کچھ بھی نہیں

بہت خوب

 

مجھ کو مجھ سے جدا کی

مجھ کو مجھ سے جدا کیا تو نے
میرا بن کے یہ کیا ِکیا تو نے
میرے آنسو بھی مجھ سے چھین لئے
اس قدر غم عطا کیا تو نے
اب طلب کی طلب نہیں مجھ میں
نقش فانی فنا کیا تو نے
چند لمحوں میں رات ختم ہو ئی
صبحِ خنداں یہ کیا کیا تو نے
تیری چا ہت میں دور جا نکلا
ماسوا ماورا کیا تو نے
آج واصّف نے کہہ دیا اُس کو
بخدا باخدا کیا تو نے

 

نہایت خوب

 

Re: مجھ کو مجھ سے جدا

سمندری اتنا بھی دور نہیں ہے مِس فنا

 

ہی ہی

دور تو کچھ بھی نہیں جانے والا بندہ ہونا چاہئیے

میں مِس نہیں مسٹر ہوں گھنٹہ گھر

 

اس چیز کا خاص خیال رکھنا چاہئے۔

 

بہت خوب، عبدالجبار اور پیا نے اچھے انداز سے بات کی اور فنا نے ایک شریف آدمی کی طرح تسلیم کی۔ اس سے لگتا ہے کہ ہماری اردو میں اچھے سلجھے ہوئے لوگ پائے جاتے ہیں، یعنی کہ کسی منتظم کو اصلاح کے لئے کچھ کہنے کا موقع ہی نہیں ملا۔ بہت خوب۔

 

محترم ع س ق صاحب

آپ کی ساری با ت سے میں اتفاق کرتا ہوں لیکن آپ کی اس تحریر میں شریف آدمی کون ہے؟
ہاں اگر آپ شریف لڑکا لکھتے تو مجھے کو اعتراض نہیں

 

جناب موقع نہ ملنے پر اتنا لکھ دیا
موقع ملنے پر کتنا لکھتے ؟

 

افق کو افق سے ملا دینے

افق کو افق سے ملا دینے والے
یہ رستے ہیں کتنے تھکا دینے والے

یہ دن ہیں نئے اپنی خاصیتوں میں
کئی نام دل سے بھلا دینے والے

ِبتا دینا عمریں اسے کھوجنے میں
جو مل جائے اس کو گنوا دینے والے

پھر اپنے کئے پر پشیمان رہنا
یہ ہم ہی ہیں خود کو سزا دینے والے

منیر اس زمانے میں رہبر بہت ہیں
حقیقت کو الجھن بنا دینے والے

 

اچھا نہیں لگتا

سُنو اچھا نہیں لگتا

کرے جب تذکرہ کوئی

کرے جب تبصرہ کوئی

تمھاری ذات کو کھوجے

تمھاری بات کو سوچے

مجھے اچھا نہیں لگتا

سُنو اچھا نہیں لگتا

تمھاری مسکراہٹ پر

ہزاروں لوگ مرتے ہوں

تمھاری ایک آہٹ پر

ہزاروں دل دھڑکتے ہوں

کسی کا تم پہ یوں مرنا

مجھے اچھا نہیں لگتا

سُنو اچھا نہیں لگتا

کے تم کو پھول بھی دیکھیں

تمھارے پاس سے مہکیں

یا چندا کی گذارش ہو

کہ اپنی روشنی بخشو

مجھے اچھا نہیں لگتا

سُنو اچھا نہیں لگتا

 

کمال ہے

 

عبدالجبار بھائی کی کیا بات ہے۔ اللہ تعالیٰ انہیں اس خدمت پر استقامت دے۔

 

بہت خوب جبار جی
واصف جی کی بات بھی بھلی لگی

 

بہت اچھی غزل ہے

 

نہیں ہے یوں کہ بس میری خوشی اچھی نہیں لگی
اُسے تو میری کوئی بات بھی اچھی نہیں لگتی

میں نفرت اور محبت دونوں میں شدت کا قائل ہوں
مجھے جذبوں کی یہ خانہ پُری اچھی نہیں لگتی

میں اپنی ذات میں بھی اک خلا محسوس کرتا ہوں
تمہارے بعد کوئی چیز بھی اچھی نہیں‌ لگتی

بس اک طرزِ رفاقت ہے نبھاتے ہیں جسے ورنہ
بہت سے دوستوں سے دوستی اچھی نہیں لگتی

یقینا نقطہ سنجی اک حوالہ ہے ذہانت کا
مگر ہربات کی تردید بھی اچھی نہیں‌لگتی

اچانک تیرے آنے کی خوشی کچھ اور ہوتی ہے
مجھے بادِ صبا کی مخبری اچھی نہیں لگتی

تجھے ہنستے ہوئے دیکھا ہے میں نے سب حوالوں سے
تیرے چہرے پہ یہ افسردگی اچھی نہیں لگتی

تبسم یہ میرا ایمان ہے جب تک حریفوں کا
قدوقامت نہ ہو تو دشمنی اچھی نہیں لگتی​

نذیر تبسم​

 

اچھی غزل ہے۔

 

شکریہ لا حاصل

 

اے دردِ ہجر یار غزل کہہ رہا ہوں میں
بے موسمِ بہار غزل کہہ رہا ہوں مہیں

میرے بیانِ غم کا تسلسل نہ ٹوٹ جائے
گیسئوں ذرا سنوار غزل کہہ رہا ہوں میں

راز و نیازِ عشق میں کیا دخل ہے تیرا
ہٹ فکرِ روزگار غزل کہہ رہا ہوں میں

ساقی بیانِ شوق میں رنگینیاں بھی ہو
لا جامِ خوشگوار غزل کہہ رہا ہوں میں

تجھ سا سخن شناس کو ئی دوسرا نہیں
سن لے خیالِ یار غزل کہہ رہا ہوں میں

ناصر کاظمی

 

اے یارِ خوش دیار تجھے کیا خبر کہ میں
کب سے اداسیوں کے گھنے جنگلوں میں ہوں
تو لوٹ کر بھی اہلِ تمنا کو خوش نہیں
میں لُٹ کے بھی وفا کے انہی قافلوں میں ہوں
بدلا نہ میرے بعد بھی موضوعِ گفتگو
میں جا چکا ہوں پھر بھی تیری محفلوں میں ہوں
خود ہی مثالِ لالہء صحرا لہو لہو
خود ہی فراز اپنے تماشائیوں میں ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ احمد فراز

 

ماشاء اللہ آپ سب کی بہت اچھی پسند ہے