سوالیہ بیت بازی

جواب: سوالیہ بیت بازی

بہتا ہوں تو میری کوئی گہرائی بھی ہو گی
دریا کی طرح خود میں اتر کیوں نہیں جاتا
۔۔۔۔۔۔۔۔۔۔۔۔
ملبے سے نکل آتا ہے آسیب کے مانند
لوگوں کی طرح خوف بھی مر کیوں نہیں جاتا

 

جواب: سوالیہ بیت بازی

ہم ایسےسادہ دلوں کی نیاز مندی سے
بتوں نے کی ہیں جہاں میں خدائیاں کیا کیا
۔۔۔۔۔۔۔۔۔۔۔
رنگوں کو کلیوں میں جینا کون سکھاتا ہے!
شبنم کیسے رُکنا سیکھی! تِتلی کیسے رَم؟

 

جواب: سوالیہ بیت بازی

خوبصورت کس قدر تیری دنیا اے خدا
تیری قدرت کے کرشموں نے تو حیراں کردیا
چاند کو دی چاندنی اور شب سے شبنم سے خنک
پھول کو خوشبو ملی اور پھل نے پایا ذائقہ
تیری صناعی عیاں دنیا کے ہر ذرے سے ہے
کس طرح پانی اٹھا کر لے اڑی کالی گھٹا
۔۔۔۔۔۔۔۔۔۔۔۔۔
گونج اپنی سہی ، تائید میں آواز تو ہے
کیوں ترے شہر سے ہم دشت کو بہتر نہ کہیں؟

 

جواب: سوالیہ بیت بازی

دل نے صحرا میں بھی نہ وحشت کی
یہ نشانی ہے کس قیامت کی
میں بتاتا ہوں کیا پہاڑ ہے یہ
میں نے کاٹی ہے رات فرقت کی
۔۔۔۔۔۔۔۔۔۔۔
کیوں کاسہ دل لے کے صدا دی ہے جنون نے
خیرات میں کیا دے گا وہ زیادہ سے زیادہ؟

 

جواب: سوالیہ بیت بازی

یہ عشق و محبت کی روایت بھی عجب ہے
پایا نہیں جس کو اسے کھونا بھی نہیں‌ہے
لپٹا ہے میرے دل سے کسی خواب کی صورت
وہ شخص کہ جس کو میرا ہونا بھی نہیں ہے
۔۔۔۔۔۔۔۔۔۔۔
ہم کہ ناکام محبت ہیں تو پوچھیں گے ضرور
وہ جو میر کو تھا حاصل وہ سلیقہ کیا ہے؟

 

جواب: سوالیہ بیت بازی

سبب ہر ایک مجھ سے پوچھتا ہے میرے رونے کا،
خدارا ساری دنیا کو میں کیسے رازداں کر لوں۔

-------------------------------------

ابنِ آدم کا تجسس ہے نتیجہ کچھ بھی ہو،
دوستوں کے قحط سے دشمن بھی مر جائیں گے کیا؟

 

جواب: سوالیہ بیت بازی

کیوں کریں شکوۂ بے مہرئ یارانِ وطن؟
ہوگیا اس سے سوا پرسشِ اغیار کا لطف
۔۔۔۔۔۔۔
کون سمجھائے یہ سمجھانے کی باتیں کب ہیں؟
دید سے بڑھ گیا کیوں حسرتِ دیدار کا لطف؟

 

جواب: سوالیہ بیت بازی

ایسا نہ ہو کبھی کہ پلٹ کر نہ آسکوں
ہر بار دور جا کے صدائیں مجھے نہ دو

کب مجھ کو اعترافِ محبت نہ تھا فراز
کب میں نے یہ کہا ہے سزائیں مجھے نہ دو

 

جواب: سوالیہ بیت بازی

یہ جو زندگی ہے پہاڑ سی، یہ جو روز و شب ہیں چٹان سے
اسے ضبطِ غم ،لطف و کرم، اسے چشمِ نم سےتراشیئے
۔۔۔۔۔۔۔۔
چہروں پہ وہ سرسوں کی دھنک کیا ہوئی یارو
ہاتھوں سے وہ خوشبو حنا کیوں نہیں آتی ؟

 

جواب: سوالیہ بیت بازی

لہو بنوں گا اور رگوں میں اتر جاوں گا
مہک بنا ہوں تیری سانس میں بسا ہوں ابھی
۔۔۔۔۔۔۔۔۔
کس سے پوچھوں کہ کہاں ہے میرا رونے والا
اس طرف میں ہوں، میرے گھر سے ادھر سناٹا

 

جواب: سوالیہ بیت بازی

حسن کی اک اک ادا پر جان و دل صدقے مگر
لطف کچھ دامن بچا کر ہی نکل جانے میں ہے
۔۔۔۔۔۔۔۔۔۔۔۔
دریا میں پکارے چلے جاتے ہو ہمیشہ
صحراؤں میں ساون کو صدا کیوں نہیں دیتے؟

 

جواب: سوالیہ بیت بازی

کبھی خود سے مکر جانے میں کیا ہے
میں دستاویز پر لکھا ہوا نہیں
جون ایلیا
۔۔۔۔۔۔۔۔۔۔۔۔۔۔۔۔۔۔۔
خیال و خواب کا سفر تمام کیسے ہو گیا
یہ چلتے چلتے ختم راہگزار کیسے ہو گئی؟

 

جواب: سوالیہ بیت بازی

رات ہوتی نہ کائناتوں میں
میری باتیں جو مانتا سورج
۔۔۔۔۔۔۔۔۔۔۔۔
ہمراہی نہ رہبر نہ منزل کا تعین
صحرا کے سفر میں تھا نہ بھٹکتا بھی تو کیسے

 

جواب: سوالیہ بیت بازی

خوشیوں کا دور بھی کبھی آجائے گا ضرور
غم بھی تو مل گئے ہیں تمنا کئے بغیر
۔۔۔۔۔۔۔۔۔۔۔۔۔
حیدری فقر ہے نہ دولت عثمانی ہے
تم کو اسلاف سے کیا نسبت روحانی ہے؟

 

جواب: سوالیہ بیت بازی

مرتے ہیں آرزو میں مرنے کی
موت آتی ہے، پر نہیں آتی
۔۔۔۔۔۔۔۔۔۔۔۔
یہ لوگ کیسے مگر دشمنی نباہتے ہیں
ہمیں تو راس نہ آئیں محبتیں کرنی