آج کا قطعہ

​

راستہ سوچتے رہنے سے کدھر بنتا ہے
سر میں سودا ہو تو دیوار میں در بنتا ہے​

آگ ہی آگ ہو سینے میں تو کیا پھول جھڑیں
شعلہ ہوتی ہے زباں لفظ شرر بنتا ہے​

 

جسے قبائے امارت سمجھ رہے ہیں جناب
کسی کے جسم سے چھینا ہوا کفن تو نہیں
امیرِ شہر کی مسند کو غور سے دیکھو
کسی غریب کی بیٹی کا پیرہن تو نہیں

 

​

زندگی صرف محبت نہیں کچھ اور بھی ہے
زلف و رخسار کی جنت نہیں کچھ اور بھی ہے
بھوک و افلاس کی ماری ہوئی اس دنیا میں​

عشق ہی صرف حقیقت نہیں ،کچھ اور بھی ہے​

 

تو نے نفرت سے جو دیکھا تو مجھے یاد آیا۔!​

کیسے رشتے تری خاطر یونہی توڑ آ یا ہوں​

کتنے دھندلے ہیں یہ چہرے جنہیں اپنایا ہے​

کیسی اجلی تھی وہ آنکھیں جنہیں چھوڑ آ یا ہوں​

 

بھیگی آنکھ نے یہ سکھلایا
دیکھو لفظ مٹا ہے کوئی

مٹی کے اس ڈھیر کے نیچے
مجھ کو چھوڑ گیا ہے کوئی
...
خود بھی کسی پل آتا ہو گا
پھول جو بھیج رہا ہے کوئی​

زہر زہر بجھا بجھا
محبت بھی نشہ ہے کوئی​

 

بھیگی آنکھ نے یہ سکھلایا
دیکھو لفظ مٹا ہے کوئی

مٹی کے اس ڈھیر کے نیچے
مجھ کو چھوڑ گیا ہے کوئی
...
خود بھی کسی پل آتا ہو گا
پھول جو بھیج رہا ہے کوئی​

زہر زہر بجھا بجھا
محبت بھی نشہ ہے کوئی​

 

غم کی زد میں اگر بگڑ جائیں​

پھر کہاں قسمتیں سنورتی ہیں​

ذکر تجدید دوستی نہ کرو​

اب یہ باتیں گراں گذرتی ہیں​

 

دل درد سے نڈھال ہوتو، کسی حسیں چاندنی رات کو​

کچھ خواب ایسے ٹوٹتے ہیں کہ کرچیاں نہیں ملتیں​

یہ نصیب نصیب کی بات ہے، سب کو منزل کہاں نصیب۔​

کسی کی راہ میں دریاہوتو پارکرنے کوکشتیاں نہیں ملتیں​

 

یہ دھواں دھواں جو خیال ہیں
اسی بات کی تو دلیل ہیں
کوئی آگ مجھ میں ضرور تھی
جسے بے حسی نے بجھا دیا

 

شرابِ شوق کو مستی میں لا کے پیتا ہوں
میں ماسوا کی نظر سے چھپا کے پیتا ہوں
رکوع سے جو بچے، سجدے میں جا کے پیتا ہوں
وہ رِند ہوں جو خدا کو دِکھا کے پیتا ہوں
​

 

یہ سوداگر


وطن کی آبرو، ناموسِ ملت کے یہ سوداگر
اُجالے بیچ پر ظلمت میں ڈوبی شام لیتے ہیں
جو اک بستی کے دُکھ کا بھی مداوا کر نہیں سکتے
کروڑوں کے مقدرکی لگامیں تھام لیتے ہیں
​

 

چناں قحط سالی چہ اندر دمشق
کہ یاران فراموش کردند عشق

دمشق میں قحط سالی کیا پڑ گئی کہ یار لوگؤں نے عشق ہی فراموش کردیا
اور نون ،تیل،لکڑی کے پیچھے پڑگئے

 

باندھ رکھی ہے قبیلے نے توقع جس سے
اور اچانک ہی وہ سردار اگر مر جائے

عین ممکن ہے مرا نام بھی آجائے کہیں
شہرِ لیلیٰ کا گنہگار اگر مر جائے

منتظر جس کی یہ آنکھیں ہیں کئی برسوں سے
اور وہ چاند بھی اُس پار اگر مر جائے

 

