کچھ بھی نہیں

بہت اچھا کلام پڑھنے کا ملا شکریہ

 

بہت اچھا کلام

 

اچھے کلام کی صرف تعریف ہی کافی نہیں ہوتی۔۔ کچھ اپنا حصہ بھی ڈالنا چاہیئے۔
میری پسند کے کچھ اور اشعار حاضرٍ خدمت ہیں۔۔۔

یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے
میں اپنے پاؤں تلے روندتا ہوں سائے کو
بدن مرا ہی سہی، دوپہر نہ بھائے مجھے
وہی تو سب زیادہ ہے نکتہ چیں میرا
جو مسکرا کے ہمیشہ گلے لگائے مجھے
وہ مہرباں ہے تو اقرار کیوں نہیں کرتا
وہ بدگماں ہے تو سو بار آزمائے مجھے
برنگٍ عود ملے گی اسے مری خوشبو
وہ جب بھی چاہے بڑے شوق سے جلائے مجھے
میں اپنی ذات میں نیلام ہو رہا ہوں قتیل
غمٍ حیات سے کہہ دو خرید لائے مجھے
کلام قتیل شفائی​

 

زبردست

 

شامی !!!!!
پھر وہی دادیہ الفاظ ؟؟
یار آپ کچھ اپنی پسند بھی تو سناؤ

 

سب سے چھپا کر درد جو وہ مسکرا دیا
اسکی ہنسی نے تو آج مجھ کو رُلا دیا
لہجے سے اٹھ رہی تھی اِک درد کی داستان
چہرہ بتارہا تھا کہ سب کچھ گنوا دیا
آواز میں ٹھہراؤ تھا آنکھوں میں نمی تھی
اور کہہ رہا تھا کہ میں نے سب کچھ بھلا دیا
جانیں کیااسکو لوگوں سے تھیں شکایتیں
تنہائیوں کے دیس میں خود کو بسا دیا
خود بھی وہ ہم سے بچھڑ کہ ادھورا سا ہو‌گیا
مجھ کو بھی اتنے لوگوں میں تنہا بنا دیا​

 

بہت خوب شامی بھائی ۔۔ مزہ آگیا

اب کے تجدیدِ وفا کا نہیں امکاں جاناں
یاد کیا تجھ کو دلائیں ترا پیماں جاناں

یونہی موسم کی ادا دیکھ کے یاد آیا ہے
کس قدر جلد بدل جاتے ہیں انساں جاناں

زندگی تیری عطا تھی سو ترے نام کی ہے
ہم نے جیسے بھی بسر کی ترا احساں جاناں

مدتوں سے یہی عالم نہ تو قع نہ امید
دل پکارے ہی چلا جاتا ہے جاناں جاناں

ہر کوئی اپنی ہی آواز سے کانپ اٹھتا ہے
ہر کوئی اپنے ہی سائے سے ہراساں جاناں

ہوش آیا تو سبھی خواب تھے ریزہ ریزہ
جیسے اڑتے ہوئے اوراقِ پریشاں جاناں
(احمد فراز)​

 

بہت خوب

 

اذیتوں کے تمام نشتر ۔ ۔
میری رگوں میں
اتار کر
وہ بڑی محبت سے پوچھتا ہے
“ تمہاری آنکھوں کو کیا ہوا ہے

 

بہت اچھے زہرہ جی

 

مجھے یہ بات آج تک سمجھ نہیں آئی کہ یہ شاعر لوگ قتل ہو کر بھی کیسے اور کہاں سے شعر لکھتے رہتے ہیں :shock:

 

ارے بھائی یہ وہ غزل تو نہیں ہے

تمہارے خط میں نیا اک سلام کس کا تھا
نہ تھا رقیب تو آخر وہ نام کس کا تھا ؟​

میری پسندیدہ غزلوں میں سے ہے ۔ غلام علی نے گائی ہے

 

امجد اسلام امجد کی ایک آزاد نظم حاضرِ خدمت ہے

وہ جو قافلے تھے بہار کے
کسی ریگزار کی دھوپ میں وہ جو قافلے تھے بہار کے
وہ جو اّن کھلے سے گلاب تھے
وہ جو خواب تھے مری آنکھ میں
جو سحاب تھے تری آنکھ میں
وہ بکھر گئے، کہیں راستوں میں غبار کے !
وہ جو لفظ تھے دمِ واپسیں
مرے ہونٹ پر
ترے ہونٹ پر
انہیں کوئی بھی نہیں سن سکا
وہ جو رنگ تھے سرِ شاخِ جاں
ترے نام کے
مرے نام کے
انہیں کوئی بھی نہیں چُن سکا
اب چنگارے بن کے بکھر گئے
ہوں کسی دہکتے شرار کے !
کسی ریگزار کی دھوپ میں وہ جو قافلے تھے بہار کے !

