نئی بیت بازی - حصہ دوم

ناصح کو بلاو میرا ایمان سنبھالے
پھر دیکھ لیا اس نے شرارت کی نظر سے
حفیظ جالندھری

 

قربتوں میں بھی جدائی کے زمانے مانگے
دل وہ بے مہر کہ رونے کے بہانے مانگے

 

عشق کی تہمت جب نہ ہوئی تھی کاہیکو ایسی شہرت ہے
شہر میں اب رسوا ہیں یعنی بدنامی سے کام کیا

 

تجھ کو پا کر بھی نہ کم ہوئی بےتابیء دل
اتنا آساں تیرے عشق کا غم تھا ہی نہیں

 

ایسا آسان نہیں لہو رونا!
دل میں طاقت، جگر میں حال کہاں

 

بنتی جاتی ہیں گُہر کتنی ہی بُھولی یادیں
یہ میرا دل ہے کہ اک صدف لبِ دریا

 

اک اور دریا کا سامنا تھا منیر مجھ کو
میں ایک دریا کے پار اُترا تو میں نے دیکھا

 

خیال و خواب میں دیور و در بناتے ہوئے
ہمیں تو عمر لگی اک گھر بناتے ہوئے
عذابِ دشت نوردی کا سامنا ہے مجھے
سو، ڈر رہا ہوں‌تجھے ہم سفر بناتے ہوئے

 

جہاں میں ہوں وہیں آواز دینا جرم ٹھہرا ہے
جہاں وہ ہے وہاں تک پاؤں کی آہٹ نہیں جاتی

 

نہ حریفِ جاں نہ شریکِ غم شبِ انتظار کوئی تو ہو
کسے بزمِ شوق میں لائیں ہم دلِ بے قرار کوئی تو ہو

 

ایک لگی کے دو ہیں اثر اور دونوں حسبِ مراتب ہیں
لو جو لگائے شمع کھڑی ہے ، رقص میں ہے پروانہ بھی
آرزو لکھنوی

 

ایسی تاریکیاں‌ آنکھوں میں بسی ہیں فراز
رات تو رات ہمیں دن کو بھی دِکھتے ہیں چراغ

 

میرا خیال ہے میں خود ہی لکھ دوں اور کسی نے تو ادھر کا رخ نہیں کیا
بوئے گل، نالۂ دل، دودِ چراغِ محفل
جو تری بزم سے نکلا، سو پریشاں نکلا
غالب

 

شکوہء ظلمتِ شب سے تو کہیں بہتر تھا
اپنے حصے کی اک شمع جلا تے جاتے

 

حلیفِ ظلمتِ شبِ تار ہم نہیں ہونگے
سحر سے برسرِ پیکار ہم نہیں ہونگے

 

اپنے مشقِ ستم سے ہاتھ نہ کھینچ
میں نہیں یا وفا نہیں باقی
ترے چشمِ عالم نواز کی خیر
دل میں کوئئ گلہ نہیں باقی

 

کن نیندوں اب تو سوتی ہے اے چشمِ گریہ ناک
مژگاں تو کھول شہر کو سیلاب لے گیا

 

تنہا راتوں میں بہ چشم ِ نم جیتے ہیں
تیرے فراق کے موسم میں ہم جیتے ہیں

 

قاصد کو اپنے ہاتھ سے گردن نہ ماریے
اس کی خطا نہیں ہے یہ میرا قصور تھا
غالب