آپکے پسندیدہ اشعار

Re: ہماری پسند

واہ واہ واہ۔۔ بہت خوبصورت اشعار ہیں۔ خاص کر اس شعر سے تو اقبال کا یہ شعر یاد آگیا۔

عشق کی اک جست نے طے کردیا قصہ تمام
اس جہانِ رنگ و بو کو بے کراں سمجھا تھا میں​

 

Re: ہماری پسند

دنیا کب چپ رہتی ہے
کہنے دے جو کہتی ہے​

 

Re: ہماری پسند

بے ثباتیء جہان، قولِ سکندر سے عیاں
جو بھی دھنوان بنا ہم نے تو نِردھن دیکھا

(نعیم رضا)​

 

Re: ہماری پسند

واہ بھئی واہ۔ کیا خوبصورت اشعار ہیں آپ سب کے۔

دل خوش ہوگیا پڑھ کر۔ آپ سب ہماری اردو کی رونقیں ہیں۔

احمد فراز کی ایک خوبصورت غزل پیش خدمت ہے۔

اے خدا جو بھی مجھے پندِ شکیبائی دے
اسکی آنکھوں‌کو میرے زخم کی گہرائی دے

تیرے لوگوں سے گلہ ہے میرے آئینوں کو
انکو پتھر نہیں‌دیتا ہے تو بینائی دے

جس کے ایما پہ کیا ترکِ تعلق سب سے
اب وہی شخص مجھے طعنہء تنہائی دے

اتنا بےصرفہ نہ جائے میرے گھر کا جلنا
چشمِ گریاں‌نہ سہی، چشمِ تماشائی دے

کیاخبرتجھکوکہ کس وضع کابسمل ہےفراز
وہ تو قاتل کو بھی الزامِ مسیحائی دے

(احمد فراز)‌​

 

Re: ہماری پسند

+++

 

Re: ہماری پسند

بہت خوب ۔ بہت اچھی شاعری چل رہی ہے۔

سوچ کو جراتِ پرواز تو مل لینے دو
یہ زمیں اور ہمیں تنگ دکھائی دے گی
جب بھی پرکھے گا کوئی پیار کے معیار قتیل
ساری دنیا میرے پاسنگ دکھائی دےگی

(قتیل شفائی)​

 

Re: ہماری پسند

وفا کا مجھ سے تقاضا نہ کر مرے محبوب
رفاقتوں کا مرے شہر میں رواج نہیں‌

(عابد حشری)​

 

Re: ہماری پسند

زمانے بھر میں رسوا ہوں مگر اے وائے نادانی
سمجھتا ہوں کہ مرا عشق مرے رازداں تک ہے

(اقبال )​

 

Re: ہماری پسند

+++

 

Re: ہماری پسند

بہت خوب باجی ۔ بہت پیارا کلام ہے۔

۔۔۔۔۔۔۔۔۔۔۔۔۔۔۔

آنکھوں کو التباس بہت دیکھنے میں تھے
کل شب عجیب عکس میرے آئینے میں تھے

ہربات جانتے ہوئے دل مانتا نہ تھا
ہم جانے اعتبار کے کس مرحلے میں تھے

وصل و فراق دونوں ہیں اک جیسے ناگزیر
کچھ لُطف اسکے قرب میں، کچھ فاصلے میں تھے

چھو لیں اسے کہ دور سے بس دیکھتے رہیں
تارے بھی رات میری طرح مخمصے میں تھے

جگنو، ستارے، آنکھ، صبا ، تتلیاں، چراغ
سب اپنے اپنے غم کے کسی سلسلے میں تھے

امجد کتابِ جان کووہ پڑھتا بھی کس طرح
لکھنے تھے جتنے لفظ ابھی حافظے میں تھے

(امجد اسلام امجد)​

 

Re: ہماری پسند

یہ پسندیدہ اشعار کی لڑی ہے
پوری پوری غزل لکھنے کی بجائے اس غزل کے ایک دو پسندیدہ اشعار لکھ دیا کریں تو زیادہ بہتر ہو پوری غزلوں کے لئے غزلیات کی لڑی جو ہے

کہتا تھا کہ ہم ساتھ جیئں ساتھ مریں گے
اب روٹھ گئے ہیں تو منانے نہیں آیا

 

Re: ہماری پسند

لاحاصل جی ۔ توجہ دلانے اور اصلاح کرنے کا بہت شکریہ ۔

وجہِ بے رنگئ گلزار کہوں تو کیا ہو
کون ہے کتنا گنہگار کہوں تو کیا ہو
تم نے جو بات سرِ بزم نہ سننا چاہی
میں وہی بات سرِ دار کہوں تو کیا ہو

(ساحر لدھیانوی)​

 

Re: ہماری پسند

ارے واہ عبدالجبار بھائی۔ آپ کی صحتیابی کی خوشی اور پھر اس پر اتنا پیارا شعر۔ بہت خوب

-----------------------------------------

نہ گھبرا چار دن کے واسطے اے روح قالب میں
گیا جو اس مکاں سے پھر نہیں اسکا مکیں آیا​

(آتش دھلوی)​

 

Re: ہماری پسند

دلوں کے سودے میں نقصان ہو بھی سکتا ہے
شعور تھا تو سہی میرے کام آیا نہیں

(عابدہ تقی)​

 

Re: ہماری پسند

اس راہِ محبت میں تو آزار ملے ہیں
پھولوں کی تمنا تھی مگر خار ملے ہیں
انمول جو انسان تھا وہ کوڑی میں بکا ہے
دنیا میں بہت ایسے بھی بازار ملے ہیں​

 

::

​

اِک مدت سے میری ماں نہیں سوئی تابش

اِک بار میں نے کہا تھا مجھے ڈر لگتا ہے

 

Re: ہماری پسند

+++

 

Re: ہماری پسند

اکثر جنونِ عشق جب اترا دماغ سے
میں دنگ رہ گیا یہ کیا لکھ گیا ہوں‌میں​

 

Re: ہماری پسند

کچھ اس قدر تھی گرمئ بازارِ آرزو
دل جو خریدتا تھا اسے دیکھتا نہ تھا​

 

Re: ہماری پسند

+++

 

Re: ہماری پسند

جدائی بھی نہ ہوتی، زندگی بھی سہل ہوجاتی
جو ہم اک دوسرے سے مسئلہ تبدیل کر لیتے​