لفظِ “دل“ پر شعر کہیں

ہجر کی آنکھوں سے آنکھیں تو ملاتے جائیں
ہجر میں کرنا ہے کیا یہ تو بتاتے جائیں
بن کےخوشبوکی اُداسی رہی دل کے باغ میں
دور ہوتے جائیں نزدیک آتے جائیں

 

یہ عجب کیفیت دل ھے کہ سب کچھ کہہ کر
اک خلش سی ھے کہ کچھ تشنہ اظہار بھی ھے

 

دل میں اب دردِ محبت کے سوا کچھ بھی نہیں
زندگی میری عبادت کے سوا کچھ بھی نہیں

 

دل برا کیجئے کس طرح بھلا پھر اس سے
راحتِ جاں بھی تو ھے آفتِ جاں ہی تو نہیں

 

ناصر بہت سی خواہشیں دل میں ہیں بے قرار
لیکن کہاں سے لاؤں ، وہ بے فکر زندگی

ناصر کاظمی

 

تیری راہ میں رکھ کر اپنی شام کی آہٹ
دم بخود سی بیٹھی ہے میرے بام کی آہٹ
کیوں ٹھہر گئی دل میں اس قیام کی آہٹ
کیوں گزر نہیں جاتی اس مقام کی آہٹ

 

دل جلانے کی بات کرتے ہو تم ستانے کی بات کرتے ہو
میرے حق میں یہ کیا تمہیں سوجھی آزمانے کی بات کرتے ہو

 

یا رب وہ نہ سمجھے ہیں نہ سمجھیں گے مری بات
دےاور بھی دل ان کو ، نہ دے مجھکو زباں اور

 

جب تجھ سے ذرا غافل ٹھہرے ہر یاد نے دل پر دستک دی
جب لب پہ تمہارا نام نہ تھا ہر دکھ نے پکارا اس دن تھا

 

وہ مزا دیا تڑپ نے کہ یہ آرزو ھے یا رَب !
میرے دونوں پہلوؤں میں دلِ بےقرار ہوتا

 

ملے جو توٹ کے کوئی تو دل دعا یہ کرے
یہ ہو بھی ایسا ہی جیسا دکھائی دیتا ھے

 

دنیا کہتی مجھے تیرا سودائی ہے
اب میرا ہوش میں آنا تیری رسوائی ہے
دل ازل سے شیدا تیرا کوئی نیا تو نہیں
اک چوٹ پرانی تھی جو بھر آئی ہے

 

تو کہ شمع شام فراق ھے دل نامراد! سنبھل کے رو
یہ کسی کی بزم نشاط ھے یہاں قطرہ قطرہ پگھل کے رو

 

قربت بھی نہیں دل سے اتر بھی نہیں جاتا
وہ شخص کوئی فیصلہ کر بھی نہیں‌پاتا
دل کو تیری چاہت پہ بھروسہ بھی بہت ہے
اور تجھ سے بچھڑ جانے کا ڈر بھی نہیں جاتا

 

درد ایسا ھے کہ مرہم کی بجائے ساجد
دل میں نشتر سا چبھو دینے کو جی چاھتا ھے

 

بڑا زبردست شعر ھے اپ کا خوشی صاحبہ
پتہ نہیں کیوں میرا رونے کو جی کر رہا ھے۔اپ کا شعر میرے دل میں خنجر کی طرح لگ چُکا ھے مجھ کو شعروں شاعری دلچسپی نہیں ھے ورنہ میں‌ بھی شیئر کرتا ۔برحال شکریہ شئیر کرنے کا۔

 

جواب: لفظِ “دل“ پر شعر کہیں

دل میں خوف آنکھوں میں نمی سی رہتی ہے
زندگی میں شاید کوئی کمی سی رہتی ہے

مجھ ست روٹھ جاتے ہیں اکثر اپنے
شاید میرے خلوص میں کمی سی رہتی ہے

 

جواب: لفظِ “دل“ پر شعر کہیں

کسی بھی لمحے بغاوت کا تھام لیں پرچم
ہم ایسے دل کے تباہوں کا اعتبار نہیں

 

جواب: لفظِ “دل“ پر شعر کہیں

اسے کہو میری سزا میں کچھ کمی کر دے
کسی کو ٹوٹ کے چاہنا کوئی جرم تو نہیں

کیوں دیتا ہے وہ ہر بات پے دکھ مجھے
میرے سینے میں بھی دل ہے کوئی پتھر تو نہیں

 

جواب: لفظِ “دل“ پر شعر کہیں

نہ سوالِ وصل، نہ غرضِ غم، نہ حکایتیں نہ شکایتیں
ترے عہد میں دلِ زار کے سبھی اختیار چلے گئے

فیض احمد فیض

 

جواب: لفظِ “دل“ پر شعر کہیں

دل ناامید تو نہیں ناکام ہی تو ھے
لمبی ھے غم کی شام مگر شام ہی تو ھے

 

جواب: لفظِ “دل“ پر شعر کہیں

غم ِ دنیا میں سرگرداں تھے ایسے
نہ دل رویا نہ تیری یاد آئی

 

جواب: لفظِ “دل“ پر شعر کہیں

لازم نہیں ساون ہی میں‌ہوتی ھے یہ برکھا
دل جن کے دکھی ھیں وہاں برسات رہی ھے

 

جواب: لفظِ “دل“ پر شعر کہیں

وہ رہینِ خود ستائی ، میں کشتۂ انا رہا
زبان و دل کے درمیاں، ہمیشہ فاصلہ رہا

 

جواب: لفظِ “دل“ پر شعر کہیں

کیوں‌کرتے ہو ماضی یا حال کی بات
دل سنتا نہیں اب وصال کی بات

 

جواب: لفظِ “دل“ پر شعر کہیں

ہم کو دل نے نہیں حالات نے نزدیک کیا
دھوپ میں دور سے ہر شخص شجر لگتا ہے

عباس تابش

 

جواب: لفظِ “دل“ پر شعر کہیں

دل کی گٹھڑی میں باندھ رکھے تھے
جانے کیسے بکھر گئے آنسو