لفظِ “یوں“ پر شعر کہیں

+++

 

کچھ یوں گذار جا ترے مرنے کے بعد لوگ
نمناک ہوکے کہتے پھریں “اچھا تھا ایک شخص“

(نعیم رضا)​

 

کبھی یوں بھی آ میری آنکھ میں کہ میری نظر کو خبر نہ ہو
مجھے ایک رات نواز دے ۔ مگر اس کے بعد سحر نہ ہو ۔۔۔!​

 

یہ ابتدائے شوق، یہ پرشوق دل میرا
یوں جامِ آتشیں لبریز ابھی بھی ہے​

 

مقتلِ‌جاں کی ضرورت ٹھہرے
ہم کہ شایانِ محبت ٹھہرے
تو ہو خورشید میں بنوں شبنم
یوں ملاقات کی صورت ٹھہرے​

 

+++

 

عالی کس کو فرصت ہوگی، ایک تمہی کو رونے کی
جیسے سب یاد آتے ہیں یوں ہی تم یاد آ جاؤ گے

(جمیل الدین عالی)​

 

+++

 

اب کے ساون یوں ‌بھی گذرا
تیری یاد میں‌ سوکھا سوکھا​

 

+++

 

بس یوں‌ہی دل کو توقع سی ہے ورنہ
جانتا ہوں‌میرا مقدر ہے تنہائی

(ناصر کاظمی)​

 

+++

 

میں اک آبلہ پا مسافر صحراؤں میں‌ مر جاتا
مجھے تمناؤں کا سراب یوں نہ دکھایا جاتا

(نعیم رضا)​

 

یوں مجھے بھیج کے تنہا سوئے بازارِ فریب
کیا میرے دوست مری سادہ دلی بھول گئے؟​

 

کبھی یوں بھی تو ہو
تنہائی ہو دل ہو
بوندیں ہوں برسات ہو
اور تم آؤ

 

صارم مغل صاحب۔ یہاں آزاد نہیں بلکہ مقیّد شاعری میں اشعار ارسال فرمائیں شکریہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حسن کا آج عجب رنگ ہے اس محفل میں
یوں مہکتا ہے جیسے پھول گلِ نار کا ہے​

 

شکریہ
ِِِِِِِِِِِِِٰٰٰٰٰٰٰٰٰٰٰٰٰ----------------------------------------------
یوں تو زندہ دل ہوں مگر پھر بھی اے قتیل
دبا ہوتا ہے اک غم میری ہر ہنسی کے ساتھ

 

دنیائے یادِ رفتہ میں یوں آیا نہ کر مری
جب دورہوگئے ہو، یاد آنا بھی چھوڑدے​

 

مجھ سے کہا جو یار نے"جاتے ہیں ہوش کس طرح"
دیکھ کے میری بے خودی چلنے لگی ہوا کہ یوں​

 

تتلیاں کر کے جمع ، رنگ گل سے لیتے ہوئے
یوں تیری تصویر کو قرطاس کے دل پر لکھوں

(رضا)​

 

بہت خوب
------------------------------

وہ اس ادا سے جو آۓ تو یوں بھلا نہ لگے
ہزار بار ملو پھر بھی آشنا نہ لگے​

 

نیند کا ہلکا گلابی سا خمار آنکھوں میں تھا
یوں لگا جیسے وہ شب کو دیر تک سویا نہیں​

 

یوں گزار رہا ہوں زندگی تیرے بغیر
حیسے کوئی گناہ کئے جا رہا ہوں

 

رشتہ رہا ہو جن سے کبھی اعتبار کا
یوں ہی بھروسہ توڑ کے جایا نہیں کرتے​

 

آئے تو یوں کہ جیسے ہمیشہ تھے مہرباں
بھولے تو یوں کہ گویا کبھی آشنا نہ تھے​

 

یُوں گلیوں بازاروں میں آوارہ پھرتے رہتے ہیں
جیسے اس دنیا میں سبھی آئے ہوں عمر گنوانے لوگ

 

اے دل کی خلش چل یوں ہی سہی، چلتا تو ہوں انکی محفل میں
اس وقت مجھے چونکا دینا، جب رنگ پہ محفل آ جائے ۔۔۔۔

 

+++