احمد فراز کا کلام

ہوئی ہےشام توآنکھوں میں‌بس گیاپھرتو
کہاں گیا ہے مرے شہر کے مسافر تو ؟

مری مثال کہ اک نخلِ خشک صحرا ہوں
ترا خیال کہ شاخ ِ چمن کا طائر تو

میں جانتا ہوں کہ دنیا تجھے بدل دےگی
میں مانتا ہوں کہ ایسا نہیں ہے ہرگز تو

ہنسی خوشی سے بچھڑ جا اگر بچھڑنا ہے
یہ ہر مقام پہ کیا سوچتا ہے آخر تو

فضا اداس ہے، رت مضمحل ہے میں چپ ہوں
جو ہوسکے تو چلا آ ، کسی کی خاطر تو

فراز تو نے اسے مشکلوں میں ڈال دیا
زمانہ صاحبِ زر اور صرف شاعر تو


احمد فراز ​

 

واہ جی بہت ہی خوب کلام شیئر کیا :86: :a180:

نعیم بھائی شکریہ

 

خوب صورت شاعری ہے ۔ بہت شاندار ۔ مزہ آیا پڑھ کر۔

 

حسن رضا بھائی اور پاکیزہ بہناجی ۔ کلام کی پسندیدگی کے لیے شکریہ قبول کریں۔

 

فراز کی ایک اور عمدہ غزل پوسٹ کی ہے۔ بہت شکریہ

 

شکریہ میڈم زاہرا جی ۔

 

تخلیق

درد کی آگ بجھا دو کہ ابھی وقت نہیں
زخمِ دل جاگ سکے ، نشترِ غم رقص کرے
جو بھی سانسوں میں گھلا ہے اسےعریاں نہ کرو
چپ بھی شعلہ ہے مگرکوئی نہ الزام دھرے

ایسے الزام کہ خود اپنے تراشے ہوئے بت
جذبہء کاوشِ خالق کو نگو نسار کریں
موقلم حلقہء ابرو کو بنا دے خنجر
لفظ نوحوں میں رقم مدح رخِ یار کریں
رقص مینا سے اٹھے نغمہء رقص بسمل
ساز خود اپنے مغنی کو گنگار کریں

مرہم اشک نہیں زخم طلب کا چارہ
خون بھی روئے گے تو کس خاک کی سج دھج ہوگی
کانپتے ہاتھوں سے ٹوٹی ہوئی بنیادوں پر
جو بھی دیوار اٹھاؤ گے وہی کج ہو گی
کوئی پتھر ہو کہ نغمہ کوئی پیکر ہو کہ رنگ
جو بھی تصیر بناؤ گے اپاہج ہوگی


احمد فراز ​

 

کانپتے ہاتھوں سے ٹوٹی ہوئی بنیادوں پر
جو بھی دیوار اٹھاؤ گے وہی کج ہو گی
کوئی پتھر ہو کہ نغمہ کوئی پیکر ہو کہ رنگ
جو بھی تصیر بناؤ گے اپاہج ہوگی

واہ جی بہت خوب :flor:

 

لگا کے زخم بدن پر قبائیں دیتا ہے
یہ شہرِ یار بھی کیا کیا سزائیں دیتا ہے

تمام شہر ہے مقتل اسی کے ہاتھوں سے
تمام شہر اسی کو دعائیں دیتا ہے

کبھی تو ہم کو بھی بخشے وہ ابر کا ٹکڑا
جو آسمان کو نیلی ردائیں دیتا ہے

جدائیوں کے زمانے پھر آگئے ہی فراز
یہ دل ابھی سے کسی کو صدائیں دیتا ہے


احمد فراز​

 

واہ نعیم بھائی اچھی شیئرنگ ہے :a180:

 

واہ بہت خوب صورت کلام ھے شئیرنگ کا شکریہ

 

تو کہ شمع شام فراق ھے دل نامراد! سنبھل کے رو
یہ کسی کی بزم نشاط ھے یہاں قطرہ قطرہ پگھل کے رو

کوئی آشنا ہو کہ غیر ہو نہ کسی سے حال بیان کر
یہ کٹھور لوگوں کا شہر ھے کہیں دور پار نکل کے رو

کسے کیا پڑی سر انجمن کہ سنے وہ تیری کہانیاں
جہاں تجھ سے کوئی بچھڑ گیا اسی رہگزر پہ چل کے رو

یہاں اور بھی ھیں گرفتہ دل کبھی اپنے جیسوں سے جا کے مل
ترے دکھ سے بڑھ کے ھیں جن کے دکھ کبھی ان کی آگ میں جل کے رو

ترے دوستوں کو خبر ھے سب تری بیکلی کا جو ھے سبب
تو بھلے سے اس کا نہ ذکر کر تو ہزار نام بدل کے رو

