سوالیہ بیت بازی

جواب: سوالیہ بیت بازی

خوبیاں داغ کی جب اس نے سُنیں، سُن کے کہا
کیا غرض ہم کو، وہ اپنے لئے اچھا ہوگا
۔۔۔۔۔۔۔۔۔۔۔۔۔
وقت کی چند ساعتیں ساغر
لوٹ آئیں توکیا تماشا ہو؟

 

جواب: سوالیہ بیت بازی

پوچھتا ہے جب کوئی دنیا میں محبت ہے کہاں
مسکرا دیتا ہوں میں ، اور یاد آجاتے ہو تم
۔۔۔۔۔۔۔۔۔۔۔
سکوت ،وہ بھی مسلسل سکوت کیا معنی
کہیں یہی ترا اندازِ گفتگو تو نہیں

 

جواب: سوالیہ بیت بازی

تکلّم کی خاموشی کہہ رہی ہے حرفِ مطلب سے
کہ اشک آمیز نظروں سے ادا ہونے کا وقت آیا
--------------------
سوجھا نہیں مدت سے کوئی شعر، کروں کیا؟
اس شخص کے آنے میں ہوئی دیر، کروں کیا؟

 

جواب: سوالیہ بیت بازی

ٹوٹا ہے جب سے اسکی مسیحائی کا طلسم
دل کو کسی مسیحائی کی حاجت نہیں رہی
۔۔۔۔۔۔۔۔۔۔۔۔۔۔۔۔۔
ہم کو شمشیر و سلاسل سے ڈرانے والو!
کہیں ایسے بھی محبت میں کمی ہوتی ہے؟

 

جواب: سوالیہ بیت بازی

گریباں چاک لوگوں کے بڑ ے لشکر نکلتے ہیں
ترے رخ کے پسِ منظر عجب منظر نکلتے ہیں
۔۔۔۔۔۔۔۔۔۔۔۔۔۔۔
جو شہر مِٹ چکے ہیں وہ آباد کب ہوُئے؟
لوگوں کو اُن کے نام ہی پھر یاد کب ہوُئے؟

 

جواب: سوالیہ بیت بازی

ہوتی نہیں قبول دعا ترکِ عشق کی
دل چاہتا نہ ہو تو دعا میں اثر کہاں
۔۔۔۔۔۔۔۔۔۔۔۔
تاعمر یہ فراق بجا دل گرفتگی
پہلو میں کیا وہ درد بھی رکھا ہے آج تک؟

 

جواب: سوالیہ بیت بازی

درد منت کشِ دوا نہ ہوا
میں نہ اچھا ہو ا،برا نہ ہوا
۔۔۔۔۔۔۔۔۔۔۔۔۔۔۔۔۔
صدیوں کے جال توڑ کے لمحوں میں پھنس گئے
ہم قید و بندِ وقت سے آزاد کب ہوُئے؟

 

جواب: سوالیہ بیت بازی

بھروسہ اپنے دست و پا پہ ہے مجھ کو ازل سے
وہ مشکل کون سی ہے میری جو آساں نہیں ہے
۔۔۔۔
طرب زادوں پہ کیا بیتی صنم خانوں پہ کیا گزری
دلِ زندہ! ترے مرحوم ارمانوں پہ کیا گزری؟

 

جواب: سوالیہ بیت بازی

بچپنے کا ساتھ ہے،پھر ایک سے دونوں کے دُکھ
رات کا اور میرا آنچل بھیگتا ہے ساتھ ساتھ
۔۔۔۔۔۔۔۔۔۔۔۔۔
ہو بیاں کیسے تری شوخئ گفتار کا لطف؟
تیرے انکار کی لذت، ترے اقرار کا لطف

 

جواب: سوالیہ بیت بازی

مُجھے اپنے رُوپ کی دھُوپ دو، کہ چمک سکیں میرے خال و خد
مُجھے اپنے رنگ میں رنگ دو، میرے سارے زنگ اُتار دو
-------------------------
وہ آئے ہیں پشیماں لاش پر اب
’تجھے اے زندگی! لاؤں کہاں سے؟‘

 

جواب: سوالیہ بیت بازی

وہ سر کھولے ہماری لاش پر دیوانہ وار آئے
اسی کو موت کہتے ہیں یارب، تو بار بار آئے
۔۔۔۔۔۔۔۔۔۔۔۔۔۔۔۔۔
شہر سو جاتا ہے لیکن گونجتا رہتا ہے دل
میں اس ہجومِ یاد کو کیسے تنہائی کہوں؟

 

جواب: سوالیہ بیت بازی

دنیا بھر کی یادیں ہم سے ملنے آتی ہیں
شام ڈھلے اس سونے گھر میں میلہ لگتا ہے
---------------------
ناکامِ تمنّا دِل اِس سوچ میں رہتا ہے
یوں ہوتا تو کیا ہوتا، یوں ہوتا تو کیا ہوتا؟

 

جواب: سوالیہ بیت بازی

شب جو مسجد میں جا پھنسے مومن
رات کاٹی خدا خدا کر کے
-----------------
مِٹ گئی حسرتِ دِیدار بھی رفتہ رفتہ
ہِجر میں حسرتِ دِیدار کہاں تک جاتی؟

 

جواب: سوالیہ بیت بازی

دیکھ کبھی آکر اجڑے ہوئے دل کی رونق
کیسی بستی تیری یادوں کی بسادی ہم نے
۔۔۔۔۔۔۔۔۔۔۔۔۔۔
کب مجھ کو اعترافِ محبت نہ تھا فراز؟
کب میں نے یہ کہا ہے سزائیں‌مجھے نہ دو؟

 

جواب: سوالیہ بیت بازی

اُس کے زخم چھپا کے رکھیے خود اُس شخص کی نظروں سے
اُس سے کیسا شکوہ کیجئے وہ تو ابھی نادان ھوا۔

 

جواب: سوالیہ بیت بازی

رنگ پیراہن کا، خوشبو زلف لہرانے کا نام
موسم گل ہے تمہارے بام پہ آنے کا نام
۔۔۔۔۔۔۔۔۔
بس ہو چکا بیاں کسل و رنجِ راہ کا
خط کا مرے جواب ہے، اے نامہ بر کہاں؟