لفظِ “دل“ پر شعر کہیں

شہر دل اور اتنے لوگوں کا ہجوم
وہ الگ سب سے کھڑی اچھی لگی

 

یہ کیا کہ اک جھاں کو کرو وقفِ اضطراب
یہ کیا کہ ایک دل کو شکیبا نہ کر سکو

 

دل کی تاکید ہے ہر حال میں‌ ہو پاسِ وفا
کیا ستم ہے کہ ستمگر کو ستمگر نہ کہوں

 

غم دنیا تو وہ قلزم ھےکہ دل کا مضمون
غرق ہوتا چلا جاتا ھے کنارے کی مثال

 

ترا سنگدل پگھلے تو جب تجھ کو یقین آئے
کہ اُسکی شان ایسی اُسکی قدرت ایسی ہوتی ہے

 

اپنے تو کسی درد کا احساس نہیں ھے
دل میں ھیں سبھی درد پرائے نہیں جاتے

 

وہ خواب تھا بکھر گیا خیال تھا ملا نہیں
دل کو میرے کیا ہوا یہ کیوں بجھا پتا نہیں

 

کارِ فرہاد سے یہ کم تو نہیں‌جو ہم نے
آنکھ سے دل کی طرف موڑ دیا پانی کو

 

دلوں کو شوق سے روندو خرامِ ناز فرماؤ
اگر محشر ہوا تو پھر مجھے مجرم نہ ٹھہرانا

 

عاشقی صبر طلب اور تمنا ھے بیتاب
دل کا کیا رنگ کروں خون جگر ھونے تک
غم ھستی کا اسد کیسے ھو جزو مرگ علاج
شمع ھر رنگ میں جلتی ھے سحر ھونے تک۔


مرزا غالب

 

مرے دل کی تہوں سے تیری صورت دُھل کے بہہ جائے
حریم عشق کی شمع ِدرخشاں بجھ کے رہ جائے

 

مری صبح تیرے سلام سے مری شام ہے تیرے نام سے
ترے درد کو چھوڑ کے جاؤں گا یہ خیال دل سے نکال دے

 

دل گرفتہ ہی سہی بزم سجا لی جائے
یادِجاناں سے کوئی شام نہ خالی جائے

 

اک اداسی سی لگی رہتی ہے
کوئی مشکل سی بنی رہتی ہے
ایسے لگتا ہے دل کی بستی میں
ایک محفل سی سجی رہتی ہے

 

ایک دیا دل میں جلانا بھی بجھا بھی دینا
یاد کرنا بھی اسے روز بھلا بھی دینا

 

میں جن شعلوں میں جلتا تھااسے تم نہیں سمجھے
مرا دل مختلف تھا مختلف صدمات تھے میرے

 

سات رنگوں کے شامیانے ہیں
دل کے موسم بڑے سہانے ہیں

 

دل کڑا تو بہت کیا تھا عدیم
وقت رخصت بکھر گئے‌آنسو

 

پھر دیکھو میرے حال پہ روتا ہے بھلا کون
ویرانئی دل آ تجھے آنکھوں میں بسا لوں

 

آنکھوں‌کو سامنے کے علاقے دیئے گئے
دل کو چھپا ہوا بھی جہاں دے دیا گیا

 

اک دل کا درد ہے کہ رہا زندگی کے ساتھ
اک دل کا چین تھا کہ سدا ڈھونڈتے رہے

 

بڑا درد کا رشتہ ھے یہ دل غریب سہی
تمہارے نام پہ آئیں گے غم گسار چلے

 

دل کو تمھارے نام کے آنسو عزیز تھے
دنیا کا کوئی درد سمونے نہیں دیا

 

ہر کوئی دل کی ہتھیلی پہ ھے صحرا رکھے
کس کو سیراب کرے وہ کسے پیاسا رکھے

 

میں پہلے ہی برباد ہوں اس دل کے ہاتھوں
مجھے غم نہ لگا مت بول پیا کے لہجے میں

 

انہی بستیوں میں ورنہ
کئی دل کئی نگاہیں
کوئی نیند کا ہو رسیا
تو ہزار خواب گاہیں

 

دل میں دلبر کی ذات کو رکھنا
ذرے میں کائنات کو رکھنا
عشق کی ہر گھڑی عبادت ہے
سامنے اُن کی ذات کو رکھنا

 

دل گم ہے کب کا چور کا لیکن پتہ نہیں
ہم کو کیا پولیس کے تھانے سے فائدہ