میں‌اس فورم کو چھوڑ‌کر جا رہا ہوں

محترم دوستوں
اس فارم پر بہت امیدوں‌کے ساتھ آیا تھا، لیکن کچھ خاص‌حاصل نہ ہو سکا اور نہ کوئی امید ہے۔ فارم پر صرف وقت گذاری کی چیزیں‌ہیں۔ غیر ضروری عنوانات کے تحت گفتگو کی جاتی ہے۔ "جانے سے خدا حافظ‌کہیں" "ی ہ و بات سے بات نکالیں‌ ،،،،،،،،،،،،، الٹی الف ب پ " الف-ب-ت-پ-۔۔۔ی کے لحاظ سے بات سے بات نکالیں" یہ سب کیا ہے؟؟؟؟ ان سے ہمیں‌کیا حاصل ہوگا؟؟؟؟ نئی معلومات یا علم و ادب کے تعلق سے خاطر خواہ کوششیں‌نہیں‌کی جاتی ہیں۔ اردو کے صارفین تو ویسے بھی بہت کم ہیں‌اور جو ہیں‌بھی انہیں‌جب اردو میں‌اپنے کام کی چیزیں‌نہیں‌ملتی تو وہ انگریزی زبان کی سائیٹس کا رخ‌کرتے ہیں۔ ہم اردو والوں‌کی ذمہ داری ہے کہ ہم نئی نئی چیزوں‌سے لوگوں‌کو روشناس کرائیں۔

بہر حال، یہ فارم بھی میری توقعات پر پورا نہیں‌اُترا، معذرت کے ساتھ میں‌آپ تمام دوستوں‌سے اجازت چاہتا ہوں۔ دعائوں‌میں‌یاد رکھیے گا اور اگر کچھ عرض‌کرنا ہو تو برائے مہربانی میری آئی ڈی پر رابطہ کیجیے گا
والسلام
کامران غنی
kmrnghn@yahoo.com

 

جواب: میں‌اس فارم کو چھوڑ‌کر جا رہا ہوں

کامران بھائی ڈھونڈنے سے وہ سب کچھ آپ کو مل جاتا جس کی آپ کوتلاش تھی ،سرسری نظر نہیں بلکہ عمیق نظر سے جائزہ لیتے تو شاید شکوہ نہ کرتے،باقی گپ شپ سے تو دل بہلتا رہتاہے اس لیے اس کے کافی سارے دھاگے آپ کو نظر آئے

یہ آپ نے صحیح نہیں لکھا ۔ آپ کو یہ لکھنا چاہیے تھا کہ میں اس فورم کی توقعات پر نہیں اترسکا
میری دعا ہے کہ آپ جہاں رہیں خوش رہیں
یہ فورمز تو اردودان طبقے کے لیے ایک گھر کے مانند ہوتے ہیں
کوئی آتا رہا کوئی جاتا رہا عشق اپنا کام کرتا ہی رہا

 

جواب: میں‌اس فارم کو چھوڑ‌کر جا رہا ہوں

شکوہءظلمتِ شب سے تو کہیں بہتر تھا
اپنے حصے کی کوئی شمع جلاتے جاتے ​

 

جواب: میں‌اس فارم کو چھوڑ‌کر جا رہا ہوں

کامران غنی جی امید ہے آپ سب دوستوں کی باتوں پر غور فرماتے ہوئے اپنا فیصلہ تبدیل کرنے کے بارے میں سوچیں گے۔

 

جواب: میں‌اس فارم کو چھوڑ‌کر جا رہا ہوں

کامران جی،!!!!
ہمیں تو آپ سے بہت امیدیں تھیں، کہ ہم بھی کچھ آپ کی شئیرنگ سے استفادہ حاصل کرسکیں گے، لیکن آپ نے افسوس دو لفظ کہہ کر ہماری امیدوں پر پانی پھیر دیا، یہ ہماری اردو ادب کی پیاری محفل ہر ایک کیلئے ہے، جس میں سنجیدہ لوگ بھی ہیں، گپ شپ لگانے کے شوقین حضرات بھی اپنی شوخیوں کو لئے اس محفل میں آتے ہیں، ادبی شعراء حضرات بھی ہیں، پایہ کے کمال لکھنے والے بھی ہیں اور مجھ جیسے عام سادہ لوگوں کے خیالات کو سمجھ کر لکھنے والے بھی ہیں،!!! یہ ہماری ایک خوبصورت سی عام محفل ہے، جہاں ہم سب مل کر ایک دوسرے کے دکھ درد بانٹنے کی کوشش کرتے ہیں، ھنسی مذاق کے ساتھ سنجیدہ گفتگو بھی ہوتی ہے، ہر مسلے مسائل، مذہبی سیاسی پر بھی خاصی اچھے ماحول میں بحث بھی جاری رہتی ہے،!!!!