غم عشق لاکھ کڑا سہی پہ فراز کچھ تو خیال کر
مری جاں! یہ محفل شعر ھے سو نہ ساتھ ساتھ غزل کے رو

 

خوشی جی ۔ بہت اچھا کلام ہے۔ یہ شعر حاصل غزل ہے۔

 

حسن رضا بھائی اور خوشی جی ۔ پسندیدگی کا شکریہ۔

 

یہاں اور بھی ھیں گرفتہ دل کبھی اپنے جیسوں سے جا کے مل
ترے دکھ سے بڑھ کے ھیں جن کے دکھ کبھی ان کی آگ میں جل کے رو

ترے دوستوں کو خبر ھے سب تری بیکلی کا جو ھے سبب
تو بھلے سے اس کا نہ ذکر کر تو ہزار نام بدل کے رو

خوشی جی بہت خوب :222: :a180:

 

نعیم جی اور حسن جی آپ کی پسندیدگی کا بہت شکریہ

 

کہا تھا کس نے تجھے آبرو گنوانے جا
فراز اور اسے حالِ دل سنانے جا

کل اک فقیر نے کس سادگی سے مجھ کو کہا
تری جبیں کو بھی ترسیں گے آستانے ۔۔ جا

اسے بھی ہم نے گنوایا تری خوشی کے لیے
تجھے بھی دیکھ لیا ہے ارے زمانے جا

بہت ہے دولت پندار پھر بھی دیوانے
جو تجھ سے روٹھ چکا ہے اسے منانے جا

سنا ہے اس نے سوئمبر کی رسم تازہ کی
فراز تو بھی مقدر کو آزمانے جا ​

سوئمبر : اسم معرفہ ( مذکر - واحد )
معنی و مفہوم : قدیم ہندو تاریخ میں اپنی پسند کا خاوند منتخب کرنے کے لیے ہندو راجاؤں اور عالی خاندان ہندوؤں میں یہ طریقہ رائج تھا کہ جب لڑکی کی شادی کرنا ہوتی تھی تو دن/تاریخ مقرر کر کے اعلان کرایا جاتا تھا کہ شادی کے خواہشمند آکر اپنے کرتب اور ہنر دکھائیں اور لڑکی جسے پسند کرے گی اُس سے شادی کی جائے گی یہ رسم اور تقریب سوئمبر کہلاتی تھی۔

 

اسے بھی ہم نے گنوایا تری خوشی کے لیے
تجھے بھی دیکھ لیا ہے ارے زمانے جا

بہت ہے دولت پیندار پھر بھی دیوانے
جو تجھ سے روٹھ چکا ہے اسے منانے جا

نعیم بھائی ہمیشہ کی طرح بہت خوب شاعری ارسال کی ہے

:86:

 

شکریہ حسن رضا بھائی ۔ آپ کا حسن ذوق ہے۔

 

آپ بہت خوب شاعری ارسال کرتے ہیں پڑھ کر بہت اچھا لگتا ہے

 

شکریہ ۔ آپ اچھے ہیں اس لیے آپکو ہر چیز اچھی لگتی ہے۔

 

شکریہ نعیم بھائی
آپ بھی بہت اچھے بھائی ہیں ہمارے

 

نعیم جی بہت اچھی شاعری ہے :flor:

 

تم ھی نے سوار کیا تھا محبت کی کشتی پہ فراز
اب نظریں نہ چراؤ مجھے ڈوبتا بھی دیکھو

 

نعیم جی بہت خوب کلام ھے


شام جی فراز کی یہ غزل ذرا پوری تو لکھیں:143::143::143:

 

شکریہ خوشی جی ۔

 

فراز اردو ادب کے عظیم شاعر ہیں۔
پسندیدگی کا شکریہ نادیہ رضا۔

 

اس دورِ بے جنوں کی کہانی کوئی لکھو
جسموں کو برف، خون کو پانی کوئی لکھو

کوئی کہو کہ ہاتھ قلم کس طرح ہوئے
کیوں رک گئی قلم کی روانی کوئی لکھو

کیوں اہلِ شوق سر بگریباں ہیں دوستو
کیوں خوں بہ دل ہے عہدِ جوانی کوئی لکھو

کیوں سرمہ در گلو ہے ہر اک طائرِ سخن
کیوں گلستاں قفس کا ہے ثانی کوئی لکھو

ہاں تازہ سانحوں کا کرے کون انتظار
ہاں دل کی واردات پرانی کوئی لکھو


احمد فراز​

 

کوئی کہو کہ ہاتھ قلم کس طرح ہوئے
کیوں رک گئی قلم کی روانی کوئی لکھو

نعیم بھائی بہت خوب :222:

 

کوئی کہو کہ ہاتھ قلم کس طرح ہوئے
کیوں رک گئی قلم کی روانی کوئی لکھو


بہت خوب فراز ۔
بہت خوب نعیم چاچو ۔ :101: