لفظِ “وفا“ پر شعر کہیں

کیا مصلحت شناس تھا وہ آدمی قتیل
مجبوریوں کا جس نے وفا نام رکھ دیا

 

اک عمر کی جدائی میرے نصیب کر کے
وہ چلا گی اہے باتیں عجیب کر کے

طرز وفا کے اس کو میں کیا نام دوں
خود دور ہو گیا مجھ کو قریب کر کے

 

آندھی چلی تو نقشِ قفِ پا نہیں ملا
دل جس سے مل گیا وہ دوبارہ نہیں ملا
مہرو وفا کے دشت نوردو جواب دو
تم کو بھی وہ غزال ملا یا نہیں ملا

 

جواب: لفظِ “وفا“ پر شعر کہیں

اچھے اشعا رہیں

 

جواب: لفظِ “وفا“ پر شعر کہیں

کوئی ملا ہی نہیں جسے سزا دیتے
ہر کسی نے دھوکا دیا کس کس کو سزا دیتے

یہ ہمارا ظرف تھا کہ ہم خاموش رہے
ورنا داستاں سناتے تو محفل کو رلا دیتے

 

جواب: لفظِ “وفا“ پر شعر کہیں

یہ محرومی نہیں، پاسِ وفا ہے
کوئی تیرے سوا دیکھا نہ جائے


(فراز)

 

جواب: لفظِ “وفا“ پر شعر کہیں

وفا کرے کوئی ، جفا نہ کیا کر
اچھا نہیں لگتا ، ایسا نہ کیا کر
لازم نہیں ہر شخص ، ہماری ہی طرح ہو
ہر شخص پہ تو اتنا ، بھروسہ نہ کیا کر

 

جواب: لفظِ “وفا“ پر شعر کہیں

تو بے وفا نہیں ھے مگر بے وفائی کر
اس کی نظر میں رھنے کا کچھ سلسلہ بھی ہو

 

جواب: لفظِ “وفا“ پر شعر کہیں

آج ہم بھی تیری وفاؤں پر
مسکرائیں تو کیا تماشا ہو


ساغر صدیقی

 

جواب: لفظِ “وفا“ پر شعر کہیں

اس عہد میں‌ الہی محبت کو کیا ہوا
چھوڑا وفا کو ان نے مروت کو کیا ہوا
میر

 

جواب: لفظِ “وفا“ پر شعر کہیں

دل کے لیے دردبھی روز نیا چاہیئے
زندگی تو ہی بتا کیسے جیا چاہیئے
ہے یہی عین وفا دل نہ کسی کا دکھا
اپنے بھلے کے لیے سب کا بھلا چاہیئے

 

جواب: لفظِ “وفا“ پر شعر کہیں

راہِ وفا میں ہر سوکانٹے ، دھوپ زیادہ ، سائے کم
لیکن اس راہ پہ چلنے والے، خوش رہے، پچھتائے کم​

 

جواب: لفظِ “وفا“ پر شعر کہیں

جیا میں‌مدتوں اُس کے بنا یہ سوچ کر عاصم
کہیں ایسا نہ ہو میری وفا بدنام ہو جاءے

(امین عاصم)​

 

جواب: لفظِ “وفا“ پر شعر کہیں

مجھ سے وفا نہ کر کہ وفا مرگِ عشق ہے
مجھ کو فریب دے کہ محبت جواں رہے

 

جواب: لفظِ “وفا“ پر شعر کہیں

چاہا ہے اس کو روح کی گہرائیوں کے ساتھ
زندہ ہوں اپنی ذات کی تنہائیوں کے ساتھ
روکا نہیں تھا اس کو بچھڑنے کے وقت بھی
اپنی وفا پہ ناز ہے سچائیوں کے ساتھ

 

جواب: لفظِ “وفا“ پر شعر کہیں

محبت میں اُف کیا سے کیا ہو گئے ہم
خود اپنے سے جیسے جدا ہو گئے ہم

دمِ نزع بالیں پہ آنے کا حاصل
چلو اب ہٹو بھی ، خفا ہو گئے ہم

گراں ہے نزاکت پہ لفظِ تمنا
دھڑکتے دلوں کی صدا ہو گئے ہم

دمِ نزع بھی عشق رُسوا ہے توبہ
یہ لیجئے اب ان پہ فدا ہو گئے ہم

ارے جُرمِ اُلفت نے کیا کر دکھایا
خود اپنے کئے کی سزا ہو گئے ہم

اشاروں پہ چلنے لگے کسی اور کے
بڑے ہی نظر آشنا ہو گئے ہم

کہیں کیا بس اب آپ خود ہی سمجھ لیں
سراپا یہ لو التجا ہو گئے ہم

اثر ہے فُغاں میں نہ تاثیرِ غم میں
خود اپنے لئے بدعا ہو گئے ہم

بڑھی ہے غمِ ہجر سے اور چاہت
زمانہ یہ سمجھا جُدا ہو گئے ہم

وفاؤں کے بدلے جفا کرنے والے
ارے بے وفا باوفا ہو گئے ہم

نگاہِ محبت یہ کہتی ہے مخفی
سزا دیجئے پُر خطا ہو گئے ہم

 

جواب: لفظِ “وفا“ پر شعر کہیں

وفا کے وعدے وہ سارے بھلا گیا چپ چاپ
وہ میرے دل کی دیواریں ہلا گیا چپ چاپ۔۔۔

 

جواب: لفظِ “وفا“ پر شعر کہیں

یہ اپنی وفا کا علم ہے اب ان کی جفا کو کیا کہیئے!
اک نشتر زہر آگیں رکھ کر نزدیک رگ جاں بھول گئے

 

جواب: لفظِ “وفا“ پر شعر کہیں

میں بھی وفا سرشت ہوں پاس وفا تجھے بھی ہے
دونوں کھلی ہوئی کتاب شام بخیر شب بخیر

 

جواب: لفظِ “وفا“ پر شعر کہیں

وفا میں اب یہ ہنر اختیار کرنا ہے
وہ سچ کہے نہ کہے اعتبار کرنا ہے​

 

جواب: لفظِ “وفا“ پر شعر کہیں

ہم ہیں وفا کے عادی ہر دم وفا کریں گے
اک جان ہے جو باقی تم پر فدا کریں گے

 

جواب: لفظِ “وفا“ پر شعر کہیں

یہی کافی ہے ہم دشمن نہیں ہیں
وفا داری کا دعوٰی کیوں کریں ہم

 

جواب: لفظِ “وفا“ پر شعر کہیں

دکھ تو اس بات کا ہے ، عہدِ وفا ٹوٹ گیا
بے وفا کوئی سہی، تم نہ سہی، ہم ہی سہی