میں سمجھتا ہوں کہ ہماری اس اردو کی پیاری محفل میں ہر ذوق رکھنے والے کیلئے ان کے مطلب کے مطابق تمام تحریریں ملیں گی، بس ایک اپنی نظر کرم ڈال کر تو دیکھئے،!!!!! امید ہے کہ آپ اپنے فیصلے پر نظر ثانی ضرور فرمائیں گے، اور ہمیں آپ اپنی مفید اور کارآمد اقتباسات سے نواز کر ہمیں کچھ آپ سے سیکھنے کا موقعہ ضرور عنایت کریں گے،!!!!!

بہت شکریہ، خوش رہیں،!!!!

 

جواب: میں‌اس فورم کو چھوڑ‌کر جا رہا ہوں

آپ تمام احباب کی محبتوں‌کی قدر کرتا ہوں، یہ آپ کی محبت ہی ہے کہ میری خاطر آپ نے اپنی انگلیوں کو کی بور‌ڈپر جنبش دی۔ مجھے تکلیف صرف اس بات کی ہوئی کہ میں‌نے اس فارم سے بہت توقعات وابستہ کر لیں‌تھیں لیکن مجھے کچھ خاص‌حاصل نہیں‌ہوا اور نہ ہی کوئی امید نظر آئی۔ میں‌اس بات کا اعتراف کرتا ہوں‌کہ اس فارم پر کئی ٹاپکس معلومات افزا ہیں لیکن زیادہ تر ٹاپکس غیر ضروری اور محض‌وقت گزاری کا سامان ہیں۔ مجھے اس بات کا بھی اعتراف ہے کہ اس فارم کے ممبران مخلص اور اخلاق مند ہیں لیکن ان سب کے ہونے کے باوجود ایک طالب علم کی حیثیت سے اس فارم پر سیکھنے سکھانے کا عمل نہیں‌کے برابر ہے۔

آپ کے مسلسل اصرار کے بعد میں‌نے اپنا فیصلہ واپس لے لیا ہے، میں‌انشاء اللہ اپنے طور پر جو کچھ ہو سکے گا کرنے کی کوشش کروں‌گا۔ میرے اس فیصلے سے آپ احباب کو جو تکلیف ہوئی اس کے لیے معذرت خواہ ہوں۔
کامران غنی

 

جواب: میں‌اس فورم کو چھوڑ‌کر جا رہا ہوں

ہمارے خلوص کا جواب خلوص سے دینے کےلیے بہت شکریہ سید کامران غنی بھائی ۔ جزاک اللہ
اب یوں کریں کہ سیکھنے سکھانے کے عمل کے لیے کچھ ابتدائیہ اقدامات کی تجویز دیں‌تاکہ یہ کمی پوری کی جاسکے۔ شکریہ

 

جواب: میں‌اس فورم کو چھوڑ‌کر جا رہا ہوں

میں سلمان غنی سے جزوی طور پر متفق ہوں لیکن یہ بات صحیح نہیں کہ میں فورم چھوڑ کر جارہا ہوں۔ کسی فورم کو جوائن کرنا یا چھوڑنا ہر شخص کا اختیار ہے لیکن بہتر یہی ہے کہ نت نئی تجاویز دی جائیں کہ فورم کو مزید بہتر کیسے کیا جاسکتا ہے۔ کیا کیا نئ چیزیں ہونی چاہئیں۔

ہر شخص کی اپنی پسند ہوتی ہے کوئی اردو ادب پسند کرتا ہے تو کوئی سائنس، کوئی لطائف پسند کرتا ہے اور میرے جیسا بندہ سیاست کو۔کوئی مذہبی مضامین پسند کرتا ہے توکوئی سپورٹس کو۔

اگر فورم کو کھنگالیں تو بہت سا اپنی پسند کا مواد مل سکتا ہے
اس فورم پر 1,434 ممبران ہیں۔ میں سمجھتا ہوں کہ اگر ایک ممبر دو تین ماہ میں ایک آدھی شئیرنگ اپنی پسند کی کردیں تو نہ صرف مواد بڑھ سکتا ہے بلکہ فورم مزید دلچسپی کا باعث بنے گا۔

 

جواب: میں‌اس فورم کو چھوڑ‌کر جا رہا ہوں

راشد بھائی اور بزم خیال بھائی دونوں سے اتفاق کرتاہوں
فورم کی ترقی و ترویج کے لیے بہتررین اقدامات کے حوالے سےاپنی اچھی تجاویز دینی چاہیں
اور پھر انتظامیہ کا فرض ہے کہ بغور جائزہ لیکر اچھے اور مثبت پہلو اور تجویز کا خیر مقدم کرتے ہوئے عملی اقدامات کیے جائیں