احمد فراز کا کلام

کیا ایسے کم سُخن سے کوئی گفتگو کرے
جو مستقل سکوت سے دل کو لہو کرے

اب تو ہمیں بھی ترکِ مراسم کا دُکھ نہیں
پر دل یہ چاہتا ہے کہ آغاز تُو کرے

تیرے بغیر بھی تو غنیمت ہے زندگی
خود کو گنوا کے کون تیرے جستجو کرے

اب تو یہ آرزو ہے کہ وہ زخم کھائیے
تا زندگی یہ دل نہ کوئی آرزو کرے

تجھ کو بھُلا کے دل ہے وہ شرمندہ ء نظر
اب کوئی حادثہ ہی ترے روبرو کرے

چپ چاپ اپنی آگ میں جلتے رہو فراز
دنیا تو عرض ِ حال سے بے آبرو کرے

یہ غزل میں نے بے باک جی کی لڑی سے چپکے سے اڑا لی ھے مگر اب سوچ رہی ہوں کہیں بے باک جی آ کے یہ نہ کہہ دیں کہ انھوں نے تو یہیں سے اڑائی تھی:neu:

 

واہ ۔ بہت خوب۔ فراز کی خواہش کتنی نازک ہے۔

 

خوشی بہن۔ فراز کی معروف غزل ہے اور ہر مرتبہ لطف دیتی ہے۔ :a165:

 

بہت شکریہ زہرا جی بڑی نوازش

 

خوشی جی اچھی شاعری ارسال کی ہے





























کسی کی چرُا کر

 

بہت شکریہ

ساتھ لکھا ھے حسن جی پڑھیں یا اردو کا ماسٹر کریں

 

اپ ابھی بھی حسن کے ساتھ لڑتی رہتی ہیں

 

:143::143::143:

 

وہ گیا تھا ساتھ ہی لے گیا، سبھی رنگ اُتار کے شہر کا
کوئی شخص تھا میرے شہر میں، کسی دور پار کے شہر کا

چلو کوئی دل تو اُداس تھا چلوکوئی آنکھ تو نم رہی
چلو کوئی درتو کُھلا رہا، شب انتظار کے شہر کا

کسی اور دیس سے اَور کو ، سُنا ہے فراز چلا گیا
سبھی دکھ سمیٹ کےشہرکے، سبھی قرض اُتارکے شہر کا​

 

جب یار نے رخت سفر باندھا کب ضبط کا یارا اس دن تھا
ہر درد نے دل کو سہلایا کیا حال ہمارا اس دن تھا

جب خواب ہوئیں اس کی‌آنکھیں جب دھند ہوا اس کا چہرہ
ہر اشک ہمارا اس شب تھا ہر زخم انگارہ اس دن تھا

سب یاروں کے ہوتے سوتے ہم کس کے گلے مل کر روتے
کب گلیاں اپنی گلیاں تھیں کب شہر ہمارا اس دن تھا

جب تجھ سے ذرا غافل ٹھہرے ہر یاد نے دل پر دستک دی
جب لب پہ تمہارا نام نہ تھا ہر دکھ نے پکارا اس دن تھا

اک تم ہی فراز نہ تھے تنہا اب کے تو بلاوا جب آیا
اک بھیڑ لگی تھی مقتل میں ہر درد کا مارا اس دن تھا

 

بہت خوب۔۔۔احمد فراز کی کیا بات ہے!

 

نعیم بھائی اینڈ خوشی جی اچھی شاعری ہے :a165:

 

شکریہ حسن رضا بھائی ۔

 

حسن جی مسز مرزا آپ کا بہت شکریہ بڑی نوازش

 

(چاند اور میں ۔۔ احمد فراز )

وفا پرست صلیبیں

وہ دن بھی یاد ہیں مجھ کو کہ جب مری دنیا
کہاں کے جسم ، کہ سایوں کو بھی ترستی تھی
پھرا ہوں کوچہ بہ کوچہ متاعِ درد لیے
اگرچہ خلق ، مری سادگی پہ ہنستی تھی

سدا جلاتی رہی ہے مجھے یہ محرومی
وہی تھا میں ، وہی صحرائے آرزو کے سراب
کوئی نہ تھا کہ میں جس کے حضور نذر کروں
یہ آنسوؤں کے چراغاں، یہ شاعری کے گلاب

یہ زخم وہ تھے جو فن کے لیے چراغ بنے
مرا شریکِ سفر بس مرا شعور رہا
کسی سے کر نہ سکا ددرد نارسا کا گلہ
وہ روز و شب تھے کہ تنہائیوں سے چور رہا

رہِ طلب میں پھر اک یہ مقام بھی آیا
کہ دل گرفتہ ہے تو میری زندگی کے لیے
میں دیکھتا ہوں کہ تیری اداس آنکھوں میں
وفا کی آنچ لیے ہیں عقیدتوں کے دیئے ​

