نئی بیت بازی - حصہ دوم

کیا خبر کب سے راہ تکتی ہے
بام سے اُس کی چشمِ تر تنہا

 

راہ پر اُن کو لگا لائے تو ہیں باتوں میں​

اور کھُل جائیں گے دو چار ملاقاتوں میں​

 

تصور سے بھی آگے تک درو دیوار کُھل جائیں
میری آنکھوں پہ بھی یا رب تیرے اسرار کُھل جائیں

 

دیوانگئ شوق کو یہ دھن ہے ان دنوں
گھر بھی ہو اور بے درودیوار سا بھی ہو

 

یوں چلئے راہِ شوق میں جیسے ہوا چلے
ہم بیٹھ بیٹھ کر جو چلےبھی تو کیا چلے

 

شبِ فراق کی لذت کہاں نصیب انھیں
دعائیں مانگتے رہتے ہیں جو سحر کے لیے

 

اس شہر بے چراغ میں جائے گی تو کہاں
آ اے شب فراق تجھے گھر ہی لے چلیں

 

اسے ہر ایک کے لیے کھلا نہ رکھ قتیل
یہ دل ہے ایک گھر اسے بازار مت بنا

 

ضمیر اپنا جو بازار میں نہیں آتا
ذرا سا جھول بھی کردار میں نہیں آتا

 

یہ محبت کی کہانی نہیں مرتی لیکن
لوگ کردار نبھاتے ہوئے مر جاتے ہیں

 

گُم اپنی محبت میں دونوں، نایاب ہو تم نایاب ہیں ہم​

کیا ہم کو کُھلی آنکھیں دیکھیں، اِک خواب ہو تم اِک خواب ہیں ہم​

 

ڈھونڈو گے اگر ملکوں ملکوں ملنے کے نہیں نایاب ہیں ہم
تعبیر ہے جس کی حسرت و غم اے ہم نفسو وہ خواب ہیں ہم

 

اک نام کی اُڑتی خوشبو میں اک خواب سفر میں رہتا ہے
اک بستی آنکھیں ملتی ہے اک شہر نظر میں رہتا ہے

 

ذوقِ نظر کے دم سے گوارا ہے رنجِ زیست
خود کو بھی دیکھتے ہیں تماشا بنا کے ہم

 

رنج کی جب گفتگو ہونے لگی
آپ سے تم تم سے تو ہونے لگی

 

تیرا پہلو تیرے دل کی طرح آباد رہے
تجھ پہ گذرے نہ قیامت شبِ تنہائی کی

 

دلِ تباہ تیرےغم کو ٹالنے کے لیے
سنا رہا ہے فسانے اِدھر اُدھر کے مجھے

 

چلو اب ختم کرتے ہیں کہانی
فسانے درد بنتے جا رہے ہیں

 

چلو اب شدتِ ناراضگی محدود کرتے ہیں
چلواب لوٹ بھی آو ،چلو میں مان جاتا ہوں

 

سراپا عشق ہوں میں اب بکھر جاؤں تو بہتر ہے
جدھر جاتے ہیں یہ بادل ادھر جاؤں تو بہتر ہے

 

ترے خیال کی لوَ میں جدھر جدھر جائیں
چراغ جل اٹھیں منظر نکھر نکھر جائیں

 

ان میں لُہو جلا ہو، ہمارا، کہ جان و دل ​

محفل میں کچھ چراغِ فروزاں ہوئے تو ہیں​

 

محفل میں بار بار انہی پر نظر گئی
ہم نے بچائی لاکھ مگر پھر ادھر گئی

 

اشک کی لغزشِ مستانہ پہ مت کیجو نظر

دامنِ دیدۂ گریاں سے مرا پاک ہنوز

 

مر کر بھی آئے گی صدا قبر جوش سے
بے درد میں نے تجھ کو بھلایا نہیں ہنوز

 

ناوک ناز سے مشکل ہے بچانا دل کا
درد اٹھ اٹھ کے بتاتا ہے ٹھکانہ دل کا

 

نہ گنواؤ ناوکِ نیم کش، دلِ ریزہ ریزہ گنوا دیا
جو بچے ہیں سنگ سمیٹ لو، تنِ داغ داغ لُٹا دیا

 

تجھ کو احساس ہی کب ہے کہ کسی درد کا داغ
آنکھ سے دل میں اتر جائے تو کیا ہوتا ہے

 

دل ہی ہے جو گھٹ گھٹ کے رہ جاتا ہے ​

میں تو اس دن خوب ہنسا تھا اپنے پر​