معراجِ حُضور ﷺ (۱۳۲۸ھ)، کلام الامام و امام الکلام بمعہ تضمین

29
وہ گرم حُسنِ حبیبِ داور ، کہ سرد ہوجس سے مہرِ محشر
تو پھر کہاں تابِ ماہ و اختر ، کہ چمکیں پیشِ رخِ منور
کمال پر تھا جمالِ سرور ، عیاں تھی شانِ جمیلِ اکبر

نقاب اُلٹے وہ مہرِ انور ، جلالِ رُخسار گرمیوں پر​

فلک کو ہیبت سے تپ چڑھی تھی ، تپکتے انجُم کے آبلے تھے​

 

30
وہ عالمِ نور سر بسر تھا ، یہاں وہاں تھا اِدھر اُدھر تھا
نہ منزلوں تک وہاں قمر تھا ، نہ تابشِ مہر کا گذر تھا
فقط وہی چاند جلوہ گر تھا ، وہی یَمِ نور جوش پر تھا

یہ جوششِ نور کا اثر تھا ، کہ آبِ گوہر کمر کمرتھا​

صفائے رہ سے پھسل پھسل کر ، ستارے قدموں پہ لوٹتے تھے​

 

31
بڑھے جو آگے کو اور حضرت ، تو بڑھ گیااشتیاقِ قربت
چلی کچھ ایسی ہوائے الفت ، بھڑک گئی آتشِ محبت
ہوا جو گرمی پہ شوقِ خلوت ، برس گیا گھر کے ابرِ رحمت

بڑھا یہ لہرا کے بحرِ وحدت ، کہ دُھل گیا نامِ ریگِ کثرت​

فلک کے ٹِیلوں کی کیا حقیقت ، یہ عرش و کرسی دو بلبلےتھے​

 

32
خدا کے پیارے نبی ہمارے ، کیا ہے بےمثل جن کو حق نے
وہ حُسن یکتا دکھاتے جاتے ، کہ جس پہ دونوں جہان صدقے
جمے تھے وحدت کے رنگ ایسے ، کہ تھے بہم روز و شب کے نقشے

وہ ظلِ رحمت وہ رُخ کے جلوے ، کہ تارے چُھپتے نہ کِھلنے پاتے​

سنہری زر بفت اُودی اطلس یہ تھان سب دُھوپ چھاؤں کے تھے​

 

33
جدھرسے نکلا وہ جانِ جاناں ، قدم قدم پر کھلے گلستاں
بڑھی تھی یہ جوششِ بہاراں ، بنے تھے اَفلاک رشکِ بُستاں
عروج پر تھا ابھی وہ ذی شاں ، کہاں یہ گلشن تھے اس کےشایاں

چلا وہ سروچماں خراماں ، نہ رُک سکا سدرہ سے بھی داماں​

پلک جھپکتی رہی وہ کب کے سب اِین و آں سے گُذر چُکے تھے​

 

34
خوشی میں تھے منتظر فدائی ، کہ شکل تقدیر نے دکھائی
سرِ گذر گاہ صف جمائی ، مگر نہ امیدِ دل بر آئی
نہ پاس تک ہوسکی رسائی ، نہ آنکھ تابِ نظارہ لائی

جَھلک سی اک قُدسیوں پر آئی ، ہوا بھی دامن کی پِھر نہ پائی​

سُواری دُولھا کی دور پہنچی ، برات میں ہوش ہی گئے تھے​

 

35
چلے جو ہم رکاب خوش خو ، رکاب تھامے بہ طرزِ نیکو
بہت چلے کی بہت تگ و پُو ، نہ چل سکا پھر بھی ان کا قابو
مجالِ جنبش نہ تھی سرِ مو ، رواں تھے آنکھوں سے غم کےآنسو

تھکے تھے رُوحُ الاَمیں کے بازو ، چُھٹا وہ دامن کہاں وہ پہلو​

رِکاب چُھوٹی اُمید ٹُوٹی ، نِگاہِ حسرت کے ولولے تھے​

 

36
کسی نے اب تک اِسے نہ جانا ، کہ اُن کاجانا تھا کیسا جانا
نہ عقلِ کامل نے اِس کو سمجھا، نہ وہم ظنّ و گماں میں گذرا
رسائی عقل و وہم ہو کیا ، کہ فکر کی تاب کون لاتا

