تیرا میرا ساتھ ہو

عامر بھائی،
آپ کی عزٌت افزائی اور محبت کا بہت شکریہ، بڑی ذات صرف اللٌہ تعالیٰ کی ھے اور میں تو بہت ھی اسکا گنہگار بندہ ھوں، ھم سب ایک برابر ھیں کوئی بھی چھوٹا بڑا نہیں ھے، !!!!!
خوش رھیں،!!!!

 

71 - مئے خوار مر رہے ہیں

ساقی تیرے بیمار ، مئے خوار مر رہے ہیں
کر کر کے انتظار ، مئے خوار مر رہے ہیں

ساقی نے آج اپنی نگاہوں سے کیا پلائی
چھایا ہے وہ خمار ، مئے خوار مر رہے ہیں

وہ جام بکف ، بزم میں ، شمع کے سامنے ہیں
پررونے ہیں نثار ، مئے خوار مر رہے ہیں

زاہد کے موت کے جشن میں پی پی کے
ساقی و مئے گسار ، مئے خوار مر رہے ہیں

شاہیں وہ رونق ِ محفل جو چل دیا ہے
ہو ہو کے سوگوار ، مئے خوار مر رہے ہیں

 

72 - پی کر تو دیکھیے

کیا لطفِ مئے کشی ہے ، پی کر تو دیکھیے
ہوتی کیا بے خودی ہے ، پی کر تو دیکھیے

اسے بھی تھما کے رکھ دے بلکہ غلام کر لے
جو وقت گردشی ہے ، پی کر تو دیکھیے

ہر چیز نے ہیں بدلے رنگ مگر شراب
ازلی ہے ، ابدی ہے ، پی کر تو دیکھیے

بجز شراب کے کرے ہر چیز سے انکار
مئے خوار متقی ہے ، پی کر تو دیکھیے

بس مئے کدے میں رہ کے گھومے نگر نگر
یہ مقام ِ مئے وشی ہے ، پی کر تو دیکھیے

بھلا اس سے بڑھ کے ہو گی کیا قہ مئے طہور
یہ خوش فہمی ہے ، پی کر تو دیکھیے

 

73 - شیونگ برش

تم کو مجھ سے یہ خدشہ تھا
کہ کہیں میں تم کو چھوڑ نہ دوں
اور اس خدشے کو بنیاد بنا کر
تم نے خود منہ موڑ لیا
لیکن تم کو کیا خبر
کہ میں تو تمہارے دیے ہوئے
اک شیونگ برش کو بھی نہیں‌چھوڑ سکا
حالانکہ وہ اب چبھنے لگا ہے
اور بھدا بھی ہو چکا ہے

 

مکمل غزل یوں ہو گی

اب سوچتا ہوں
کسی امیر کُڑی سے دوستی بناؤں
جو شیونگ برش کی بجائے شیونگ مشین دے سکے
اور اگر یہ نہ افورڈ کر سکے
تو کم از کم اسکے ابا کی
حجام کی دکان ہو
جہاں ہر روز جا کر
میں شیو بنوا سکوں

کاش تمہارے ابا کی بھی حجام کی دکان ہوتی
کاش ۔۔۔۔۔۔۔

غزل کی پسندیدگی اور قارئین کی تعریف و ستائش کا پیشگی شکریہ :201:

 

مکمل غزل یوں ہو گی

اب سوچتا ہوں
کسی امیر کُڑی سے دوستی بناؤں
جو شیونگ برش کی بجائے شیونگ مشین دے سکے
اور اگر یہ نہ افورڈ کر سکے
تو کم از کم اسکے ابا کی
حجام کی دکان ہو
جہاں ہر روز جا کر
میں شیو بنوا سکوں

کاش تمہارے ابا کی بھی حجام کی دکان ہوتی
کاش ۔۔۔۔۔۔۔

غزل کی پسندیدگی اور قارئین کی تعریف و ستائش کا پیشگی شکریہ :201:[/quote:233z9v40]

آپ نے اپنے حمام کی بڑی اچھی ایڈوٹائزمنٹ کی ، آئیندہ سے یہیں حاضر ہو جایا کروں گا -

اس قسم کی باتوں کے لیے “ گپ شپ “ کا فورم ہے نا ، وہاں میری حاضری باقاعدہ ہوتی ہے ، بہتر یہی ہے کہ آپ وہیں ملیں ، آپ کو ہر قسم کا افاقہ ہو گا -

 