 

اچھی شاعری ہے :wow:

 

کتاب دل میں جو نفرت کا باب رکھتا تھا
وہ چاہتوں کا مکمل حساب رکھتا تھا

فریب دیتا رہا دوستی کے پردوں میں
وہ شخص چہرے پے کتنے نقاب رکھتا تھا

آج اس کے ہاتھوں میں پتھر دکھائی دیتا ہے
جو اپنے ہاتھ میں ہر دم گلاب رکھتا تھا

وہ شخص جو کہ بھٹکتا دکھائی دیتا تھا
راہِ وفا میں قدم کامیاب رکھتا تھا

کہاں تلاش کروں اس کو آج میں فراز
جو اپنی بات میں اپنا ہی جواب رکھتا تھا​

 

بہت خوب کلام ہے فراز کا
حسن بھائی شکریہ ۔

 

پسندیگی کا شکریہ

 

آپ پھر پسندیدگی کو پسندیگی لکھ رہے ہیں ؟ :119:

 

جلدی میں غلطی ہو جاتی ہے

 

(چاند اور میں ۔۔ احمد فراز )

وفا پرست صلیبیں (حصہ اول)

وہ دن بھی یاد ہیں مجھ کو کہ جب مری دنیا
کہاں کے جسم ، کہ سایوں کو بھی ترستی تھی
پھرا ہوں کوچہ بہ کوچہ متاعِ درد لیے
اگرچہ خلق ، مری سادگی پہ ہنستی تھی

سدا جلاتی رہی ہے مجھے یہ محرومی
وہی تھا میں ، وہی صحرائے آرزو کے سراب
کوئی نہ تھا کہ میں جس کے حضور نذر کروں
یہ آنسوؤں کے چراغاں، یہ شاعری کے گلاب

یہ زخم وہ تھے جو فن کے لیے چراغ بنے
مرا شریکِ سفر بس مرا شعور رہا
کسی سے کر نہ سکا ددرد نارسا کا گلہ
وہ روز و شب تھے کہ تنہائیوں سے چور رہا

رہِ طلب میں پھر اک یہ مقام بھی آیا
کہ دل گرفتہ ہے تو میری زندگی کے لیے
میں دیکھتا ہوں کہ تیری اداس آنکھوں میں
وفا کی آنچ لیے ہیں عقیدتوں کے دیئے

(حصہ دوم )

کسے عزیز نہ ہو گی تیری طلب کی لگن
ہزار دل پہ پڑی ہو غمِ زمانہ کی دھول
کسے غرور نہ ہوگا اگر تری چاہت
کھلائے دشتِ تمنا میں التفات کے پھول

مگر تجھے نہیں معلوم قربتوں کے الم
تیری نگاہ مجھے فاصلوں سے چاہتی ہے
تجھے خبر نہیں شاید کہ خلوتوں میں مری
لہو اگلتی ہوئی زندگی کراہتی ہے

تجھے خبر نہیں‌شاید کہ ہم وہاں ہیں جہاں
یہ فن نہیں ہے اذیت ہے زندگی بھر کی
کبھی گلوئے جنوں پر کمند پڑتی ہے
کبھی قلم کی زباں پر ہے نوک خنجر کی

ہم اس قبیلہء وحشی کے دیوتا ہیں کہ جو
پجاریوں کی عقیدت پہ پھول جاتے ہیں
اور ایک رات کے معبود صبح ہوتے ہی
وفا پرست صلیبوں پہ جھول جاتے ہیں


احمد فراز ۔ ​

 

کئی برس پہلے اپنی ڈائری میں یہ لکھا تھا۔۔۔۔کیا یاد دلا دیا
واہ بہت خوب!!!

 

فراز میرا فیورٹ شاعر ہے۔ نعیم چاچو آپ نے وفا کی صلیبیں ارسال کرکے فراز کی شاعری میں خوبصورت اضافہ کردیا ہے۔ شکریہ

 

نعیم بھائی بہت ہی خوب شاعری ارسال کی آپ نے شکریہ :a165:

 

نہایت ہی عمدہ کلام ۔ :a180:
نعیم صاحب فراز کا اعلی معیاری کلام ارسال کرنے پر بہت شکریہ ۔

 

بہت شکریہ مسز مرزا بہنا جی ۔ دعا ہے کہ آپ معہ فیملی خیریت سے رہیں۔ آمین

 

عقرب بھائی ۔ پسندیدگی کا بہت شکریہ ۔

 

حسن رضا بھائی ۔ آپ کا بہت شکریہ ۔ نوازش ۔

 

میڈم جی ۔ کاوش پسند فرمانے پر آپ کا بھی بہت شکریہ ۔