لفظِ “وفا“ پر شعر کہیں

مرے خلوص کے بدلے مری وفا کے عوض
سروش اس نے اداسی کے پھول بھیجے تھے

 

حیراں ہوں کہ یہ کون سا دستورِ وفا ہے ؟
تومثلِ رگِ جاں ہےتوکیوں مجھ سےجداہے؟

 

یہ دستور وفا صدیوں سے رائج ھے زمانے میں
صدائے قرب دی جن کو انہی کو دور دیکھا ھے

 

یہی تضاد ، ضامنِ بقائے عشق رضا
یہاں وفا ہے ہماری وہاں جفا ان کی

(نعیم رضا)

 

ہم کریں ترک وفا اچھا چلو یونہی سہی
اور اگر ترک وفا سے بھی نہ رسوائی گئی

 

مجھے معلوم ھے سب کچھ ، وہ حرفِ وفا سے اجنبی ھیں
وہ اپنی ذات سے ہٹ کر ، بہت کم سوچتے ہیں

 

اس نے کہا کہ ایک وفادار چاھیے

سارے جہاں کے لوگ وفادار ھو گئے

 

ہمارا کیا ہے، جو کچھ ہے ، دیا تیری
محبت پیار تیرا، وفا تیری سزا تیری

نعیم رضا

 

محبت عداوت وفا بے رخی
کرائے کے گھے تھے بدلتے رھے

 

ہمیں معلوم جو ہوتا وفا نا آشنا دنیا ۔۔۔ !
کسی سے پیار نہ کرتے کوئی امید نہ رکھتے

 

تیز ھوتی جا رہی ھیں دھڑکنیں ایسے عدیم
جیسے اگلے موڑ پر وہ بے وفا مل جائے گا

 

وہ ہیں جفا پسند تو میں ھوں وفا شعور
خود دار اپنی اپنی طبیعت ھے کیا کروں

 

موتیوں کو چھپا سپیوں کی طرح
بے وفاؤں کو اپنی وفائیں نہ دے

 

آپ کہتے ہیں بے وفا ہیں ہم
ہاں‌ مگر آپ سے تو ہیں کم کم

ڈاکٹر حسن رضوی​

 

کوئی تھا کہ جس کے فراق نے مرا حال ایسا بنا دیا
کسی بےوفا کی جدئی نے مجھ بے قرار نہیں کیا

 

میری وفا کا صلہ ہے تو کوئی بات نہیں
یہ درد تم نے دیا ہے تو کوئی بات نہیں

 

ہم نے جن راہوں میں بچھایا تھا لہو
ہم سے کہتے ھیں وہی عہد وفا یاد نہیں

 

نہ تم بےوفا ہو نہ ہم بےوفا ہیں
مگر کیا کریں اپنی راہیں جدا ہیں

 

وفا شعار ہیں لاکھوں کوئی حسیں بھی تو ہو
چلو پھر آج اُسی بے وفا کی بات کریں

 

کی محمد :saw: سے وفا تونے تو ہم تیرے ہیں
یہ جہاں چیز ہے کیا لوح و قلم تیرے ہیں
(علامہ ڈاکٹر محمد اقبال )

 

وفا کے خواب، محبت کا آسرا لے جا
اگر چلا ہے تو جو کچھ مجھ دیا لے جا

 

غم کہتے نہیں رنج عبارت نہیں کرتے
ہم اہل وفا عشق اکارت نہیں کرتے

 

بدظنی ایسی کہ غیروں کی وفا بھی کھوٹ تھی
حُسنِ ظن ایسا کہ ہم اپنوں‌ کی چالوں میں رہے

 

وفا کا نام نہ لیا کرو
وفا دل کو دکھاتی ہے
وفا کا نام لیتے ہی
اک بےوفا کی یاد آتی ہے

 

مسکراتے ہو نہ ستاتے ہو
کیسے رسمِ وفا نبھاتے ہو
ہم پہ ہی یہ کرم ہے رنجش کا
یا کسی اورکو بھی چاہتے ہو؟


نعیم رضا

 

میں نے جن کے لیے راہوں میں بچھایا تھا لہو
ہم سے کہتے ہیں وہی عہدِ وفا یاد نہیں؟

 

اے را ہرو ِ راہِ وفا ! دیکھ کے چلنا
اس راہ میں ہیں سنگِ گراں اور طرح کے

 

خدا وہ دن نہ دکھائے تجھے کہ میری طرح
میری وفا پہ نہ بھروسہ کرسکے تو بھی

 

ٹوٹا ہے دل تو اب جان گئے کہ آہ کیا ہوتی ہے
رونا آتا ہے ہمیں بھی لیکن اس میں توہینِ وفا ہوتی ہے

 

دکھ تو اس بات کا ہے ، عہدِ وفا ٹوٹ گیا
بے وفا کوئی سہی، تم نہ سہی، ہم ہی سہی