پسندیدہ غزلیات، نظمیات

واہ نعیم بھائی اچھی غزل ہے۔
یہ شعر تو بہت عمدہ ہے۔ پسند آیا
بہت شکریہ شئیر کرنے پر

 

بہت خوب جناب۔۔عمدہ انتخاب ہے۔۔۔

 

ساگراج بھائی اور کاشفی بھائی ۔
آپ کی پسندیدگی اور محبتوں کا بہت شکریہ :flor:

 

محبت اب نہیں ہو گی

ستا رے جو دمکتے ہیں
کِسی کی چشمِ حیراں میں
ملا قا تیں جو ہو تی ہیں
جمالِ ابر و باراں میں
یہ نا آباد وقتوں میں
دل نا شا د میں ہو گی
محبت اب نہیں ہو گی
یہ کچھ دن بعد میں ہو گی
گزر جا ئیں گے جب یہ دن
یہ اُن کی یا د میں ہو گی

منیر نیازی

 

واہ واہ بہت‌ خوب۔۔۔

محبت اب نہیں ہو گی
یہ کچھ دن بعد میں ہو گی
گزر جا ئیں گے جب یہ دن
یہ اُن کی یا د میں ہو گی

 

کاشفی بھائی اور محبوب خان بھائی ۔
پسندیدگی کے لیے ڈھیروں شکریہ :flor:

 

منیر نیازی نے کیا خوب کہا۔
چھوٹے چھوٹے جملے، بڑی بڑی بات۔
محبت بعد میں ہوگی
یہ انکی یاد میں ہوگی

واہ ۔ بہت ہی خوب

 

شکریہ عقرب بھائی ۔

 

جب دھوپ تھی قسمت تو شجر کس کے لیے تھا؟​

جب دھوپ تھی قسمت تو شجر کس لیے تھا
بےفیض رفاقت میں ثمر کس کے لیے تھا

پردیس میں سونا تھا تو چھت کس لیے ڈالی
باہر ہی نکلنا تھا تو گھر کس کے لیے تھا

جس خاک سے پُھوٹا ہے اسی خاک کی خوشبو
پہچان نہ پایا تو ہُنر کس کے لیے تھا

اے مادرِ گیتی ! تری حیرت بھی بجا ہے
تیرے ہی نہ کام آیا تو سر، کس کے لیے تھا

یوں شام کی دہشت سے سرِ دشتِ ارادہ
رُکنا تھا، تو پھر سارا سفر کس کے لیے تھا


پروین شاکر​

 

واہ نعیم بھائی بہت اچھی غزل ہے۔
بہت شکریہ شیئر کرنے کےلئے

 

نئے سال کی آمد کے موقع پر

آؤ کہ دعا کے لیے ہاتھ اٹھائیں
اب ، جب کہ !
نئی امنگیں، نئے سپنوں سے گلے ملیں گی
نئی پنکھڑیاں امید کے گلابوں کی کھلیں گی
نئے دل بچھڑی کامیابیوں کی کلید ہوں گے
اب کے رنگ عجب ساعت سعید ہوں گے
سب نرجل گھڑیاں پیار کے ساگر میں
ڈوب جائیں گی
قندیلِ شب میں چاندنیاں
مسکرائیں گی
پھر حوصلے جواں ہوں گے
سبز بختی کے سلسلے آسماں ہوں گے

آؤ کہ دعا کے لیے ہاتھ اٹھائیں
کہ !
زیست کی ٹہنی پہ تازہ گلاب کھلا چاہتا ہے
اک اور سالِ نو ہم سے ملا چاہتا ہے
کلام : مِس تحسین اختر

 

بہت خوب ۔ پروین شاکر عظیم شاعرہ تھیں۔
نعیم جی ۔ شکریہ

 

شکریہ نور جی ۔
آپ کی ارسال کردہ دعا بھی بہت عمدہ ہے۔ :mashallah:

 

