ملک بلال کی پسندیدہ شاعری

جواب: ملک بلال کی پسندیدہ شاعری

پڑھنے کے بعد تبصرہ بھی فرما دیجیے گا۔ :n_smiley_with_rose:

 

جواب: ملک بلال کی پسندیدہ شاعری

واہ۔۔۔۔۔۔۔

 

جواب: ملک بلال کی پسندیدہ شاعری

http://i52.tinypic.com/34igy74.jpg
میخانے کا در، ہے مست نگر، نذرانے میں سر ، پی لے کیا ڈر
ساقی کی نظر سے پی بچ کر، صد جام اگر، ہمت ہے تو بھر

مٹی میں ملے، تو راز ملے، ہر عقدہ کُھلے، یوں دور چلے
دلبر نہ ملے، دل کیوں نہ جلے، جب شمع جلے، پروانہ رہے کیونکر

ساقی ہے جہاں، میخانہ وہاں، کر دل سے فغاں، وجہ اللہ عیاں
مت کھول زباں، کر راز نہاں، ہو جائے عیاں، تو دار پہ سر

میں کیسے کہوں، جو چاہوں کروں، دیکھوں یا سنوں، کُن سے فیکوں
اے سوزِ دروں، میں کس سے ڈروں، میں تھا، میں ہوں، ہستی کا سفر

نعرہ ہی میرا، ہے بانگِ درا، دی میں نے صدا، افلاک ہِلا
اک گجر بجا، تو سویا رہا، اب سو کے دکھا، نوبت گھر گھر

میں جان گیا، پہچان گیا، تو نے جو کہا، سامان گیا
لے آئے ہو کیا، پوچھے گا خدا، کر غور ذرا، اس وقت سے ڈر

ملت کس کی، لاٹھی جس کی، بڑ بے حس کی، ہے تھی جس کی
آرائش کی، آلائش کی ، آسائش کی، اب بات نہ کر

کیوں چُور ہوا، مجبور ہوا، رنجور ہوا، بے نور ہوا
جو دور ہوا، کافور ہوا، مغرور ہوا ، نیچا ہوا سر

واصؔف کی سنو، اپنی نہ کہو، تم کیا جانو، تم کیا سمجھو
ہستی دیکھو، مستی سے ڈرو، چاہو تو سنو، ساقی حیدر ع

واصف علی واصؔف رح ۔ شب راز
http://i55.tinypic.com/s0wls0.jpg​

 

جواب: ملک بلال کی پسندیدہ شاعری

بہت خوب بلال بھائی۔۔۔شکریہ

 

ہم کا دِکھائی دیت ہے ایسی رُوپ کی اگیا ساجن ماں
جھونس رہا ہے تن من ہمرا نِیر بھر آئے اَکھین ماں

دُور بھئے ہیں جب سے ساجن آگ لگی ہے تن من ماں
پُورب پچھم اُتر دکھن ڈھونڈ پھری مَیں بن بن ماں

یاد ستاوے پردیسی کی دل لوٹت انگاروں پر
ساتھ پیا ہمرا جب ناہیں اگیا بارو گُلشن ماں

درشن کی پیاسی ہے نجریا ترسِن اکھیاں دیکھن کا
ہم سے رُوٹھے منھ کو چُھپائے بیٹھے ہو کیوں چلمن ماں

اے تہاری آس پہ ساجن سگرے بندھن توڑے ہیں
اپنا کرکے راکھیو موہے آن پڑی ہوں چرنن ماں

چَھٹ جائیں یہ غم کے اندھیرے گھٹ جائیں یہ درد گھنے
چاند سا مکھڑا لے کر تم جو آنکلو مورے آنگن ماں

جیون آگ بگولا ہِردے آس نہ اپنے پاس کوئی
تیرے پریت کی مایا ہے کچھ ، اور نہیں مجھ نِردھن ماں

ڈال گلے میں پیت کی مالا خود ہے نصیر اب متوالا
چتون میں‌جادو کاجتن ہے رس کے بھرے تورے نینن ماں

پیر سید نصیر الدین نصیر رحمتہ اللہ علیہ​

 

سبحان اللہ
ڈاکٹر ظفر اقبال نوری صاحب سے اکثر یہ کلام فرمائش کر کے سنتے تھے ہم لوگ۔

 

اجنبی شہر کے اجنبی راستے، میری تنہائی پر مُسکراتے رہے
میں بہت دیرتک یونہی چلتا رہا، تم بہت دیر تک یاد آتے رہے

زہر مِلتا رہا، زہر پیتے رہے، روز مرتے رہے، روز جیتے رہے
زندگی بھی ہمیں آزماتی رہی، اور ہم بھی اسے آزماتے رہے

زخم جب بھی کوئی ذہن و دل پر لگا، زندگی کی طرف اِک دریچہ کُھلا
ہم بھی گویا کسی ساز کے تار ہیں، چوٹ کھاتے رہے، گُنگُناتے رہے

سخت حالات کے تیزطوفان میں، گِر گیا تھا ہمارا جنونِ وفا
ہم چراغِ تمنّا جلاتے رہے، وہ چراغِ تمنّا بُجھاتے رہے

کل کچُھ ایسا ہُوا میں بہت تھک گیا، اِس لیے سُن کے بھی اَن سُنی کر گیا
کتنی یادوں کے بھٹکے ہوئے کارواں، دل کے زخموں کے در کھٹکھٹاتے رہے


راہی معصوم رضا​

 

فلک سے مہر بھی کھو جائے، ماہ بھی نہ رہے
تو ہر گھڑی کا یہ دُکھ گاہ گاہ بھی نہ رہے
ثواب بھی نہ رہے، گر گناہ بھی نہ رہے
ہمیں تمہاری تو کیا، اپنی چاہ بھی نہ رہے
شبِ سیاہ سے کہنا کہ دن میں ڈھل جائے
شبِ سیاہ سے کہنا، سیاہ بھی نہ رہے
مِلے وہ دُشمنِ جاں جس سے دُشمنی بھی نہ ہو
مِلے وہ دوست کہ جس سے نباہ بھی نہ رہے
مکِینِ دل وہ مِری جُستجُو ہی جب نہ رہی
تو دل کے طاق پہ رکھی نگاہ بھی نہ رہے
ازل نہ ہوتا تو کیسا ابد، کہاں کا ابد
مِرے ابد کو ازل کی پناہ بھی نہ رہے

یاورؔ ماجد​

 

یہ عشق بھی کیا ہے؟ اسے اپنائے کوئی اور
چاہوں میں کسی اور کو یاد آئے کوئی اور
اس شخص کی محفل ____ کبھی برپا ہو تو دیکھو
ہو ذکر کسی اور کا ____ شرمائے کوئی اور
اے ضبط انا مجھ کو یہ منظر نہ دکھانا
دامن ہو کسی اور کا پھیلائے کوئی اور
سر نوک سناں پر ہے، بدن رزق زمین ہے
مقتل سے علم میرا اٹھا لائے کوئی اور
سینے میں عجب آگ ہے اک عمر سے پنہاں
خواہش ہے کے اس آگ کو دہکائے کوئی اور
مجھ پر نہیں کھلتا میرا "سوچا" ہوا اک لفظ
مطلب مجھے اس لفظ کا سمجھائے کوئی اور

محسن نقوی​