نئی بیت بازی

رنجش ہی سہی، دل ہی دکھانے کے لیے
آ پھر سے مجھے چھوڑ کے جانے کیلئے آ

 

کیسے کہہ دوں کہ مجھے چھوڑ دیا ہے اس نے
بات تو سچ ہے مگر بات ہے رسوائی کی

 

وہ باتیں تیری وہ فسانے تیرے
شگفتہ شگفتہ بہانے تیرے

 

فرض کرو ہم اہل وفا ہوں فرض کرو دیوانے ہوں
فرض کرو یہ دونوں باتیں جھوٹی ہوں افسانےہوں

 

فرض کرو ہم اہلِ وفا ہوں، فرض کرو دیوانے ہوں
فرض کرو یہ دونوں باتیں جھوٹی ہوں افسانے ہوں

فرض کرو یہ جی کی بپتا جی سے جوڑ سنائی ہو
فرض کرو ابھی اور ہو اتنی،آدھی ہم نے چھپائی ہو

فرض کرو تمھیں خوش کرنے کے ڈھونڈے ہم نے بہانے ہوں
فرض کرو یہ نین تمھارے سچ مچ کے میخانے ہوں

فرض کرو یہ روگ ہو جھوٹا، جھوٹی پیت ہماری ہو
فرض کرو اس پیت کے روگ میں سانس بھی ہم پہ بھاری ہو

فرض کرو یہ جوگ بجوگ کا ہم نے ڈھونگ رچایا ہو
فرض کرو بس یہی حقیقت، باقی سب کچھ مایا ہو۔

 

یہ باتیں جھوٹی باتیں ہیں یہ لوگوں نے پھیلائی ہیں
تم انشاء جی کا نام نہ لو کیا انشاء جی ہرجائی ہیں؟

 

تم اتنا جو مسکرا رہے ہو
کیا غم ہے جس کو چھپا رہے ہو
آنکھوں میں نمی ہنسی لبوں پر
کیا حال ہے کیا دکھا رہے ہو

 

[align=justify:1qrk7xk0]بھولے سے مسکرا تو دیے تھے وہ آج فیض
مت پوچھ ولولے دلِ ناکردہ کار کے[/align:1qrk7xk0]

 

سو بار چمن مہکا سو بار بہار آئی
دنیا کی وہی رونق دل کی وہی تنہائی
اک لخطہ بہے آنسو اک لخطہ ہنسی آئی
سیکھے ہیں نئے دل نے اندازِ شکیبائی
یہ رات کی خاموشی یہ عالمِ تنہائی
پھر درد اٹھا دل میں پھر یاد تیری آئی

 

یہ دنیا غم تو دیتی ہے شریکِ غم نہیں‌ہوتی
کسی کے دور جانے سے محبت کم نہیں ہوتی

 

کررہا تھا غم جہاں کا حسا ب
آ ج تم یا د بے حسا ب آ ئے

 

آج دور سے ھی کوئی سلام کر گیا
اپنی ہجر کی یادوں کا غلام کر گیا
اپنی زندگی گروی رکھ کر خریدا تھا جسے
آج وہ ھی ھمیں سر عام نیلام کر گیا

 

میری صبح تیرے سلام سے میری شام تیرے نام سے
تیرے در کو چھوڑ کے جاؤں گا یہ خیال دل سے نکال دے

 

عنوان عشق ہر دلٍ کتاب میں نہیں
یہ وہ خوشبو ھے کہ ہر گلاب میں نہیں
وہ سوال نہ میرے سوالوں میں کبھی آیا
وہ جواب بھی اس کے جواب میں نہیں

 

وہ تو خوشبو ہے ہواؤں میں بکھر جائے گا
مسئلہ پھول کا ہے، پھول کدھر جائے گا

 

اِس جھيل کنارے پل دو پل
اک خواب کا نيلا پھول کِھلے
وہ پھول بہا ديں لہروں ميں
اک روز کبھی ہم شام ڈَھلے
اس پھول کے بہتے رنگوں ميں
جس وقت لرزتا چاند چلے

 

وہ غزل والوں کا اسلوب سمجھتے ہوں گے
چاند کہتے ہیں کسے خوب سمجھتے ہوں گے

 

شب بیتی چاند بھی ڈوب چلا، زنجیر پڑی دروازے پے
کیوں دیر گئے گھر آئے ہو، سجنی سے کرو گے بہانہ کیا

 

یونہی بے سبب نہ پھرا کرو کوئی شام گھر بھی رہا کرو
وہ غزل کی سچی کتاب ہے،اسے چپکے چپکے پڑھا کرو

 

یہ باتیں جھوٹی باتیں ہیں یہ لوگوں نے پھیلائی ہیں
تم مریم جی کا نام نہ لو ، کیا مریم جی سودائی ہیں

 

بجھ گئی وہ شمع جو مقصودِ ہر پراوانہ تھا
اب کوئی سودائیء سوزِ تمام آیا تو کیا !

علامہ محمد اقبال ​

 

بزمِ خیال میں ترے حسن کی شمع جل گئی
درد کا چاند بجھ گیا، ہجر کی رات ڈھل گئی

 

طولِ شبِ فراق سے گھبرا نہ اے جگر
ایسی بھی کوئی رات ہے جس کی سحر نہ ہو

 

اُجالا کہہ رہا ہے تم یہاں تھے
یہاں تو دور تک کوئی نہیں ہے
ہے بس اک لامکاں آباد مجھ میں
مکاں تو دور تک کوئی نہیں‌ ہے