پسندیدہ غزلیات، نظمیات

ظفر گورکھپوری کی ایک خوبصورت غزل جسے اشوک کھوسلا نے بہت اچھا گایا بھی ہے، اشعار تو یاد ہیں لیکن ترتیب یاد نہیں، اگر کوئی شعر آگے پیچھے، یعنی ادھر اُدھر، نہیں بلکہ اوپر نیچے ہو جائے تو معذرت۔۔۔

[center:34daecx1]ملے کسی سے نظر تو سمجھو غزل ہوئی
رہے نہ اپنی خبر تو سمجھو غزل ہوئی

ملا کے نظروں کو والہانہ حیا سے پھر
جھکا لے کوئی نظر تو سمجھو غزل ہوئی

اداس بستر کی سلوٹیں جب تمیں چبھیں
نہ سو سکو رات بھر تو سمجھو غزل ہوئی

وہ بدگماں ہوں تو شعر سوجھے نہ شاعری
وہ مہرباں ہوں ظفر تو سمجھو غزل ہوئی[/center:34daecx1]

اور اگر آپ آڈیو میں سننا چاہیں تو یہ لیجئے http://www.geocities.com/mnsiw/nazar.mp3

 

صبح کے روپ میں جب دیکھنے جاتی ہوں اسے
شیشے کی ایک کرن بن کے جگاتی ہوں اسے

بال کھولے ہوئے پھرتی ہوں کسی خواب کے ساتھ
شام کو روز ہی روتی ہوں، رلاتی ہوں اسے

یاد میری بھی پڑی رہتی ہے تکیے کے تلے
آخری خط کی طرح روز جلاتی ہوں اسے

راہ میں اس کی بچھا دیتی ہوں ٹوٹی چوڑی
چبھ کے کانٹے کی طرح روز ستاتی ہوں اسی

بھولے بسرے کسی لمحے کی مہکتی خوشبو
گوندھ کر اپنے پراندے میں جھلاتی ہوں اسے

(فرزانہ نیناں)

 

بہت خوب عائشہ جی ۔ زبردست !

 

حکم کی تعمیل ہوچکی ہے جناب !
عائشہ جی ۔ مندرجہ ذیل لنک پر آپکی خدمت میں تعارفی پرچہ پیش کیا گیا ہے۔ ہمیں اپنے بارے جاننے کا موقع دے کر ممنون فرمائیں۔

viewtopic.php?f=21&t=3979

اور ہاں ۔ آپ کا شاعرانہ ذوق بہت اعلی ہے ماشاءاللہ۔

والسلام

 

قتیل شفائی کی ایک غزل ۔۔ میری پسندیدہ غزلوں میں سے ایک۔

[center:jgy0iznj]ہر بے زباں کو شعلہ نوا کہہ لیا کرو
یارو سکوت ہی کو صدا کہہ لیا کرو

خود کو فریب دو کہ نہ ہو تلخ زندگی
ہر سنگ دل کو جانِ وفا کہہ لیا کرو

گر چاہتے ہو خوش رہیں کچھ بندگانِ خاص
جتنے صنم ہیں ان کو خدا کہہ لیا کرو

یارو یہ دور ضعفِ بصارت کا دور ہے
آندھی اُٹھے تو اِس کو گھٹا کہہ لیا کرو

انسان کا اگر قدوقامت نہ بڑھ سکے
تم اِس کو نقصِ آب و ہوا کہہ لیا کرو

اپنے لیے اب ایک ہی راہِ نجات ہے
ہر ظلم کو رضائے خدا کہہ لیا کرو

لے دے کے اب یہی ہے نشانِ ضیا قتیل
جب دِل جلے تو اُس کو دیا کہہ لیا کرو

قتیل شفائی[/center:jgy0iznj]

 

اپ کے پاس تو نیناں جی کی بہت کولیکشن ہے
دل خوش کر دیا آپ نے
بہت بہت بہت پیاری غزلیں انتخاب کی آپ نے :a180: :a165:

 

آپ کا حسن ظن ہے ورنہ میں اس داد کے قابل کہاں۔ تعارف مجھے دے دیا گیا اور خوش آمدید کہنے کا شکریہ۔

 

شاعری پسند کرنے کا بے حد شکریہ۔ میرے پاس اور بھی بہت سی کولیکشن ہے۔ آہستہ آہستہ کرتی رہوں گی۔

 

بے روح لڑکیوں کا ٹھکانہ بنا ہوا
کمرہ ہے میرا آئینہ خانہ بنا ہوا

میں نےتو کوئی بات کسی سے نہیں کہی
سوچا ہے جو وہی ہے فسانہ بنا ہوا

ندیا میں کس نے رکھ دیئے جلتے ہوئے چراغ
موسم ہے چشمِ تر کا سہانا بنا ہوا

عورت کا ذہن مرد کی اس کائنات میں
اب تک ہے الجھنوں کا نشانہ بنا ہوا

ممکن ہے مار دے مجھے اس کی کوئی خبر
دشمن ہے جس کا میرا گھرانہ بنا ہوا

بارش کی آگ ہے مرے اندر لگی ہوئی
بادل ہے آنسوؤں کا بہانہ بنا ہوا

نیناں کئی برس سے ہوا کی ہوں ہم نفس
ہے یہ بدن اُسی کا خزانہ بنا ہوا

(فرزانہ نیناں)

