
ہمیں سودا پورا دیتا، وہ دکان دار ہوتا

ترے باپ نے جو دیکھا ، گئی جان مفت اپنی
نہ تجھے عزیز رکھتے، نہ یہ کار زار ہوتا

لڑے عاشقوں سے تیرے ، یہ ہماری بد نصیبی
ہمیں عشق نے ڈبویا کہیں ایک بار ہوتا

مجھے دوستوں نے لوٹا، مجھے غیر نے کھسوٹا
مجھے کیا برا تھا لُٹنا ، اگر ایک بار ہوتا

تو سبھی کو چھوڑ دیتی، مری جان آہی جاتی
مری بات کا تجھے بھی اگر اعتبار ہوتا

کئی ایسے تھے لطیفے جنہیں میں سنا کے اُٹھا
تو کبھی تو مسکراتی ، جو تجھے بھی پیار ہوتا

وہ کسی کی دانتا کِل کِل، وہ ترا حساب غالب
تجھے محتسب سمجھتے جو نہ شیر خوار ہوتا

 

اے محبت! میرے انجام پہ ہنسنے کے بجائے
تُو میری آنکھ کے پانی سے وضو کر نے آ

 

تسکین درد مندوں کو یا رب شتاب دے
دل کو ہمارے چین دے آنکھوں کو خواب دے