اقوال زریں

مسلمان وہ ہے جو کافر کی نظر میں مسلمان ہو(واصف علی واصف)

 

زاہد تنگ نظر نے مجھے کافر سمجھا
کافر یہ سمجھتا ہے کہ مسلمان ہوں میں​

 

اگر سچی عزت چاہتے ہوتو ویسے بن جاؤ جیسا نظر آنے کی کوشش کرتے ہو

 

دوست کے ساتھ محبت اعتدال کے ساتھ رکھو- کیونکہ ممکن ہے کبھی تمہارا بگاڑ ہو جائے-اسی طرح دشمن کے ساتھ دشمنی حد سے زیادہ نہ کرو-کیونکہ ممکن ہے کہ کبھی تمہاری محبت ہو جائے-

(ارشاد نبوی :saw: )

 

بہترین مبلغ وہ ہے جس کے پاس تبلیغ کے لیے الفاظ کی بجائے کردار ہو

(حضرت سفیان ثوری )

 

سب سے بہترین سخاوت وہ ہے کہ انسان ایسے شخص کو دے جس سے کچھ ملنے کی توقع نہ ہو۔ (سیدنا امام حسین :as: )

 

اگر تجھے کبھی اختیار مل جائے تو خود کو خدا یا خدا کا رسول :saw: مت سمجھنا (معاذاللہ)

کیونکہ یہ صرف خدا کی شان ہے کہ جو چاہے ہوجائے
اور یہ صرف رسول :saw: کی شان ہے کہ جو وہ فرما دے خدا ویسا کردے

 

انسان کے تین دشمن ہیں۔
پہلا : انسان کا اپنا دشمن
دوسرا: دوست کا دشمن
تیسرا : دشمن کا دوست

 

غیبت کرنے والوں کی مجلس میں بیٹھنے سے دین و دنیا تباہ ہوجاتی ہے

 

بدترین سزا

کوئی بری سے بری سزا بھی اتنی وحشتناک نہ ہوگی جتنا کہ آدمی کا دل سخت ہونا اور اس کا خدا سے دور ہونا۔

خدا نے جہنم کی آگ یونہی پیدا نہیں کی۔ جہنم کی آگ ایسے دلوں کو پگھلانے کیلئے ہی تو ہے جو خدا کے خوف سے اسی دنیا میں پسیج جانے پر تیار نہیں!

جتنا دل سخت ہوگا اتنا خدا سے دور ہوگا۔ پھر جب دل کی وادی سنگلاخ ہوتی ہے تو آنکھ میں قحط اتر آتا ہے۔ ایسی آنکھ سے پھر ایک آنسو برآمد نہیں ہوتا۔

چار چیزیں اچھے آدمی کا دل بھی سخت کر دیتی ہیں:

حد سے زیادہ کھانا، حد سے زیادہ سونا، حد سے زیادہ بولنا اور حد سے زیادہ لوگوں کے ساتھ گھلنا ملنا.... یوں کہ خدا کے ساتھ خلوت نہ رہے۔

جسم بیمار ہوتا ہے تو کھانے پینے کا مزہ ختم ہوجاتا ہے۔ دل بھی جب مبتلائے شہوت پڑ کر بیمار ہوتا ہے تو وعظ ونصیت اور سمجھانے بجھانے کا اثر ختم ہو جاتا ہے۔

(از امام ابن القیم رحمتہ اللہ علیہ)

 

زندہ قومیں اپنے دفاع کے لیے نہیں بلکہ اپنے نظریہء حیات کے تحفظ کے لیے جیا کرتی ہیں

 

بے سکونی تمنا کا نام ہے۔حب تمنا تابع فرمان الہی ہو جائے- تو سکون شروع ہوجاتا ہے

 

دنیا میں بندے کو ایک مسافر کی طرح جینا چاہئے۔

 

“حق “ اسے کہتے ہیں جو نہ ملنے کی صورت میں‌بڑھ کر چھین لیا جائے

 

جزاک اللہ۔

 

جزاک اللہ کافی اچھی شیئرنگ ہے آپ کی طرف سے۔۔۔ ہمیشہ ہم سے شیئر کرتے رہیں تمام اچھی باتیں۔۔۔ جزاک اللہ

 

بہت خوب موم بتی جی ۔
قرآن و سنت کی روشنی میں دنیائے تصوف میں استقامت و دوام علی الاعمال پر بہت زور دیا گیا ہے۔ عمل خواہ تعداد اور مقدار میں کم ہو لیکن اس میں ہمیشگی ، باقاعدگی، مستقل مزاجی اور دوام ہو تو وہ زیادہ باعثِ برکت ہے بہ نسبت کثیر لیکن بےقاعدہ اور کبھی کبھار کئے جانے والے اعمال کے۔

قرآن مجید میں بھی ایسے لوگوں کے لیے ارشاد فرمایا گیا کہ جو لوگ “ کہہ دیتے ہیں کہ اللہ ہمارا رب ہے (اللہ کی بڑائی، کبریائی اور شانوں کو مان لیتے ہیں) اور پھر اس پر استقامت اختیار کر لیتے ہیں۔ ایسے لوگوں پر اللہ تعالی کے فرشتے (رحمتوں اور برکتوں سمیت) اترتے ہیں۔

موم بتی جی ۔ اللہ تعالی آپ کو جزا عطا فرمائے۔ آمین

 

کسی نعت میں آقا حضور :saw: کے حسن وجمال کی بابت قطعہ سنا تھا۔ عرض ہے

حُسنِ سادہ کو سنورنے کی ضرورت کیا ہے
سادگی میں بھی اپنی اک ادا ہوتی ہے
تم جو آجاتے مسجد میں ادا کرنے نماز
یہ بھی سوچا ہے کہ کتنوں کی قضا ہوتی ہے؟​

 

اور یہ اقوال زریں پڑھ کر آپکو تو اضافے کی ترغیب نہیں ملی نا ؟ صرف مریم جی کی تعریفیں کر کے چل دیے :143:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا میں رہنا ہے تو ایک مسافر کی طرح رہ (شیخ عبدالقادر جیلانی رحمۃ اللہ)

 

شیر کی ایک دن کی زندگی ، گیدڑ کی سو سالہ زندگی سے بہتر ہے (ٹیپوسلطان)