مکمل غزل یوں ہو گی

اب سوچتا ہوں
کسی امیر کُڑی سے دوستی بناؤں
جو شیونگ برش کی بجائے شیونگ مشین دے سکے
اور اگر یہ نہ افورڈ کر سکے
تو کم از کم اسکے ابا کی
حجام کی دکان ہو
جہاں ہر روز جا کر
میں شیو بنوا سکوں

کاش تمہارے ابا کی بھی حجام کی دکان ہوتی
کاش ۔۔۔۔۔۔۔

غزل کی پسندیدگی اور قارئین کی تعریف و ستائش کا پیشگی شکریہ :201:[/quote:35jqtbgf]

:201: عقرب بھائی ۔ غزل تو اچھی ہے لیکن عامر شاھین بھائی کی لڑی میں یوں اچھل کر آنا مناسب نہیں۔ اس لیے بہتر ہے کہ گپ شپ کی لڑی میں زورآزمائی کریں۔ :201:

 

74 - جلا دیا

اس آتش ِ دل نے سینہ جلا دیا
سینہ تو کیا آنکھ کا مینہ جلا دیا

برباد ہونے کی ہمیں تھی آرزو اتنی
جو غرق نہ ہوا تو سفینہ جلا دیا

واعظ کو مل گئی جو مئے ناب کی بوتل
کم ظرف کا تھا جام کو پینا ، جلا دیا

نامے کو بارے پوچھا تو بولے تغافل سے
اُس کو تو ، ہم نے َ ہو گیا مہینہ جلا دیا

اب منزلِ مراد کا ملنا ہے ناگزیر
اب تو ہر ایک ہم نے سفینہ جلا دیا

 

75 - پیوی جا

شراب دی مستی ، پیوی جا
پھلاں دی ہستی ، پیوی جا

مئے انمل کی اُڈیک تینوں
کدی ہونی نئیں سستی ، پیوی جا

اج ساقی تے پچھ دا ناہیں
کل دیندا سی دستی ، پیوی جا

اجاڑ چہ بنیا مئے خانہ
وس پئے گی وستی ، پیوی جا

ہر ویلا مئے دا ویلا
کی اُچ ، کی پستی ، پیوی جا

مونہوں پینا جے حرام اے شاہیں
اکھاں دے رستی ، پیوی جا

 

بہت خوب

 

76 - غرق ِ جام

صبح ہے ، دوپہر ہے یا کہ وقتِ شام ہے
میکدہ میں ہر کوئی سدا ہی غرق ِ جام ہے

جام بکف پیر ِ مغاں جا رہے ہو کس طرف
اس طرف کرو نظر ادھر یہ مئے آشام ہے

آرہا ہو ساقیا ! میکدہ میں جلد ہی
ناصحا کے ہاں تو اپنا عارضی قیام ہے

جام و سبو و ساتگیں کر کے اکھٹے لائیے
ناصح کی موت کا آج جشن ِ عام ہے

چھلکے شراب کہلائے تسنیم و سلسبیل
اسی لیے مستِ خرام ہر اک مئے آشام ہے

جام بکف مئے گسار اور کھلی بوتلیں
مئے کدہ میں تو یہی لمحہء دوام ہے

دیر و حرم کے جھگڑے سے ہم کو بھلا کیا نسبت
میکدہ ہے ، جام ہے اور مئے گلفام ہے

مئے گسار و بادہ خوار کے نام سے ہی جانیے
ورنہ مئے خانے میں شاہیں ہر کوئی بے نام ہے

 

77 - اب یہی اپنا نصیب ہے

آج بہت دنوں بعد
وہ وقت آ پہنچا ہے کہ جس کا
انتظار مجھے بھی تھا اور تمہیں بھی شاید!

لیکن اب وہ وقت نہیں ہے
جب میری آنکھ سے تیرے نام کے آنسو بہتے تھے
جب دل بن کر تم دھڑکتے تھے
جب سانسوں میں تم چلتے تھے

اب یہ ہے کہ تیری آنکھیں
میری دید کو چاہا کرتی ہیں
اب یہ ہے کہ تیری زلفیں
بڑی الجھی الجھی رہتی ہیں
اب یہ ہے کہ تیری سانسیں
کچھ اُکھڑی اُکھڑی رہتی ہیں
اب یہ ہے کہ تیری وفائیں
مجھ کو چاہا کرتی ہیں
اب یہ ہے کہ تیری دعائیں
مجھ کو مانگا کرتی ہیں

لیکن اب وہ وقت نہیں ہے
اب میں تم سے دور ہوں لیکن تُو میرے قریب ہے
اب یہی اپنا نصیب ہے

