لفظِ “یوں“ پر شعر کہیں

بستی زمیں کی کیسی ہنگامہ آفریں ہے
یوں سو گئی ہے جیسے آباد ہی نہ تھی​

 

پوچھا جو ہم نے چاند نکلتا ہے کس طرح
زلفوں کو رخ پہ ڈال کر جھٹکا دیا کہ یوں

 

یوں پا کے تجھکو کھونا جومرانصیب تھا
اے کاش زندگی ! تجھے پایا ہی نہ ہوتا​

 

اشک سے دل کی آبیاری کی ہم نے
شبِ غم کچھ یوں بھی گذار دی ہم نے​

 

کبھی یوں بھی آ میری آنکھ میں‌ کہ میری نظر کو خبر نہ ہو
مجھے جلوہ اپنا نواز دے مگر اس کے بعد سحر نہ ہو​

 

یوں جان دی وفا میں کہ قاتل تمام عمر
دل کی عدالتوں میں سزا ڈھونڈتا رہا

 

کہنا ہے جو یکبارگی ہونٹوں سے کہو ہم کو
یوں آنکھ کے تیروں سے زخمی نہ کرو ہم کو​

 

یوں جو ھوتا تو کبھی، ایسی سحر نہ ھوتی
یوں جو سوچتا تو کبھی،ایسی خبر نہ ھوتی

سرشام منزل پالیتے، ادھورے خواب تو نہ رھتے
یوں زندگی تمام کبھی، ایسی آخر نہ ھوتی

سمجھ گر کچھ ھوتی، قبلہ ھی درست کرلیتے
یوں کسی کی بد کبھی، ایسی نظر نہ ھوتی

جلدبازی تو نہ کرتے، وقت تو کچھ برباد نہ ھوتا
یوں بات تو دل پہ کبھی، ایسی نشتر نہ ھوتی

سوچیں ھی وقف کر لیتے، گر کچھ عاقبت کیلئے
یوں بغیر پھولوں کے کبھی، ایسی قبر نہ ھوتی

 

عبدالرحمن سید بھائی !!‌ بہت پیارے اشعار ہیں۔ لیکن آخری شعر تو بہت فکرانگیز ہے

اللہ تعالی ہم سب کو فکرِ آخرت عطا فرما دے۔ آمین

اے چاند لے جا چاندنی میرے صحن سے دور
یوں ‌بھی تو دل میں میرے ظلمت کدہ ہی ہے​

 

نوازش کرم شکریہ

نعیم بھائ شکریہ حوصلہ افزائ کا،
آپ جیسے نظرکرم رکھنے والوں کی وجہ سے دنیا میں اب بھی محفل ادب کی شمع روشن ھے، اور اب لوگ ادب، اخلاقیات اور مذھبی رجحان کی طرف واپس آرھے ھیں۔

یوں اپنا کرم کئے جا، نہ سوچ مِلا کیا
ارمان دل کےنکالےجا، نہ کھوج وفا کیا

 

واہ بھئی واہ ۔۔ کمال کا شعر ہے۔۔

آپ نے تو حضرت میاں محمد بخش کی ترجمانی کر دی

مالی دا کم پانی دینا، بھر بھر مشکاں پاوے
مالک دا کم پھل پُھل لانا لاوے یا نہ لاوے​

 

نعیم بھائی
سبحان اللٌہ بہت خوب -


نصیحت بزرگوں کی، سب کو بس دیا کر
یوں نہ دل تُو میلا کر،اک دعاء بس کیا کر

پیار محبت کئے جا، کوئی چھوٹا ھو یا بڑا
ہاتھ اپنے تُو پھیلا کر، اک دعاء بس کیا کر

ہل تو چلا دیا میں نے، مینہہ برسا دے مولا
اپنے کو نہ تو اکیلا کر، اک دعاء بس کیا کر

سمجھ راحت ملتی ھے، ہر تکلیف کے بعد
یوں دکھ تو جھیلا کر، اک دعاء بس کیا کر

رحمت کا روپ مہماں، برکتِ رزق بھی ھے
ہنگامہ نہ تو واویلا کر، اک دعاء بس کیا کر

 

زندگی اقوام کی بھی کچھ یوں ہے بےاعتبار
رنگ ہائے رفتہ کی تصویر ہے انکی بہار

علامہ اقبال ​

 

یوں کسی موڑ پر آئے، وعدہ کرکے چلے گئے
وفا انہوں نے نہ کیا، الزام ھمیں دے گئے​

 

اقرار جو کیا ہے تو اب آ بھی جائیے
ہےوقتِ جاں کنی ہمیں یوں نہ ستائیے​

 

یوں حسرتوں کے داغ محبت میں دھو لیے
خود دل سے دل کی بات کہی‌ اور رو دیے

 

جسم میں روح کو بھی شامل کردے
میں کہ پتھر ہوں مجھے دل کر دے
یوں ہی تکمیل ہو شاید اپنی
مجھ میں اب خود کو بھی شامل کردے

(احمد فرید)​

 

یوں تو سید بھی ہو، مرزا بھی ہو افغان بھی ہو
تم سبھی کچھ ہو، بتاؤ تو مسلمان بھی ہو ؟؟​

 

پیار نوید ضروری ہے یوں جینے کو
جیسے اپنی ذات ضروری ہوتی ہے​

 

یوں بدلتی ہے کہیں برق و شرر کی صورت
قابلِ دید ہوئی ہے گلِ تر کی صورت

(انور مسعود)​

 

آہ و بکا نہ کوئی پکار دی ہم نے
یوں ہی شبِ غم گذاردی ہم​

 

+++

 

تیرے انتظار میں زندگی یوں ہی روتے روتے گذر گئی ۔۔۔
کبھی آ کے تو مجھے دیکھ لے میرے دل کی اتنی ہی آس ہے​