نئی بیت بازی - حصہ دوم

کچھ ایسے بھی ہیں تہی دست و بے نوا جن سے
مِلائیں ہاتھ تو خوشبو نہ ہاتھ کی جائے
~~~~~
خوشبو

 

وہ تو خوشبو ہے ہوائوں میں اتر جائے گا
مسئلہ پھول کا ہے پھول کدھر جائے گا
ہم تو سمجھے تھے کہ اک زخم ہے بھر جائے گا
کیا خبر تھی کہ رگ جاں میں اتر جائے گا

 

روش روش پہ ہیں نکہت فشاں گُلاب کے پھول
حسیں گلاب کے پھول، ارغواں گُلاب کے پھول

اُفق اُفق پہ زمانوں کی دُھند سے اُبھرے
طیور، نغمے، ندی، تتلیاں، گلاب کے پھول

کس انہماک سے بیٹھی کشید کرتی ہے
عروسِ گُل بہ قبائے جہاں، گلاب کے پھول

 

آج بھی شاید کوئی پھولوں کا تحفہ بھیج دے
تتلیاں منڈلا رہی ہیں کانچ کے گلدان پر ​

 

کیا دیتے کسی کو مسکراہٹ ہم اپنے اشکوں سے زار زار تھے
کیا دیتے کسی کو زندگی کا تحفہ ہم تو اپنی موت سے بیزار تھے

 

یاد ایام کہ ایک محفل جاں تھی کہ جہاں
ہاتھ کھینچے بھی گئے اور ملائے بھی گئے

 

یہ جس کے قہقہے تم سن رہے ہو
کسی صدمے سے پاگل ہو گیا ہے ​

 

یہ مہر و ماہ بھی آخر کو ڈوب جاتے ہیں
ہمارے ساتھ کسی کا یہاں گذارا نہیں ۔ ۔ ۔

 

نہیں ہے ہمارا حال کچھ تمھارے حال سے مختلف
تم یاد کرتے ھو اور ہم بھول ہی نہیں پاتے

 

یہ بات ابھی مجھ کو بھی معلوم نہیں ہے
پتھر ادھر آتے ہیں-ادھر کیوں نہیں جاتے​

 

یہ نصیب ہی ہے جو جس کے بھی گھر گیا
کسی کو ملے پتھر تو کوئی کانٹوں سے بھر گیا

 

کانٹوں سے دل لگاؤ جو تا عمر ساتھ دیں
پھولوں کا کیا جو سانس کی گرمی نہ سہ سکیں

 

نظر آئے تو اسے دیکھتے رہنا کہ وہ شخص
خواب ہے اور مکرر نہیں ہونے والا​

 

ایک لمحے کو تم ملے تھے مگر
عمر بھر دل کو ہم مسلتے رہے

 

یوں ہی موسم کی ادا دیکھ کے یاد آیا ہے
کس قدر جلد بدل جاتے ہیں انساں جاناں​

 

دل یہ کہتا ہے کہ شاید ہو فسردہ تو بھی
دل کی کیا بات کریں دل تو ہے ناداں جاناں

 

وہ بات سارے فسانے میں جس کا ذکر نہ تھا
وہ بات ان کو بہت نا گوار گزری ہے

 

یار خوش ہیں کہ انہیں جامۂ احرام ملا
لوگ ہنستے ہیں کہ قامت سے زیادہ پہنا
(احمد فراز)

 

امنگوں کو مٹا دینا الگ اک بات ہے لیکن
نفی کرنا خو د ا پنی ذات کی دشوار ہوتا ہے

دشوار

 

یار خوش ہیں کہ انہیں جامۂ احرام ملا
لوگ ہنستے ہیں کہ قامت سے زیادہ پہنا
(احمد فراز)

 

ایک ویرانہ ہے ، قبریں ہیں ، خموشی ہے مگر
دل یہ کہتا ہے کہ کچھ لوگ یہاں سنتے ہیں

 

نازکی اس کے لب کی کیا کہیے
پنکھڑی اک گلاب کی سی ہے
(میر تقی میر)

 

یہ ہم جو ہجر میں دیوار و در کو دیکھتے ہیں
کبھی صبا کو کبھی نامہ بر کو دیکھتے ہیں

 

ناحق ہم مجبوروں پر یہ تہمت ہے مختاری کی
چاہتے ہیں سو آپ کریں ہیں ہم کو عبث بدنام کیا
(میر تقی میر)

 

ایک وحشت سے کسی دوسری وحشت کی طرف
اب کے پھر کی ہے کوئی نقل مکانی دل نے

عدیم ہاشمی

 

یارو مجھے معاف رکھو میں نشے میں ہوں
اب دو تو جام خالی ہی دو میں نشے میں ہوں
(میر تقی میر)

 

نظر جو آئے تو جی چاہے چوم لیں ناظرؔ
قدم قدم پہ اُسی نقشِ پا کی بات کرو

عبداللہ ناظر

 

وہ زانوؤں میں سینہ چھپانا سمٹ کے ہائے
اور پھر سنبھالنا وہ دوپٹہ چھڑا کے ہاتھ
(نظام رامپوری)