شہرِ محبت ، ہجر کا موسم،عہدِ وفا اور میں
تُو تو اِس بستی سے خوش خوش چلا گیا اور میں
تو جو نہ ہو تو جیسے سب کو چپ لگ جاتی ہو
آپس میں کیا باتیں کرتے رات، دیا اور میں

 

ہر محبت کے لئے دل میں الگ خانہ ہے
ہر محبت اسی خانے میں گزر جاتی ہے
جو گھڑی رکھتے ہیں اظہارِ محبت کے لئے
وہ گھڑی بات بنانے میں گزر جاتی ہے

 

جب ذکر بہاروں کا ہوا۔۔۔۔۔۔۔۔
٭ ٭ ٭ ٭ ٭
جب ذکر بہاروں کا ہوا ہم بھی رو دیئے
جب کوئی نیا پھول کھلا ہم بھی رو دیئے

غم میں گھرا ہوا سا زید وہ اک شخص
کچھ اس طرح سے ہنسا ہم بھی رو دیئے
​

 

چاہا تھا تجھ کو دل کی گہرائیوں کے ساتھ
زندہ ہوں اپنی ذات میں تنہائیوں کے ساتھ
روکا نہیں تھا اس کو بچھڑنے کے وقت
اپنی وفا پہ ناز تھا سچائیوں کے ساتھ​

 

دِلوں کی تشنگی جتنی، دِلوں کا غم جتنا
اُسی قدر ہے زمانے میں حُسن یار کی بات
چمن کی آنکھ بھر آئی، کلی کا دل دھڑکا !
لبوں پہ آئی ہے جب بھی کسی قرار کی بات

مخدُوم محی الدین

 

مر مٹا ہوں خیال پر اپنے
وجد آتا ہے حال پر اپنے
ابھی مت دیجیو جواب کہ میں
جھوم تو لوں سوال پر اپنے

از جون ایلیا​

 

کمال خلاق ذات اس کی
جمال ہستی حیات اس کی
بشر نہیں عظمت بشر ہے
میرا پیمبر عظیم تر ہے​

 

سبھی بول مدھر، سبھی نین سجل، کن گلیوں میں تم ہمیں لے آئے
اس من کو نہ لوگو بھٹکاؤ، یہ من ہے کسی کے بندھن میں
ہر شکل کا روپ نہیں ہوتا، ہر روپ کو نام نہیں دیتے
کچھ شکلیں ہیں اپنی آنکھوں میں، کچھ روپ ہیں من کے درپن میں

 

مجھ سے محبت بھی ہے اس کو، لیکن یہ دستور ہے اس کا
غیر سے ملتا ہے ہنس ہنس کے، مجھ سے وہ شرماتا ہے

کتنے یار ہیں پھر بھی منیر اس آبادی میں اکیلا ہے
اپنے ہی غم کے نشے میں اپنا جی بہلاتا ہے

 

جدائ کی اذیت میں
میری بے تاب سانسوں میں
کوئ تو رنگ بھر دو نا
مجھے آزاد کر دو نا ....

 

کبھی تُونے خود بھی سوچا۔۔۔یہ پیاس ہے تو کیوں ہے
تجھ پا کے میرا دل۔۔۔ جو اُداس ہے تو کیوں ہے
مجھے کیوں عزیز تر ۔۔۔یہ دھواں دھواں سا موسم
یہ ہوائے شامِ ہجراں۔۔۔مجھے راس ہے تو کیوں ہے​

 

وہ میرا رونقِ محفل کہاں ہے
مری بجلی، مرا حاصل کہاں ہے
مقام اس کا ہے دل کی خلوتوں میں
خدا جانے مقامِ دل کہاں ہے!
(علامہ اقبال)​

 

فراق یار کی بارش، ملال کا موسم
ہمارے شہر میں اترا کمال کا موسم
کوئی ملا ہی نہیں جس کو سونپتے محسن
ہم اپنے خواب کی خوشبو، خیال کا موسم