کبھی تم جو دیکھو

کبھی تم کتابوں میں کُچلی ہوئی کوئی تتلی جو دیکھو
تو یہ جان لینا
مجھے آسمان اور زمیں نے کُچل کر تمھاری کتابوں میں
تتلی کی صورت بقا بخش دی
کبھی پھول ٹوٹا ہوا کوئی پاؤ
تو یہ جان لینا
مجھے میرے اندر نے خود توڑکر تیرے قدموں میں نقشِ وفا کر دیا ہے

کبھی کوئی ساگر اُمنڈتا جو دیکھو
تو یہ جان لینا
یہ میرے آنسو ہیں جو اب سمندر میں طوفاں بنے ہیں
کبھی پھول، تتلی، سمندر، کنارے
گزرتے ہوئے تیز قدموں کو تھامیں
تو یہ جان لینا
یہ میں ہوں جو تھک کر یہاں آ گیا ہوں
ہمارے لئے ایسے دن بھی لکھے تھے
کہ جن میں اَنا نے فنا کے سفر میں
کئی درد جھیلے
کئی روپ دھارے
کبھی پھول، تتلی سمندر کنارے
کبھی رنگ، خوشبو، اُجالا، ستارے


طارق عزیز

 

زبردست جناب

 

واہ :a180: بہت خوب

 

اقراجی ، خوشی جی اور محبوب خان بھائی ۔
کلام کی پسندیدگی کا شکریہ ۔
آپ جیسے اہل ذوق کی حوصلہ افزائی ہے مزید شئیرنگ کا جذبہ دیتی ہے۔

 

بہت خوب کلام ہے۔
خوبصورت احساسات اور تخیلات کو لفظی جامہ پہنایا گیا ہے۔

محبوب بھائی ۔ عمدہ انتخاب ہے۔ :happy:

 

دوستی ۔۔۔۔

سال کا یہ آخری دن ہے
ابھی کچھ دھوپ ہے لیکن
ذرا سی دیر کو طے ہے کہ آخر شام ہونا ہے
حقیقت یا کہانی جو بھی ہے اسکا انجام ہونا ہے
چلو مل بیٹھ کے اپنے خسارے بانٹ لیتے ہیں
سبھی رنگ اور جگنو اور ستارے بانٹ لیتے ہیں
ذرا سی دیر کو طے ہے کہ آخر شام ہونا ہے
حقیقت یا کہانی جو بھی ہے اسکا انجام ہونا ہے
تو کیوں نہ شام سے پہلے
کسی انجام سے پہلے
جو کچھ کھڑیاں میسر ہیں
ان ہی میں‌زندگی کر لیں
کسی احساس کی شمع جلا کر
ان اندھیروں میں
کوئی دم روشنی کر لیں
چلو ہم سب گلے بھولیں
دلوں میں خوشبوئیں بھر لیں

چلو ہم دوستی کر لیں۔


ابرار ندیم

 

ایک بار پھر اسی نظم کے لئے داد وصول کریں بہت خوب بہت اچھے :a180:

 

خوشی جی اور محبوب بھائی ۔ پسندیدگی کا شکریہ ۔

 

ہاتھ اٹھائے ہیں مگر لب پہ دعا کوئی نہیں
کی عبادت بھی تووہ ، جسکی جزا کوئی نہیں

آ کہ اب تسلیم کرلیں تو نہیں تو میں سہی
کون مانے گا کہ ہم میں بے وفا کوئی نہیں

وقت نے وہ خاک اڑائی ہے کہ دل کے دشت سے
قافلے گذرے ہیں پھر بھی نقشِ پا کوئی نہیں

خود کو یوں‌ محصور کر بیٹھا ہوں اپنی ذات میں
منزلیں چاروں طرف ہیں راستہ کوئی نہیں

کیسے رستوں سے چلے اور یہ کہاں پہنچے فراز
یا ہجومِ دوستاں تھا ساتھ ۔ یا کوئی نہیں​

 

بہت خوب کمانڈو بھائی ۔