آج کا شعر

سنبھل اے دل کسی کا راز بےپردہ نہ ہو جائے
یہ دیوانوں کی محفل ہے کوئی رسوا نہ ہو جائے

 

دنیا تو کسی حال میں جینے نہیں دیتی
چاہت نہیں ہوتی کبھی رسوا، اُسے کہنا

 

افسانہء رقیب بھی لو بے اثر ہوا
بگڑی جو سچ کہے سے وہاں جھوٹ کیا چلے

 

گزشتہ عظمتوں کےتزکرے بھی رہ نہ جائیں گے
کتابوں ہی میں دفن افسانہء جاہ و ہشم ہوں گے
اکبر الہٰ آبادی

 

یہ جناب شیخ کا فلسفہ ہے عجیب سارے جہان سے
جو وہاں پیو تو حلال ہے جو یہاں پیو تو حرام ہے

 

جس منظر کو دیکھنے والا کوئی نہ ہو
ایسا منظر دیکھنے والا ہوتا ہے

 

یہ اداسیوں کے موسم یونہی رائیگاں نہ جائیں
کسی یاد کو پکارو کسی درد کو جگاؤ

 

بہرا ہوں میں تو چاہیے، دونا ہوں التفات
سنتا نہیں ہوں بات مکرّر کہے بغیر

 

یہ عجیب حُسن کے رمز تھے، یہ نرالے ناز کے بھید تھے
وہ نقاب اُلٹ کے جو آگیا، کوئی جی اُٹھا، کوئی مر گیا​

 

کتنی دلکش ہے خامشی اس کی
ساری باتیں فضول ہوں جیسے
اسکا ہنس کر نظر جھُکا دینا
ساری شرطیں قبول ہوں جیسے​

 

خامشی، کاغذ کے پیراہن میں لپٹی خامشی
عرضِ غم کا اس سے بہتر کوئی پیرایہ نہیں

 

محشر کا خیر کچھ بھی نتیجہ ہو اے عدم !!
کچھ گفتگو تو کھل کے کرینگے خدا کے ساتھ

عبدالحمید عدم​

 

ڈھانپے جو نفرتوں کے برہنہ وجود کو
ایسی بھی کوئی پیار کی چادر تلاش کر

 

یہ کارِعشق بھی ہے عجب کار ِناتمام
سمجھیں کہ ہو رہا ہے مگر عمر بھر نہ ہو

 

تاثیر عشق یہ ہے ترے عہد حسن میں
- مٹی کا بھی بنائیں تو ہو بے قراد دل

 

احساس کے اندازبدل جاتے ہیں ورنہ
آنچل بھی اسی تار سے بنتا ہے کفن بھی

 

سازِ حیات ہم نفسو ! خوب ہے مگر
کب ٹوٹ جائے سانس کا اک تار ہی تو ہے

وامق جونپوری

 

حق بات پہ کٹتی ہیں تو کٹنے دو زبانیں
جی لیں گے مِرے یار بہ اندازِ دگر بھی

 

چلو آؤ تم کو دکھائیں ہم جو بچا ہے مقتلِ شہر میں
یہ مزار اہلِ صفا کے ہیں، یہ ہیں اہلِ صدق کی تربتیں

فیض

 

دل سے جو چھٹے بادل تو آنکھ میں ساون ہے
ٹھہرا ہوا دریا ہے ، بہتا ہوا پانی ہے ۔۔۔۔۔۔۔۔۔۔ !

بشیر بدر

 

مجھے اک گلی میں پڑا ھوا کسی بدنصیب کا خط ملا
کہیں خون دل سے لکھا ھوا کہیں آنسوؤں سے مٹا ھوا

 

قاصد پیام ان کا نہ کچھ دیر ابھی سنا
رہنے دے محو لذت ذوق خبر مجھے

اثر لکھنوی

 

حضرت واعظ جہاں کی لذتوں سے کیوں ہو دور
وہ فرشتہ خصلتی کیسی ، جب انساں ہو گئے

شکیل بدایونی

 

میں گاؤں لوٹ رہا ہوں بہت دیر کے بعد
خدا کرے کہ اُسے میرا انتظار نہ ہو !