 

78 - پینا پڑتی ہے شیخ جی

پلانے والا جو خوبرو ہو تو پینا پڑتی ہے شیخ جی
زمیں پہ جنت کی آرزو ہو تو پینا پڑتی ہے شیخ جی

تمہارا کیا ہے ؟ تم تو محروم ِ نظارہء حسن ہو
چشمِ مست جو روبرو ہو تو پینا پڑتی ہے شیخ جی

بنا کسی کی مست نظر کے دل سدا مردہ رہا ہے
گر چاہیے کہ ہُو ہُو ہو تو پینا پڑتی ہے شیخ جی

بیٹھے بیٹھے میکدے میں دیکھ لیتے ہیں دو جہاں ہم
گھومنا یوں کُو بہ کُو ہو تو پینا پڑتی ہے شیخ جی

غمِ زمانہ ، جفائے جاناں پہ سوچو گے تو الجھ رہو گے
رنج و الم کی گفتگو ہو تو پینا پڑتی ہے شیخ جی

مکے جاکے تم بھی تو پیتے ہو زم زم کا پانی
میکدہ جو رُوبرو ہو تو پینا پڑتی ہے شیخ جی

شاہین سے کیوں الجھ رہے ہو ان مسائل میں فضول
علم و عرفاں کی گفتگو ہو تو پینا پڑتی ہے شیخ جی

 

79 - ساقی نہیں اچھا یہ

ساقی نہیں اچھا یہ انداز حسیبوں کا
کچھ تو کرو خیال ہم کہنہ حبیبوں کا

بے درد تُو نے کیسا یہ درد دیا مجھ کو
اب ہو کے رہ گیا ہوں محتاج طبیبوں کا

پھر زہر سے وہ کیوں نہ چارہ گری کرتے
بدلے ہوئے رقیب تھے بھیس طبیبوں کا

پیتے ہیں آج بھی سقراط جامِ سم
جاری ہے آج بھی وہی دور صلیبوں کا

کسی وفا کسی کی ، کیسی جفا کسی کی
شاہیں ملا سبھی کو بس لکھا نصیبوں کا

 

80 - بھول جائے گا

آ تجھے پلاؤں وہ مئے کہ ناصحا !
تسنیم و سلسبیل کو بھول جائے گا

حقیقتِ قرآن تجھ پہ منکشف جو ہو
تفسیر کو ، تاویل کو بھول جائے گا

اک بار دیکھ تو سہی نظر ِ یقین سے
دُنیا کی ہر دلیل کو بھول جائے گا

 

81 - ڈھلکا آنچل جو

ڈھلکا آنچل جو تیرے شانے سے
دیکھا جوبن اِسی بہانے سے

دَھڑکنوں کا یہ ربط قائم ہے
دل میں تیرے خیال آنے سے

پُھول بھی مُسکرانا بھول گئے
اک فقط تیرے رُوٹھ جانے سے

بانٹ لو مجھ سے اپنے دُکھ سارے
درد مِٹتا نہیں چھپانے سے

روشنی کا سفر تو چلتا ہے
اِک دیا بھی کہیں جلانے سے

اب اُسے کیسے پا سکے کوئی
کھو دیا جس کو آزمانے سے

یاد اتنا مجھے تُم آئے ہو
بھول پایا نہپیں بھلانے سے

کتنا اُجڑا سا ہے تیرا شاہیں
تیری زُلفوں کے بکھر جانے سے

 

اچھی شاعری ہے!!

 

82 - ٹھراؤ سا یہ کیوں ہے

جب لوٹنا نہیں تو ٹھراؤ سا یہ کیوں ہے
دل میں دماغ میں اُلجھاؤ سا یہ کیوں ہے

گَر تجھ سے عشق کا میں مرتکب نہیں ہوں
پھر مجھ پہ تیرے شہر میں پتھراؤ سا یہ کیوں ہے

ہمارے بچھڑنے کا جب تیرا اپنا فیصلہ ہے
آنکھوں میں تیری کاجل کا پھیلاؤ سا یہ کیوں ہے

اَب ہم سفر ہے اور ، منزل بھی اور ہے
لیکن سفر میں رستوں کا دُھراؤ سا یہ کیوں ہے

کل تک جسے حُسن پہ بے حد غرور تھا
اب اُس کے سر میں شاہیں جھکاؤ سا یہ کیوں ہے

 