روِش کی گرمی کو جس نے سوچا ، دِماغ سے اک بَھبُوکا پُھوٹا​

خِرد کے جنگل میں پھُول چمکا ،دَہر دَہر پیڑ جل رہے تھے​

 

37
مجال کس کی جو کوئی سوچے ، دماغ کس کاجو کوئی سمجھے
اُڑے تھے فہم و خرد کے طوطے ، حواس کے پڑ گئے تھے لالے
ہوئے تھے عاجز جب اونچے اونچے ، تو ہوں رسا اور ہوش کس کے

جِلو میں جو مرغِ عقل اُڑے تھے ، عجب بُرے حالوں گِرتے پڑتے​

وہ سدرہ ہی پر رہے تھے تھک کر ، چَڑھا تھا دَم تَیوَرآگئے تھے​

 

38
سمجھ میں آئے یہ بھید کیوں کر ، کہ ہےقیاسِ خرد سے باہر
نہ کھائے کیوں مرغِ عقل چکّر ، کہ ہے یہاں عقلِ کل بھی ششدر
جو تھےاولی الاجنحہ موقر ، وہ پہلے ہی گر چکے تھے تھک کر

قوی تھے مرغانِ وَہم کے پر ، اُڑے تو اُڑنے کواور دَم بھر​

اُٹھائی سینے کی ایسی ٹھوکر ، کہ خُونِ اندیشہ تُھوکتےتھے​

 

39
ملائکہ ایک دوسرے سے ، نویدِ وصلِ حضورکہتے
کہ آج ارمان ہوں گے پورے ، گریں گے قدموں پہ سب سے پہلے
یہاں یہ ہوہی رہے تھے چرچے ، کہ خود بدولت قریب پہنچے

سُنا یہ اِتنے میں عرشِ حق نے ، کہ لے مبارک ہوتاج والے​

وہی قدم خیر سے پھر آئے ، جو پہلے تاجِ شرَف تِرے تھے​

 

40
وہی ہیں یہ جن کی شانِ والا ، سوا خداکے کوئی نہ سمجھا
انھیں کی نعلین کا ہے صدقا ، جو تو نے عزو وقار پایا
پھر آج تیرا نصیب چمکا ، کہ وہ ہوئے تجھ پہ جلوہ فرما

یہ سُن کے بے خُود پُکار اُٹھا ، نِثار جاؤں کہاں ہیں آقا​

پھر اُن کے تلووں کا پاؤں بوسہ ، یہ میری آنکھوں کے دن پِھرے تھے​

 

41
جو اپنی آنکھوں سے دیکھا بھالا ، فراق کے درد و غم کو ٹالا
چلا کچھ ایسا چلن نرالا ، قدم پہ گر گر کے دل سنبھالا
مِلا جو دیدارِ شاہِ والا ، تو خوب ارمانِ دل نکالا

جُھکا تھا مجُرے کو عرشِ اَعلیٰ ، گرے تھے سجدےمیں بزمِ بالا​

یہ آنکھیں قدموں سے مل رہا تھا ، وہ گرد قُربان ہورہےتھے​

 

42
فروغِ حُسنِ خجستہ آئیں ، ترقیاں جس نے ایسی پائیں
کہ آنکھیں یک لخت چوندھیائیں ، نگاہیں تابِ نظر نہ لائیں
وہ مشعلیں نور کی جلائیں ، تجلیاں طور کی دکھائیں

ضِیائیں کچھ عرش پر یہ آئیں ، کہ ساری قندِیلیں جِھلمِلائیں​

حُضورِ خُورشید کیا چمکتے ، چَراغ مُنھ اپنا دیکھتے تھے​

 

43
ملائکہ نے جو دیکھی فرصت ، سمجھ کہ اس وقت کو غنیمت
بڑھائی یوں خوب اپنی عزت ، کہ سب ادا کیں رسومِ خدمت
کوئی سناتا ثنا و مدحت ، کسی کے لب پر دعائےدولت

یہی سَماں تھا کہ پیکِ رَحمت ، خبر یہ لایا کہ چلیے حضرت​

تُمہاری خاطر کشادہ ہیں جو ، کَلیم پر بند راستے تھے​

 

44
یہی ہے وقت حصولِ مقصد ، خدا ہے خودخواستگارِ آمد
وصال کا شوق ہے جو بے حد ، تو حکم پر حکم ہے مؤکد
طلب پہ تاکید کدپہ ہے کد ، کہ جلد آ اے شہ مویّد

بڑھ اے محمد ﷺقَریں ہو احمد ، قریب آ سَروَرِمُمَجَّد​

نثار جاؤں یہ کیا نِدا تھی ، یہ کیا سماں تھا یہ کیامزے تھے​

 

45
کبھی ہے مقصود پردہ داری ، کبھی ہے حدکی یہ بے حجابی
کسی کو حسرت رہی لقا کی ، کسی سے اظہارِ خود نمائی
نئی ادا ہر جگہ نکالی ، ہیں تیری نیرنگیاں نرالی

تَبَارَکَ اللہ شان تیری ، تُجھی کو زیبا ہے بےنِیازی​

کہیں تو وہ جوشِ لَن تَرَانِی ، کہیں تقاضے وِصال کے تھے​

 

46
نظر کہیں کچھ نہ دیکھے بھالے ، دہن بھی مہرِ ادب لگالے
ذرا طبیعت کو دل سنبھالے ، کہ اب یہاں بے خودی مزا لے
دماغ ہوش و حواس ٹالے ، قیاس و اوہام کو نکالے

خِرد سے کہہ دو کہ سر جھُکا لے ، گُماں سے گُذرےگُذرنے والے​

پڑے ہیں یاں خُود جِہَت کو لالے ، کِسے بتائے کدھر گئےتھے​

 

47
زمیں کہاں تھی سما کہاں تھا ،بتائیں کیا راستہ کہاں تھا
وہ رہرو و رہنما کہاں تھا ، کہاں سے آیا گیا کہاں تھا
وہاں کسی کا پتا کہاں کہا تھا ، سواے حق ماسوا کہاں تھا

سراغِ اَین و متیٰ کہاں تھا ،نِشانِ کَیف و اِلیٰ کہاں تھا​

نہ کوئی راہی نہ کوئی ساتھی، نہ سنگِ منزل نہ مرحَلےتھے​

 

48
اُدھر سے شانِ کرم دِکھانا ،اِدھر سرِبندگی جھکانا
اُدھر سے پیغامِ لطف پانا ،اِدھر ثنا و صفت سُنانا
اُدھر سے تعجیل کا بُلانا ، اِدھر لحاظ و ادب سے جانا

اُدھر سے پیہم تقاضے آنا ، اِدھر تھا مشکل قدم بڑھانا​

جلال و ہیبت کا سامنا تھا ، جمال و رحمت اُبھارتے تھے​

 

49
نہ ایسی حالت جو دل کو روئے ، نہ اتنی جرأت کہ پاؤں اُٹھتے
اگر ٹھہرتے تو کیوں ٹھہرتے ، جو آگے بڑھتے تو کیا ہی بڑھتے
بڑھائی ہمت جو شوقِ دل نے ، تو شاہِ والاکچھ اور آگے

بَڑھے تو لیکن جِھجکتے ڈرتے ، حیا سے جھکتے ادب سے رُکتے​

جو قُرب انھیں کی رَوِش پہ رکھتے ، تو لاکھوں منزل کےفاصلے تھے​

 

50
جوحال رفتار کا یہ پایا ، تو اُس طرف سے ہوا اشارا
یہ جذبِ اُلفت سے کام نکلا ، کہ اُس نے زورِ کشش دکھایا
کہاں وہ بڑھنا کہاں بڑھانا ، روش میں کیوں کر نہ فرق آتا

پر اُن کا بڑھنا تو نام کو تھا ، حقیقتہً فِعل تھااُدھر کا​

تنزلوں میں ترقی افزا ، دنا تدلیٰ کے سلسلے تھے​

 

51
بڑھانا کس کا کہاں کا بڑھنا، سب اُس کی قدرت کا تھا تماشا
بشر کا دنیا سے تھا یہ آنا ، تو کچھ سبب ظاہری بھی ہوتا
وہاں کسی شَے کی تھی کمی کیا ، جو اُس نے چاہا ہوا مہیّا

ہوا نہ آخر کو ایک بَجرا ، تموُّجِ بحرِ ہُو میں اُبھرا​

دنٰی کی گودی میں اُن کو لے کر ، فنا کے لنگر اُٹھادیےتھے​

 

52
یہاں خرد نے بھی قول ہارا ، حواس بھی کرگئے کنارا
دماغ و دل نے بہت اُبھارا ، نہ دے سکے یہ ذرا سہارا
کہاں یہ ہوش و خرد کا یارا ، رسائی تک اپنی چھان مارا

کسے ملے گھاٹ کا کنارا ، کدھر سے گُذرا کہاں اُتارا​

بھرا جو مِثلِ نظر طَرارا ،وہ اپنی آنکھوں سے خُود چُھپےتھے​

 

53
یہاں نہ کچھ فائدہ نظر دے ، نہ کام اندیشۂ بشر دے
خدا جو ایمان کا اثر دے ، تو جان و دل کو نثار کردے
الگ ہی وہم و قیاس دَھر دے ، نہ جائے وحدت دوئی سے بھر دے

اُٹھے جو قصرِ دنٰى کے پردے ، کوئی خبر دے تو کیاخبر دے​

وہاں تو جاہی نہیں دُوئی کی ، نہ کہہ کے وہ بھی نہ تھےاَرے تھے​

 

54
وہ رنگ یکتائی نے جمایا ، کہ ماسوا کانشان اُڑایا
یگانگی نے اثر دکھایا ، تفاوتِ جز و کل مٹایا
بہارِ وحدت نے گل کھلایا ، کہ فرع کو اصل میں بُلایا

وہ باغ کچھ ایسا رنگ لایا ،کہ غُنچہ و گل کا فرق اُٹھایا​

گرہ میں کلیوں کے باغ پُھولے ، گُلوں کے تُکمے لگے ہوئے تھے​

 

55
جوقربِ قوسین کی تھی منزل ، سمجھ لیں اُس پہ یہ نکتہ عاقل
کہ قوس دو جب ملے مقابل ، تو بن گیا اِک محیطِ کامل
ہوئے جو باطل نقاطِ فاضل ، تو بیچ میں کچھ رہا نہ حائل

محیط و مرکز میں فرق مشکل ، رہے نہ فاصل خُطوطِ واصل​

کمانیں حیرت میں سر جھکائے ، عجیب چکّر میں دائرے تھے​

 

56
اُدھر سے ہر دم خطاب ہوتے ، ترقی یہ بار بار کرتے
ترقیوں میں حجاب کھلتے ، مزے تھے ہر پردے میں نرالے
وہ دفعتہ جلوہ کیا دکھاتے ، کہ شوق میں تھے حیا کے نقشے

حِجاب اُٹھنے میں لاکھوں پردے ، ہر ایک پردے میں لاکھوں جلوے​

عَجَب گھڑی تھی کہ وصل و فُرقت ، جَنَم کےبچھڑے گلےملے تھے​

 

57
چڑھی ہوئی تھیں عطا کی لہریں ، بڑھی ہوئی تھیں کرم کی نہریں
اشارہ یہ تھا نہائیں دھوئیں ، پئیں پلائیں یہ جتنا چاہیں
وہاں سے سر تا بہ پا عطائیں ، یہاں ابھی خواہشیں تھیں دل میں

زبانیں سُوکھی دِکھا کے موجیں ، تڑپ رہی تھیں کہ پانی پائیں​

بَھنوَر کو یہ ضُعفِ تشنگی تھا ، کہ حلقے آنکھوں میں پڑگئے تھے​

 

58
وہی ہے سب کا نصیر و ناصر ، وہی ہے سب پر قدیر و قادر
اُسی سے ہے مبدءِ نوادر ، اُسی پہ ہیں منتہِی اوامر
وہی ہے ظاہر جہاں مظاہر ، وہی ہے منطورِ سب مَناظر

وہی ہے اوّل وہی ہے آخِر ، وہی ہے باطِن وہی ہےظاہِر​

اُسی کے جلوے اُسی سے ملنے ، اُسی سے اُس کی طرف گئے تھے​