 

مقطع بہت خوب تھا۔ بلکہ حاصلِ کلام ہے۔

ایک غزل پیشِ خدمت ہے

کہتے ہیں مجھے عشق کا افسانہ چاہیے
رسوائی ہو گئی تمھیں شرمانا چاہیئے

خوددار اتنی فطرتِ رندانہ چاہیئے
ساقی یہ خود کہے تجھے پیمانہ چاہیئے

عاشق بغیر حسن و جوانی فضول ہے
جب شمع جل رہی ہو تو پروانہ چاہیئے

آنکھوں‌میں دم رُکا ہے کسی کے لیے ضرور
ورنہ مریضِ ہجر کو مر جانا چاہیئے

وعدہ تھا انکا رات کے آنے کا اے قمر
اب چاند چھپ گیا انہیں آ جانا چاہیئے

(قمر جلالوی)​

 

غزل کی پسندیدگی کا شکریہ !

مظہر امام کی ایک غزل پیشِ خدمت ہے :

تجھے بھی جانچتے اپنا بھی امتحان کرتے
کہیں چراغ جلاتے کہیں دھواں کرتے

سفینہ ڈوب رہاتھا تو کیوں نہ یاد آیا
تری طلب، ترے ارماں کو بادباں کرتے

ہوا تھی تیز، جلاتے رہے دلوں کے چراغ
کٹی ہے عمر، لہو اپنا رائیگاں کرتے

وہ بے جہت کا سفر تھا، سوادِ شام نہ صبح
کہاں پہ رکتے، کہاں یادِ رفتگاں کرتے

دیارِ خواب میں ٹھہرے، حصارِ گل میں رہے
مگر یہ غم ہی رہا خود کو شادماں‌کرتے

(مظہر امام)​

 

ہوا تھی تیز، جلاتے رہے دلوں کے چراغ
کٹی ہے عمر، لہو اپنا رائیگاں کرتے​

بہت ہی خوب!

 

پسندیدگی کا شکریہ

ایک غزل جو واقعی مجھے پسند آئی ۔ پیشِ خدمت ہے

وسعتِ صحرا کے آگے آسماں چھوٹا لگا
دھوپ ایسی تھی کہ سر کو سائبا ں چھوٹا لگا

لوگ خوش فہمی کے پنجوں پر کھڑے تھے فطرتاً
اور یوں قد میرا سب کے درمیاں چھوٹا لگا

یاس، محرومی، محبت، کرب، خوش فہمی، انا
اتنے ساماں تھے میرا تنہا مکاں چھوٹا لگا

جی رہا ہے وعدہء فردا پہ تیرے اے خدا
ورنہ اس بندے کو تیرا یہ جہاں چھوٹا لگا

ایک اک لمحے کا جب مانگا گیا مجھ سے حساب
جانے کیوں ذہنِ شہنشاہِ زماں چھوٹا لگا

دور سے قطرہ بھی اک دریا نظر آیا مجھے
قربتوں کی زد میں‌بحرِ بیکراں چھوٹا لگا

(ڈاکٹر فریاد آزر)​

 

پسندیدگی کا بہت شکریہ ۔

 

خوب نعیم صاحب

 

عبد الجبار لکھتے ہیں۔

آپ میرا وہ مصرعہ نہ لیں ۔ بلکہ آپ یہ مصرعہ لے لیں

کھانا تو ہے نہیں برتن و برتان بہت ہیں
دل تنگ نہیں خیر سے مہمان بہت ہیں​

کیسا ؟؟؟

 

:haha:

 

داد کی طلب کے بغیر ایک غزل پیش خدمت ہے

یاد آتا ہے روز و شب کوئی
ہم سے روٹھا ہے بے سبب کوئی

لبِ جو چھاؤں میں درختوں کی
وہ ملاقات تھی عجب کوئی

جب تجھے پہلی بار دیکھا تھا
وہ بھی تھا موسمِ طرب کوئی

کچھ خبر لے کے تیری محفل سے
دور بیٹھا ہے جاں بلب کوئی

نہ غمِ زندگی نہ دردِ فراق
دل میں یونہی سی ہے طلب کوئی

یاد آتی ہیں دور کی باتیں
پیار سے دیکھتا ہے جب کوئی

چوٹ کھائی ہے بارہا لیکن
آج تو درد ہے عجب کوئی

جن کو مٹنا تھا مٹ چکے ناصر
ان کو رسوا کرے نہ اب کوئی

(ناصرکاظمی)​

 

واہ بھئی واہ۔ بہت خوب انتخاب ہے۔