83 - تیرے ہجر کی عذاب رت ہے

تیرے ہجر کی عذاب رت ہے
سراب در سراب رت ہے

دھیرے دھیرے نظر ملانا
خمار رت ہے ، شراب رت ہے

تیرے لبوں کا یوں مسکرانا
بہار رت ہے ، گلاب رت ہے

تیرے گیلے سے گیسووں سے
شبنمی سی سحاب رت ہے

نقابِ گیسو کا رُخ سے ہٹنا
سحر آفریں ماہتاب رت ہے

تیرے میرے ملن کی رت بھی
سبھی رتوں میں لاجواب رت ہے

شاہین جس کا بنا دیوانہ
بڑی حسیں وہ شباب رت ہے

 

84 - کچھ تو ہو

ہجر کا موسم نہ ہو کچھ تو ہو
مجھ کو تیرا غم نہ ہو کچھ تو ہو

دو قدم ہی تم میرے ہمراہ چلتے
سفر یہ پیہم نہ ہو کچھ تو ہو

تیرا پیار ، تیرا درد ، تیرا خیال
ویرانئی دل کا غم نہ ہو کچھ تو ہو

آنسو کے موتیوں کی برسات ہی سہی
پھول پر شبنم نہ ہو کچھ تو ہو

شاہیں کی پیاس بجھنے کا کچھ اہتمام تو
ساقی کے پاس رَم نہ ہو کچھ تو ہو

 

باکمال لوگ لاجواب شاعری

عامر بھائی کی شاعری با کمال ھے،
بہت خوب!!!!

 

85 - کچھ تو ہم اک دوسرے سے

کچھ تو ہم اک دوسرے سے بے وجہ برہم رہے
کچھ تیرے میرے درمیاں رابطے بھی کم رہے

تیرا دامن ملنے کی جب آرزو پوری ہوئی
کی یہ دُعا کہ اب ہمیشہ آنکھ اپنی نَم رہے

تاریکی میں گِھر جائے جس قدر ستارہ کوئی
روشنی کا مظہر تو ہے چاہے وہ مدہم رہے

شاہین کو پلا دے وہ مئے کہ ساقیا !
میں رہوں نہ وہ رہے نہ ہی اُس کا غم رہے

 

عامر شاھین بھائی ۔ ساری غزل اچھی ہے۔ لیکن یہ دو اشعار بہت پسند آئے۔

بہت خوب !!

 

کیا بات ھے عامر بھائی ،!!!!

تیرا غم ھے سلامت، یہ بھی کیا کم ھے
جی لوں گا سہارے، اس کے کیا غم ھے​

 

نعیم بھائی اور شاہ جی !

آپ کی محبتوں اور میری شاعری کو پسند کرنے کا بیحد شکریہ

 

86 - جام چھلک جائے

کیا بات ہے عجب ، جام چھلک جائے
ساقی ہو پُر غضب ، جام چھلک جائے

محرومئ قسمت کا ہی نام دیں اسے
پہنچے نہ تا بہ لب ، جام چھلک جائے

تسنیم و سلسبیل کی بہہ جائیں نہریں
یوں ڈگمگائیے سب ، جام چھلک جائے

آئے ہو تو بیٹھو مجھ جاں بلب کے پاس
کیا جانیے کہ کب ، جام چھلک جائے

ہر بزم کے ہوتے ہیں آداب کچھ نہ کچھ
بڑھے جب بھی بے ادب ، جام چھلک جائے

قسمت نہ ساتھ دے تو ہوتا ہے یوں بھی شاہیں
ایسے ہی بے سبب ، جام چھلک جائے

 

87 - عروج

فرزانگی تو دیکھو دیوانے ہو گئے ہم
دیوانگی تو دیکھو مستانے ہو گئے ہم
مستانگی تو دیکھو پیمانے ہو گئے ہم
پیمانگی تو دیکھو مئے خانے ہو گئے ہم
مئے خانگی تو دیکھو زمانے ہو گئے ہم
زمانگی تو دیکھو “ یزدانے “ ہو گئے ہم

 

88 - جیون کیا ہے

اب سمجھے ہیں جیون کیا ہے
کیا ہے عکس یہ درپن کیا ہے

کون بھلا یہ جان سکے گا
تیرا میرا بندھن کیا ہے

آنکھ میں آنسو آجائیں تو
ان کے آگے ساون کیا ہے

میری ساری باتیں سیدھی
پھر یہ تم کو اُلجھن کیا ہے

عشق کرو گے تو جانو گے
تڑپ ہے کیا اور درشن کیا ہے