ضرب عضب

(شکریہ پاک فوج )

 

​

لاہور (مانیٹرنگ ڈیسک) صوبائی دارالحکومت سے تعلق رکھنے والے 8 سالہ بچے نے ’ضرب عضب‘ آپریشن میں گولیاں خریدنے کیلئے جیب خرچ سے پانچ ہزار بھجوا دئیے۔ کور کمانڈر لاہور لیفٹیننٹ جنرل نوید زمان نے دفتر میں بلا کر بچے کے جذبے کو سراہا۔ تفصیلات کے مطابق لاہور سے تعلق رکھنے والے 8 سالہ یوسف معین نے دہشتگردوں کے خلاف آپریشن کرنیوالی پاک فوج کیلئے کور کمانڈر لاہور کو اپنی جیب خرچ بھجوائی تھی جو موصول ہوتے ہی اُنہوں نے بلالیا اوربچے کی حب الوطنی کے جذبے کو سراہا، اعزازی شیلڈ بھی پیش کی ۔

 

​

پشاور (نمائندہ خصوصی) کورکمانڈرپشاور لیفٹیننٹ جنرل خالد ربانی کے جواں سال فرزند کیپٹن سعدربانی پاک فوج کی جانب سے وزیرستان میں دہشت گردوں کے خلاف کئے جانے والے آپریشن کی کمانڈ کررہے ہیں وہ فوج میں صف اول کے بہادر، جری اورنڈر افسرکے طورپرجانے جاتے ہیں اور اسی بناءپر انہیں دہشت گردوں سے نبردآزما ہونے کاٹاسک دیا گیا ہے وہ اس کا کئی روز سے پاک فوج کے آپریشنل معاملات کی نہ صرف کمانڈ کررہے ہیں بلکہ پاک فوج کے اُس ہراول دستے میں شامل ہیں جو دن رات ایک کرکے دہشت گردوں کے ٹھکانے تباہ کررہا ہے۔ عسکری ذرائع سے معلوم ہوا ہے کہ کیپٹن سعدربانی کی سربراہی میں فوجی دستے نے گزشتہ 4 روز کے درمیان مجموعی طورپر 36 دہشتگردوں کو ہلاک کیا جبکہ ان کے 14 ٹھکانے بھی تباہ کئے۔ یہ امردلچسپی سے خالی نہیں کہ کورکمانڈر پشاور لیفٹیننٹ جنرل خالدربانی اور ان کے فرزند کیپٹن سعدربانی دونوںکاتعلق پنجاب ریجنل سے ہے۔کورکمانڈرپشاور بھی اپنی سروس کے ابتدائی ایام میں کئی محاذوںپر ملک دشمنوں سے جنگ کرنے کا اعزازرکھتے ہیں اورانہیں بہادری اورجواں مردی کامظاہرہ کرنے پر کئی عسکری تمغوں سے بھی نوازاگیاہے۔ عسکری اورسول شخصیات نے کورکمانڈرپشاورکے فرزند سعدربانی کی دہشتگردوں کے خلاف کارروائیوں کو خراج تحسین پیش کیا ہے۔ان شخصیات کا کہنا ہے کہ ہم اس بہاد سپوت کی کارروائیوں پر انہیں بھی سلام عقیدت پیش کرتے ہیں۔

 

پاک فوج کی افطاری - شمالی وزیرستان میں
پاکستانیوں ان جوانوں کے اس احسان کوکبھی بھولنانہیں۔ جب تم اپنےگھرمیں آرام سے اپنے گھر والوں کے ساتھ افطار کر رھے ھوتے ھو اس وقت یہ اپنے گھربارکو بھلاکر تمہارے اور ھمارے ملک کی حفاظت میں مصروف ھوتے ھیں۔ جیو پاک فوج کے جوانوں، ھم آپ کے مقروض ھیں -

 

آپ کی بات 100 فی صد درست ہے ۔ ان خارجیوں کی اصلیت سب پر عیاں ہو گی ہے ۔

 

غیر مذہب تو شروع سے سازشیں کر رہے ہیں لیکن ان سازشوں میں سعودی عرب بھی مغرب اور امریکہ کی مدد کر رہا ہے اور دوسرے اسلامی ممالک میں بدامنی پھیلانے کے لئے دہشت گردی کروا رہا ہے

 

3904 اٹیچمنٹ کو ملاحظہ فرمائیں

 

یہ تو مغرب کے پیٹھو ہیں جناب

 

پاکستان کو دہشت گردی سے نجات دلانے کا مشن مکمل کریں گے، سربراہ پاک فوج

راولپنڈی: آرمی چیف جنرل راحیل شریف کا کہنا ہےکہ آخری دم تک دہشت گردوں کا پیچھا کیا جائے گا اور پاکستان کو دہشت گردی سے نجات دلانے کا مشن مکمل کریں گے۔
آئی ایس پی آر کے مطابق آرمی چیف جنرل راحیل شریف آپریشن کا جائزہ لینے میران شاہ پہنچے جہاں کور کمانڈر پشاور لیفٹیننٹ جنرل خالد ربانی نے ان کا استقبال کیا جس کے بعدآرمی چیف جنرل راحیل شریف نے شمالی وزیرستان میں اگلے مورچوں کا دورہ کیا جہاں انہوں نے آپریشن میں حصہ لینے والے جوان و افسرانوں سے ملاقات کرکے ان کے حوصلے کو سراہا، اس قع پر آرمی چیف کو آپریشن پر تفصیلی بریفنگ بھی دی گئی جس پر جنرل راحیل شریف نے آپریشن کی منصوبہ بندی،تیاری اور چیف آف کمانڈ کو سراہتے ہوئے آپریشن میں ہونےوالی اب تک کی پیش رفت پر اطمینان کا اظہار کیا۔
اس موقع پر آرمی چیف جنرل شریف نے آپریشن ضرب عضب کے شہدا اور زخمیوں کو زبردست خراج تحسین پیش کرتے ہوئے کہا کہ آپریشن پر قوم کی حمایت کو سراہتے ہیں،پاک فوج پاکستان کو دہشت گردی سے نجات دلانے کا مشن مکمل کرے گی، ملک میں مقامی،غیر ملکی دہشت گرد اور ان کے ٹھکانے ختم کریں گےاورآخری دم تک دہشت گردوں کا پیچھا کرکے انہیں مارا جائے گا۔ آرمی چیف جنرل راحیل شریف کا کہنا تھا کہ فوج مشکل وقت میں قبائلی بھائیوں کو تنہا نہیں چھوڑے گی،آئی ڈی پیز کو ریلیف دینے کے لئے ہر ممکن تعاون کریں گے جبکہ وزیرستان کے امن اور تعمیر وترقی میں بھی فوج اپنا بھرپور کردار ادا کرے گی۔
واضح رہے کہ پاک فوج کا شمالی وزیرستان میں دہشت گردوں کے خلاف آپریشن کامیابی سے جاری ہے جس میں اب تک زمینی اور فضائی کارروائی میں متعدد دہشت گرد مارے جاچکے ہیں جبکہ علاقے میں بم بنانے والی کئی فیکٹریاں بھی پکڑی گئی ہیں۔
http://www.express.pk/story/269067/

 

ضرب عضب،شہید کمانڈوطارق،سپاہی ماجدفوجی اعزازکیساتھ سپردخاک

میرانشاہ(ما نیٹرنگ ڈیسک ) شمالی وزیرستان آپریشن کے دوران شہادت پانے والے پاک فوج کے کمانڈو لانس نائیک محمد طارق اور سپاہی ماجد اللہ کو فوجی اعزاز کےساتھ آبائی علاقوں میں سپرد خاک کر دیا گیا۔تفصیلات کے مطابق آپریشن ضرب عضب میں شہید کمانڈو لانس نائیک محمد طارق کا جسد خاکی حافظ آباد لایا گیا جہاں فوجی اعزاز کے ساتھ شہید کوآبائی گاﺅں وچھوکی میں سپرد خاک کر دیا، شہید کی نماز جنازہ میں فوجی افسران اور ضلعی انتظامیہ سمیت ہزاروں افراد شریک ہوئے۔ محمد طارق نے 8سال قبل پاک فوج میں شمولیت اختیار کی تھی ، شہید نے سوگواروں میں بیوہ، دو بیٹیاں اور ایک بیٹا چھوڑا ہے۔دوسری جانب سپاہی ماجد اللہ شہید کا جسد خاکی خوشاب لے جایا گیا جہاں سیکڑوں افراد نے شہید کی نماز جنازہ میں شرکت کی جس کے بعد ماجد اللہ کو فوجی اعزاز کے ساتھ آبائی گاﺅں موضع لغاری بلوچاں میں سپرد خاک کر دیا گیا۔ سپاہی ماجد اللہ نے2008ءمیں پاک آرمی کو جوائن کیا، شہید نے بیوہ اور دو بچیاں سوگوار چھوڑی ہیں۔
http://dailypakistan.com.pk/zarb-e-azb/12-Jul-2014/122108

 

آمین ثم آمین

 

ہماری افواج اور آئی ایس آئی ہی ایسے ادارے ہیں جو پاکستان کے لئے اپنی جانیں قربان کر رہے ہیں ۔اور ان کی قربانیوں کی وجہ سے ہم آزادی کی سانس لے رہے ہیں ۔