نئی بیت بازی - حصہ دوم

اس سے پہلے کہ یہ سودا مرے سر میں نہ رہے
دستِ قاتل کو عطا ضربتِ کاری کرنا

 

سر میں سودا بھی نہیں ، دل میں تمنا بھی نہیں
لیکن اس ترکِ محبت کا بھروسا بھی نہیں

 

خلقتِ شہر میں جس ہار کے چرچے ہیں بہت
میں وہ بازی کبھی کھیلا بھی نہیں تھا شاید

 

ہم نہ ہوتے تو کسی اور کے چرچے ہوتے
خلقتِ شہر تو کہنے کو فسانے مانگے​

 

رسی جو نہیں کھنچتا ظالم کی کسی طور
آ جاتی ہے پھر سوچ میں تشکِیک بھی خُود ہی

 

یہ رتجگوں کا کسی طور سلسلہ نہ رہے
ملو تو یوں کہ بچھڑنے کا شائبہ نہ رہے

 

دل و نگاہ پہ کس طور کے عذاب اُترے
وہ ماہتاب ہی اُترا،نہ اُس کے خواب اُترے

 

تو ہے خواب خواب پکارتا میری آنکھ میں نہیں اشک بھی
میں کہ مدتوں سے جیا نہیں میرے ہمسفر ابھی سوچ لے

 

نظر فریبِ قضا کھا گئی تو کیا ہوگا
حیات موت سے ٹکرا گئی تو کیا ہوگا

 

لائی حیات آئے قضا لے چلی چلے
اپنی خوشی نہ آئے، نہ اپنی خوشی چلے

 

اپنا اپنا شوق ہے یہ اپنی اپنی جستجو
تم ہنسی تک بھی نہ پہنچے ہم فغاں تک آگئے

 

ادھر آ ستمگر ہنر آزمائیں
تو تیر آزما ،ہم جگر ازمائیں

 

اے ستم گر رگِ جاں میں ہے مری پیوستہ
دم نکل جائے گا سینے سے مرے تیر نہ کھینچ

 

سیلِ گِریہ ہے کوئی، جو رگِ جاں کھینچتا ہے
رنگ چاہت کے وہ آنکھوں پہ کہاں کھینچتا ہے

 

ام جو چہرے پہ لہراتے ہوئی رنگ کی تھی
بعد تیرے، وہی کاجل میں بسے رنگ کی تھی

 

تمھارے ساتھ کسے فیصلے کی فرصت تھی
تمھارے بعد بھلا فیصلہ میں کیا کرتا

 

فیصلہ کر دو تذبذب میں نہ رکّھو مجھ کو
" تم مسیحا نہیں ہوتے ہو تو قاتل ہو جاؤ "

 

مارا مجنوں کو شوق ِ لیلیٰ نے
دشت ِ غم کا سراب قاتل ھے

 

مارا یوسف کو خود نمائی نے
اور زلیخا کا خواب قاتل ھے

 

اس کو تھے راس بھیگتی پلکوں کے ذائقے
لائی تھی اپنے ساتھ وہ آنسو جہیز میں

 

کتنا گناہ گار تھا اب سوچتا ہوں میں
جلتا رہا جو دوزخِ رنج و ملال میں