لفظِ “یاد“ پر شعر کہیں

بیتے رؤئےدنوں کے غم یاد آگئے ھیں
ان کو گلے لگا کرمیں آج رو پڑا ہوں

 

کس قدر ہو گا یہاں مہرو وفا کا ماتم
ہم تری یاد سے جس روز اتر جائیں گے

 

دل گرفتہ ہی سہی بزم سجا لی جائے
یادِجاناں سے کوئی شام نہ خالی جائے

 

تیرا بھولا ہو پیمانِ وفا
مرچلیں گے اگراب یاد آیا

ناصر کاظمی

 

مجھ کو تمہاری یاد کا کافی ھے اک چراغ
سورج کواس کئے بھی دیکھا نہیں کبھی

 

ایک دیا دل میں جلانا بھی بجھا بھی دینا
یاد کرنا بھی اسے روز بھلا بھی دینا

 

رات سے ہے جی سوگوار بہت
یاد آؤ نہ آج یار بہت

 

یادیں ھیں‌تری یا ترےٹوٹے ہوئے وعدے
اوراس کے علاوہ میری جاگیر میں کیا ھے

 

دل راکھ ہو چکا تو چمک اور بڑھ گئی
یہ تیری یاد تھی کہ عمل کیمیا کا تھا


احمد ندیم قاسمی

 

یاد آتی رہی ہمیں‌اس کی
وہ مگر لوٹ کر نہیں‌آیا

 

اجالے اپنی یادوں کے ہمارے ساتھ رہنے دو
نجانے کس گلی میں‌زندگی کی شام ہو جائے

 

تمہاری یاد کچھ ایسے مرے دل میں اترتی ھے
کہ جیسے روشنی شب میں دیا تقسیم کرتا ھے

 

ناصر یوں اس کی یاد چلی ہاتھ تھام کے
میلے میں اس جہان کے کھونے نہیں دیا


ناصر کاظمی

 

کروں نہ یاد مگر کس طرح بھلاؤں اُسے
غزل بہانہ کروں ، اور گنگناؤں اُسے

 

ہجر کی آنکھوں سے آنکھیں تو ملاتے جائیں
ہجر میں کرنا ہے کیا یہ تو بتاتے جائیں
جاتے جاتے آپ اتنا کام تو کیجئے میرا
یاد کا سارا سروسامان جلاتے جائیں

 

ایسی یادیں بھی ھیں سو زندگیاں جن پہ نثار
حاصل زیستِ غم رواں ہی تو نہیں

 

اب کے تجدیدِ وفا کا نہیں امکان جاناں
یاد کیا تجھ کو دلائیں تیرا پیمان جاناں

 

یہ صحرا زندگی کا ھے یہاں سائے نہیں ملتے
بلا کی دھوپ ھے یادوں کی چھتری تان کر جائیں

 

بہت خوب۔۔
کئی دنوں بعد ہماری اردو پہ آ کے اشعار پڑھ کے بہت اچھا لگ رہا ہے

 

میں نے پلکوں سے درِ یار پہ دستک دی ہے
میں وہ سائل ہوں جسے کوئی صدا یاد نہیں

 

جب تجھ سے ذرا غافل ٹھہرے ہر یاد نے دل پر دستک دی
جب لب پہ تمہارا نام نہ تھا ہر دکھ نے پکارا اس دن تھا

 

یاد کیا آئیں وہ بیتے ہوئے ساون مجھ کو
میں وہ پنچھی ہوں جسے اپنی صدا یاد نہیں

 

کتاب ہستی کو ہر وقت پرسکون لکھنا قرار لکھنا
جو تیری یادوں کو مجھ سے جوڑے وہ غزل بار بار لکھنا
نجانے کیسا یہ دور آیا جہاں کی رت ہی بدل چکی ہے
خوشی کو رنج والم بنانا خزاں کو فصل بہار لکھنا

 

واہ ۔۔۔۔۔۔۔۔۔۔۔۔۔۔۔۔۔

 

اس قدر سے پیار سے اے جانِ جہاں رکھا ہے
دل کے رخسار پہ اس وقت تری یاد نے ہاتھ
یوں گماں ہوتا ہے اگرچہ ہے ابھی صبحِ فراق
ڈھل گیا ہجر کا دن ، آبھی گئی وصل کی رات


فیض

 

جواب: لفظِ “یاد“ پر شعر کہیں

اچھے اشعار ہیں

 

جواب: لفظِ “یاد“ پر شعر کہیں

کیوں میری راتوں میں مجھے بےتاب کر جاتے ہو
خوابوں میں آکر میری سانسوں کو مہکا جاتے ہو

کبھی تو مجھے اپنی بانہوں کا سہارا دو
ہمیشہ اپنی یادوں کے سہارے چھوڑ جاتے ہو

 

جواب: لفظِ “یاد“ پر شعر کہیں

یاد کرکے سلگتا ہوں پرانی باتیں
رابطہ ‌غم سے معطل نہیں ہونے والا