لفظِ “محبت“ پر شعر کہیں

تم نے تو کہہ دیا کہ محبت نہیں ملی
مجھ کو تو یہ بھی کہنے کی مہلت نہیں ملی

 

شوق یہ تھا کہ محبت میں جلیں گے چپ چاپ
رنج یہ ھے کہ تماشہ نہ دکھایا کوئی

 

قبروں میں نہیں ہم کو کتابوں میں اُتارو
ہم لوگ محبت کی کہانی میں مرے ہیں

 

پانی کی ضرورت ھے محبت کے شجر کو
پتھر پہ کبھی پیڑ اگائے نہیں ‌جاتے

 

اس شہر ِ محبت میں عجب کال پڑا ہے
ہم جیسے سُبک لوگ بھی نایاب بہت تھے
اب دیکھ یہ حسرت بھری اجڑی ہوئی آنکھیں
دنیا تیرے بارے میں میرے خواب بہت تھے

 

جو بھی ھوتا ھے ھو محبت میں
اب تو جانے مری بلا جاناں

 

تم کبھی نہ میری آزمائش کر سکو گے
جان سے زیادہ کیا فرمائش کر سکو گے
محبت کرتے ھیں اتنی جتنا سمندر میں پانی
کیا سمندر کےپانی کی پمائش کر سکو گے

 

اس نے ہنسی ہنسی میں محبت کی بات کی
میں نے عدیم اس کو مکرنے نہیں دیا

 

ہائے آدابِ محبت کے تقاضے ساغر
لب ہلے اور شکایات نے دم توڑ دیا

 

محبت کے سوا اب اور کیا ھو
یہی ہم کو پریشانی ھے کافی

 

دل میں اب دردِ محبت کے سوا کچھ بھی نہیں
زندگی میری عبادت کے سوا کچھ بھی نہیں

 

محبت میں جہاں کوئی کمی محسوس ھوتی ھے
وہیں اس شخص کی موجودگی محسوس ھوتی ھے

 

شہر والوں کی محبت کا میں قائل ہوں مگر
میں نے جس ہاتھ کو چوما وہی خنجر نکلا

 

ہے قائدہ ھےکلی یہ کوئے محبت میں
دل گم جو ہوا ھو گا پیدا نہ ھوا ھو گا

 

اگر مجھ سے محبت ہے مجھے سب اپنے غم دے دو
ان آنکھوں کا ہراک آنسو مجھے میرے صنم دے دو

 

یہ رکھ رکھاؤ محبت سکھا گئی اس کو
وہ روٹھ کر بھی مسکرا کے ملتا ھے

 

یہ حقیقت بھلے آشکارہ نہیں
پر محبت بنا اب گزارہ نہیں

 

جو محبت میں شرائط پہ یقیں رکھتا ھو
سچ تو یہ ھے وہ وفادر نہیں ھوتا یار

 

اے صنم ! جس نے تجھے چاند سی صورت دی ہے
اسی اللہ نے مجھے اُس سے محبت دی ہے ۔۔۔ !

 

اپنا یہ حال کہ جی ہار چکے لٹ بھی چکے
اور محبت وہی انداز پرانے مانگے

 

دونوں جہاں تیری محبت میں ہار کے
وہ جا رہا ہے کوئی شب غم گذار کے

 

اس عہد میں الہی محبت کو کیا ھوا
چھوڑا وفا کو ان نے مروت کو کیا ھوا

 

کچھ تو میرے پندارِ محبت کا بھرم رکھ
تو بھی تو کبھی مجھ کو منانے کیلیے آ

 

محبت سے مکر جانا ضروری ھو گیا تھا
پلٹ کر اپنے گھر جانا ضرروی ھو گیا تھا

 

مانا کہ محبت کا چھپانا ہے محبت
چپکے سے کسی روز جتانے کیلیے آ

 

محبت بے یقیں تو ابتدا سے تھی مگر اب تو
ترے ھوتے تری کمی محسوس کرتی ھوں

 

اے خدا ! آج اسے سب کا مقدّر کر دے
وہ محبّت کہ جو انساں کو پیمبر کر دے

 

محبت ھو کہ نفرت بھرا رہتا ھوں شدت سے
جدھر سے آئے یہ دریا ادھر ہی موڑ دیتا ھوں

 

محبت غم کی بارش ھے زمیں سر سبز ھوتی ھے
بہت سے پھول کھلتے ھیں جہاں بادل برستا ھے

 

یہ سوچ لو اب آخری سایہ ھے محبت
اس در سے اٹھو گے تو کوئی در نہ ملے گا