 

بہت خوب۔۔۔
ممکن ہے مار دے مجھے اس کی کوئی خبر
دشمن ہے جس کا میرا گھرانہ بنا ہوا

 

بہت خوب نعیم صاحب۔۔۔

 

[center:1ok7ry4f]نہ سر پر آسماں کوئی[/center:1ok7ry4f]
[center:1ok7ry4f](معظم سعید)[/center:1ok7ry4f]
[center:1ok7ry4f]کبھی ایسا بھی ہوتا ہے
اندھیرے شام سے پہلے نگاہوں میں اترتے ہیں
چمکتی دھوپ کا منظر بہت تاریک لگتا ہے
گھنے پیڑوں کے سائے بھی
زمیں سے روٹھ جاتے ہیں
کہ صبحِ نو بہاراں بھی خزاں معلوم ہوتی ہے
کبھی ایسا بھی ہوتاہے
کہ حرف و صورت کے رشتے
زباں‌سے ٹوٹ جاتے ہیں
نہ سوچیں ساتھ دیتی ہیں
نہ بازو کام کرتے ہیں
رگ و پے میں لہو بھی منجمد محسوس ہوتا ہے
چراغِ جسم و جاں کی لو دھواں معلوم ہوتی ہے
مگر جب ایسا ہوتا ہے
تو آنکھوں کے جزیرے سیلِ غم میں ڈوب جاتے ہیں
شجر ہوتا ہے رستے میں نہ سائے کا نشاں کوئی
زمیں رہتی ہے قدموں میں نہ سر پر آسماں‌کوئی
شکستہ دل کے خانوں میں
بس اک احساس ہوتا ہے
یہ رشتے کیوں بکھرتے ہیں
جو اپنے لوگ ہوتے ہیں
وہ ہم سے کیوں بچھڑتے ہیں[/center:1ok7ry4f]

 

بہت خوب کاشفی بھائی ۔ بہت اچھی نظم ہے۔

اپنی اپنی رائے ہوتی ہے۔
لیکن آزاد نظم کو اگر "سنٹرڈ" کرنے کی بجائے "دائیں" طرف ہی اپنے مخصوص انداز میں رہنے دیا جائے
تو زیادہ اچھی لگتی ہے۔ سمندر کی اترتی چڑھتی لہروں کی طرح۔

خوبصورت نظم شئیر کرنے کا شکریہ ۔

 

مشورے کا شکریہ۔۔مشورے پر عمل کرونگا۔۔۔
ذوق عالی نہیں ہے نا نعیم بھائی ۔۔۔عالی بنانے کی کوشش کرونگا۔۔۔ :201:

 

بہت خوب
عبدالجبار صاحب

 

[center:1c9053oz]

[/center:1c9053oz]

واھ ۔۔۔ اچھی امید و منصوبہ بندی ہے

 

نعیم بھائی ، عائشہ جی، کاشفی بھیا، جبار بھائی۔ سب کا کلام بہت شاندار ہے۔

 

بہت خوب جناب۔۔

جدائی طے تھی مگر یہ کبھی نہ سوچا تھا
کہ تُو جدا بھی جداگانہ شان سے ہوگا

 

واہ عبدالجبار بھائی، واہ! بہت عمدہ انتخاب ہے، کیا بات ہے۔

 

بہت خوب عبدالجبار بھائی ۔ ایک شعر یاد آگیا

 

میں چھوٹی سی لڑکی بہت ہی بڑی ہوں
کہ ہر جنگ اپنی ا کیلی لڑی ہوں

بدن کی چٹانوں پہ کائی جمی ہے
کہ صدیوں سےساحل پہ تنہا کھڑی ہوں

ہوا کے ورق پر لکھی اک غزل تھی
خزاں آئی توشاخ سےگر پڑی ہوں

ملی ہیں مجھے لحظہ لحظہ کی خبریں
کسی کی کلا ئی کی شاید گھڑی ہوں

ہے لبریز دل انتظاروں سےمیرا
میں کتبےکی صورت گلی میں گڑی ہوں

خلا سے مجھے آ رہی ہیں صدائیں
مگر میں تو پچھلی صدی میں جڑی ہوں

میں اک گوشۂ عافیت سے نکل کر
وہ پگلی ہوں دنیا سے پھر لڑ پڑی ہوں

وہ کرتا ہے نیناں میں بسنےکی باتیں
مگر میں تو اپنی ہی ضد میں پڑی ہوں

(فرزانہ نیناں)

 

خلا سے مجھے آ رہی ہیں صدائیں
مگر میں تو پچھلی صدی میں جڑی ہوں

میں اک گوشۂ عافیت سے نکل کر
وہ پگلی ہوں دنیا سے پھر لڑ پڑی ہوں


بہت خوب عائشہ۔ بہت اچھا انتخاب ہے!

 

واہ واہ عائشہ صاحبہ
جواب نہں
بہت پسند آئ پوری کی پوری غزل بہتتتتتتتتتتتتتتتتتتت عمدہ
زبردست

 

بہت خوب، :101: :101: