مرزا غالب

بہت ہی خوب۔۔۔

 

بہت شکریہ ار بی جی

 

واہ ار بی جی بہت خوب

 

نہ تھا کچھ تو خدا ہوتا، کچھ نا ہوتا تو خدا ہوتا
ڈبویا مجھ کو ہونے نے ، نہ ہوتا میں، تو کیا ہوتا

ہوا جب غم سے یوں بے حِس تو غم کیا سر کے کٹنے کا
نہ ہوتا گرجُدا تن سے تو زانو پر دھرا پر دھرا ہوتا

ہوئی مدت کہ غالب مر گیا پر یاد آتا ہے
وہ ہر اک بات پر کہنا ، جو یوں ہوتا تو کیا ہوتا ​

 

نعیم بھائ واہ بہت خوب :a165:

 

شکریہ حسن رضا بھائی ۔ :a191:

 

واہ۔ بہت خوب مجموعہ ہے یہاں غالب کے کلام کا۔
آپ سب لوگ اعلی ذوق رکھتے ہیں۔ :mashallah:

 

گھر جب بنا لیا ترے در پر کہے بغیر
جانے گا اب بھی تو نہ مرا گھر کہے بغیر؟

کہتے ہیں جب رہی نہ مجھے طاقتِ سخن
’جانوں کسی کے دل کی میں کیونکر کہے بغیر‘

کام اس سے آ پڑا ہے کہ جس کا جہان میں
لیوے نہ کوئی نام ستم گر کہے بغیر

جی میں ہی کچھ نہیں ہے ہمارے وگرنہ ہم
سر جاۓ یا رہے، نہ رہیں پر کہے بغیر

چھوڑوں گا میں نہ اس بتِِ کافر کا پوجنا
چھوڑے نہ خلق گو مجھے کافر کہے بغیر

مقصد ہے ناز و غمزہ ولے گفتگو میں کام
چلتا نہیں ہے دُشنہ و خنجر کہے بغیر

ہر چند ہو مشاہدۂ حق کی گفتگو
بنتی نہیں ہے بادہ و ساغر کہے بغیر

بہرا ہوں میں ، تو چاہیۓ دونا ہوں التفات
سنتا نہیں ہوں بات مکرّر کہے بغیر

غالب نہ کر حضور میں تو بار بار عرض
ظاہر ہے تیرا حال سب اُن پر کہے بغیر


مرزا غالب​

 

نعیم بھائ بہت خوب :a165:

 

شکریہ حسن رضا بھائی ۔
لگتا ہے غالب کو پڑھنے والے کم رہ گئے ہیں۔

 

ایک ایک قطرے کا مجھے دینا پڑا حساب
خونِ جگر ودیعتِ مژگانِ یار تھا

اب میں ہوں اور ماتمِ یک شہرِ آرزو
توڑا جو تو نے آئينہ، تمثال دار تھا

گلیوں میں میری نعش کو کھینچے پھرو، کہ میں
جاں دادہٴ ہوائے سرِ رہگزار تھا

موجِ سرابِ دشتِ وفا کا نہ پوچھ حال
ہر ذرہ، مثلِ جوہرِ تیغ، آب دار تھا

کم جانتے تھے ہم بھی غمِ عشق کو، پر اب
دیکھا تو کم ہوئے پہ غمِ روزگار تھا​

 

حضرت غالب کے کلام سے اچھا انتخاب ہے۔

بہت خوب۔

 

شکریہ نیلو صاحبہ !

 

ہم پر جفا سے ترکِ وفا کا گماں نہیں
اِک چھیڑ ہے وگرنہ مراد امتحاں نہیں

کس منہ سے شکر کیجئے اس لطف خاص کا
پرسش ہے اور پائے سخن درمیاں نہیں

ہم کو ستم عزیز، ستم گر کو ہم عزیز
نا مہرباں نہیں ہے اگر مہرباں نہیں

بوسہ نہیں، نہ دیجیے ، دشنام ہی سہی
آخر زباں تو رکھتے ہو تم، گر دہاں نہیں

ہر چند جاں گدازئِ قہر و عتاب ہے
ہر چند پشت گرمئِ تاب و تواں نہیں

جاں مطربِ ترانہ ھَل مِن مَزِید ہے
لب پر دہ سنجِ زمزمۂِ الاَماں نہیں

خنجر سے چیر سینہ اگر دل نہ ہو دو نیم
دل میں چُھری چبھو مژہ گر خونچکاں نہیں

ہے ننگِ سینہ دل اگر آتش کدہ نہ ہو
ہے عارِدل نفس اگر آذر فشاں نہیں

نقصاں نہیں جنوں میں بلا سے ہو گھر خراب
سو گز زمیں کے بدلے بیاباں گراں نہیں

کہتے ہو “ کیا لکھا ہے تری سرنوشت میں“
گویا جبیں پہ سجدۂ بت کا نشاں نہیں

پاتا ہوں اس سے داد کچھ اپنے کلام کی
رُوح القُدُس اگرچہ مرا ہم زباں نہیں

جاں ہے بہائے بوسہ ولے کیوں کہے ابھی
غالب کو جانتا ہے کہ وہ نیم جاں‌نہیں

مرزا غالب​

 

کیا کہنے غالب کی جراتِ رندانہ کے۔ :a180:

 

واہ، بہت خوب۔ 'نامہرباں نہیں ہے اگر مہرباں نہیں'، اِس کو سمجھنے میں کچھ وقت لگتا ہے۔ بہت انوکھا انداز ہے غالب کا۔

 

:a180:

 

السلام علیکم۔
زاہرا صاحبہ ، این آر بی بھائی اور بےباک بھائی ۔
پسندیدگی کا شکریہ ۔
شکر ہے غالب کو پڑھنے والے ابھی موجود ہیں۔ وگرنہ گذشتہ چند کلام ارسال کرنے کے بعد مجھے تو آثار معدوم ہوتے دکھائی دے رہے تھے۔ :hpy:

 

نہ پوچھ اس کی حقیقت، حضور والا نے
مجھے جو بھیجی ھے بیسن کی روغنی روٹی

نہ کھاتے گہیوں ، نکلتے نہ خلد سے باہر
جو کھاتے حضرت آدم یہ بیسنی روٹی

 

عیب کا دریافت کرنا، ہے ہنرمندی اسد
نقص پر اپنے ہوا جو مطلع، کامل ہوا

مرزا اسد اللہ خان غالب ​

 

عشرتِ قطرہ ہے دریا میں فنا ہو جانا
درد کا حد سے گزرنا ہے دوا ہو جانا

تجھ سے، قسمت میں مری، صورتِ قفلِ ابجد
تھا لکھا بات کے بنتے ہی جدا ہو جانا

دل ہوا کشمکشِ چارۂ زحمت میں تمام
مِٹ گیا گھِسنے میں اُس عُقدے کا وا ہو جانا

اب جفا سے بھی ہیں محروم ہم اللہ اللہ
اس قدر دشمنِ اربابِ وفا ہو جانا

ضعف سے گریہ مبدّل بہ دمِ سرد ہوا
باور آیا ہمیں پانی کا ہوا ہو جانا

دِل سے مِٹنا تری انگشتِ حنائی کا خیال
ہو گیا گوشت سے ناخن کا جُدا ہو جانا

ہے مجھے ابرِ بہاری کا برس کر کھُلنا
روتے روتے غمِ فُرقت میں فنا ہو جانا

گر نہیں نکہتِ گل کو ترے کوچے کی ہوس
کیوں ہے گردِ رہِ جَولانِ صبا ہو جانا

تاکہ تجھ پر کھُلے اعجازِ ہواۓ صَیقل
دیکھ برسات میں سبز آئنے کا ہو جانا

خشے ہے جلوۂ گُل، ذوقِ تماشا غالب
چشم کو چاہۓ ہر رنگ میں وا ہو جانا

مرزا غالب​

 

مشکل شاعری ہے لیکن غالب صاحب کی ہے تو اچھی ہی ہوگی ۔
اس لیے :a180: :a180: :a180:

 

اچھا کلام ھے اب اس سے زیادہ غالب کی تعریف کیا کی جائے

 

بہت خوب جی

 

سب کا شکریہ ۔ :happy:

 

تم اپنے شکوے کی باتیں نہ کھود کھود کے پوچھو

حزر کرو مرے دل سے کہ اس میں‌آگ دبی ھے

دِلا یہ درد و الم بھی تو مغتنم ھے کہ آخر

نہ گریہ سحری ھے نہ آہ نیم شبی ھے

 

واہ۔ بہت خوب۔ :a180:

 

شکریہ

 

رحم کر ظالم کہ کیا بودِ چراغ کشتہ ھے
نبض بیمارِ وفا دودِچراغ کشتہ ھے

دل لگی کی آرزاو بے چین رکھتی ھے ہمیں
ورنہ یاں بے رونقی سودِ چراغ کشتہ ھے

 

دل مرا سوز نہاں سے بے محابا جل گیا
آتشِ خاموش کے مانند گویا جل گیا

دل میں ذوقِ وصل و یادِ یار تک باقی نہیں
آگ اِس گھر میں لگی ایسی کہ جو تھا جل گیا

میں عدم سے بھی پرے ہوں، ورنہ غافل! بارہا
میری آہِ آتشیں سے بالِ عنقا جل گیا

عرض کیجے جوہرِ اندیشہ کی گرمی کہاں؟
کچھ خیال آیا تھا وحشت کا کہ صحرا جل گیا

دل نہیں، تجھ کو دکھاتا ورنہ داغوں کی بہار
اِس چراغاں کا، کروں کیا، کارفرما جل گیا

میں ہوں اور افسردگی کی آرزو، غالب! کہ دل
دیکھ کر طرزِ تپاکِ اہلِ دنیا جل گیا​