نئی بیت بازی

جواب: نئی بیت بازی

قریب آ مگر اتنا بھی اب قریب نہ آ
کہ عشق ترک مراسم کے دکھ اٹھا نہ سکے

 

جواب: نئی بیت بازی

یہ کیسا نشہ ہے، میں کس عجب خمار میں ہوں
تو آ کے جا بھی چکا ہے، میں انتظار میں ہوں

 

جواب: نئی بیت بازی

جو بھی بچھڑے ہیں کب ملے ہیں فراز
پھر بھی تو انتظار کر شاید​

 

جواب: نئی بیت بازی

کہیں وہ آ کے مٹا نہ دیں انتظارکا لطف
کہیں قبول نہ ہوجائے التجا میری

 

جواب: نئی بیت بازی

ہمتِ التجا نہیں باقی، ضبط کا حوصلہ نہیں باقی
اک تری دید چھن گئی مجھ سے، ورنہ دنیا میں کیا نہیں باقی

 

جواب: نئی بیت بازی

کسی کسی کو ہے اس التفات کا ادراک
وہ التفات کسی کے جو اجتناب میں‌ہے

 

جواب: نئی بیت بازی

جو
جو ہم پہ گذری سو گذری مگر شب ہجراں
ہمارے اشک تیری عاقبت سنوار چلے

 

جواب: نئی بیت بازی

اسے کہو کہ بہت نامراد شے ہے جنوں
اسے کہو کہ مجھے ہے بہت جنون اس کا

 

جواب: نئی بیت بازی

خدا کبھی نہ کرے غم سے ہمکنار تجھے
دعا دیتا ہے میرا دل یہ بار بار تجھے

 

جواب: نئی بیت بازی

دیکھتے ہم بھی کہ آرام سے سوتے کیوں کر
نہ سنا تم نے کبھی ہائے فسانہ دل کا

 

جواب: نئی بیت بازی

وہ جو گیت تم نے سنا نہیں میری عمر بھر کا ریاض تھا
میرے درد کی تھی وہ داستاں جسے تم ہنسی میں اڑا گئے

 

جواب: نئی بیت بازی

درد کا اس لئے احساس نہیں ہے تجھ کو
تو نے دیکھا نہیں عالم شب تنہائی کا

 

جواب: نئی بیت بازی

تجھ کو احساس ہی کب ہے کہ کسی درد کا داٍغ
آنکھ سے دل میں اتر جائے تو کیا ہوتا ہے
تو کہ سیماب طبیعت ہے تجھے کیا معلوم
موسمِ ہجر ٹھہر جائے تو کیا ہوتا ہے

 

جواب: نئی بیت بازی

کیوں طبیعت کہیں ٹھہرتی نہیں
دوستی تو اداس کرتی نہیں

 

جواب: نئی بیت بازی

عجیب رت تھی کہ ہر چند پاس تھا وہ بھی
بہت ملول تھا میں بھی ،اداس تھا وہ بھی

 

جواب: نئی بیت بازی

اداسی کام اپنا کر گئی ہے
تجھے پانے کی حسرت مر گئی ہے

 

جواب: نئی بیت بازی

ہے یہ حسرت کبھی تو بھی گلہ کر مجھ سے
نفرتوں سے ہی سہی،کچھ تو کہا کر مجھ سے
مجھے دیکھ ،میں ہوں تیری انا ، تیری حیا
بات کر دوست مگر آنکھ ملا کر مجھ سے

 

جواب: نئی بیت بازی

مر جائے اگر انسان تو بڑھ جاتی ہے قیمت
زندہ رہے تو جینے کی سزا دیتی ہے دنیا