شعر اور تشریح‌پسند اپنی اپنی

درد دل کے واسطے پیدا کیا ہے انساں کو
ورنہ اطاعت کے لیئے کچھ کم نہ تھے کرو بیاں

شاعر کہتا ہے (میں نہیں کہتا) کہ انسان کو اس لیئے پیدا کیا گیا ہے کہ اس کے دل میں درد ہو، دوسرے لفظوں میں اسے دل کا دورہ پڑے۔ اور یہ کہ اطاعت کے ذریعے کرنے اور بھرنے والے کم نہیں تھے۔ :nose::nose:

 

جواب: شعر اس کی تشریح‌پسند اپنی اپنی

میں انتظار کروں گا

 

جواب: شعر اور تشریح‌پسند اپنی اپنی

رزق ملبوس مکاں سانس مرض قرض دوا
منقسم ہو گیا انساں انہی افکار کے بیچ
ہماری تشریح:
اس شعر کے ایک ایک لفظ سے ظاہر ہوتا ہے کہ مفلسی بری بلا ہے۔ شاعر صاحب کو نہ صرف کھانے پینے بلکہ پہننے کی بھی تنگی تھی۔ اوپر سے دمہ میں مبتلا ہونے کی وجہ سے “سانس“ لینا بھی دشوار، پھر “مرض“ کے “ دوا“ کےلئے “قرض“ حاصل کرنے کی جدوجہد۔
پس شاعر نے ہمت ہاردی اور کہہ ڈالا بس جی بس۔ اب اور اشعار نہیں کہے جاتے مجھ سے۔ کہ ع:
“اور بھی تو افکار ہیں غم اشعار کے سواء“

 

جواب: شعر اور تشریح‌پسند اپنی اپنی

واہ ماسٹر جی کاش بچپن میں آپ سے اردو پڑھی ہوتی ۔ ایسی تشریع

 

جواب: شعر اور تشریح‌پسند اپنی اپنی

محمود بھائی ہتھوڑی چھوڑیں اور دماغ استعمال کریں

 

جواب: شعر اور تشریح‌پسند اپنی اپنی

کافر ہے تو ہے تابع تقدیر مسلمان
مومن ہے تو خود آپ ہے تقدیر الہٰی
--------------
اقبال کے فلسفہ کی گہرائی اس شعر میں بہت واضع ہے۔اقبال مومن کو تقدیر کا قیدی نہیں سمجھتا بلکہ تقدیر گر کہتا ہے۔ اس شعر میں ایسے مسلمان کو جو تقدیر کی پیروی کرتا ہے کافر قرار دیا گیا ہے اور اقبال کہتا ہے کہ اصل مومن وہ ہے جوکہ خود اللہ کی تقدیر ہے۔ ایک اور جگہ پر اقبال نے کہا ہے۔
عبث ہے شکوہ تقدیرِ یزداں
تو خود تقدیر یزداں کیوں‌نہیں ہے۔

اقبال کے فلسفہ تقدیر کے لیے یہ لنک دیکھیں۔http://www.oururdu.com/forums/showthread.php?t=8489

 

جواب: شعر اور تشریح‌پسند اپنی اپنی

کچھ روز اور کر لو گوارا دوستو
ہم جیسے پھر کہاں دنیا میں آئیں گے

شاعر اپنے قرض خواہوں سے معذرت کر رہا ہے کہ وہ ان کا قرض واپس نہیں کر سکتا پھر بھی ان سب کو اسے برداشت کرنا پڑے گا۔ شاعر اپنے ان قرض خواہوں سے یہ بھی کہہ رہا ہے تم لوگ فکر نہ کرو۔ ہم جیسے ڈھیٹ اور کمینے صفت لوگ دنیا میں پھر کہاں آئیں گے لہٰذا پہلی دفعہ معاف کر دو اور مجھ کنگال سے اپنا قرض واپس مت مانگو۔

 

جواب: شعر اور تشریح‌پسند اپنی اپنی

میں نے پوچھا کہ زندگی کیا ہے
ہاتھ سے گر کے جام چھوٹ گیا


شاعر صاحب بلا نوش ہونے کی وجہ سے پی کر دوسروں سے پوچھ رہے تھے کہ زندگی کیا ہے؟ اتنے میں انکے ہاتھ سے جام چھوٹ‌ اورشیشے کی کرچیاں ان کے پاؤں میں آلگیں اور لگے گالیان بکنے۔ باقی مجھے معلوم نہیں کہ کیا ہوا۔

 

جواب: شعر اور تشریح‌پسند اپنی اپنی

چاچا جی :a191: آپ نے جو جو تشریحات کی ہیں وہ تشریحات تو نہیں ہیں :121: ، بلکہ آپ نے ہر بار شاعر کا حالات زندگی اور اُس کا محل وقوع بیان کیا ہے برائے مہربانی تشریحات کی جائیں اور غیر ضروری ص سے بچا جائے ۔:confused:

 

جواب: شعر اور تشریح‌پسند اپنی اپنی

تم سے بچھڑے تو کسی کو خبر نہ تھی
تیرا مڑ مڑ کا دیکھنا مجھے بدنام کر گیا

شاعر اس شعر میں اپنے محبوب سے شکوہ کر رہا ہے کہ ، گلی سے لیکر چوک تک تم میرے پیچھے پیچھے کیوں چلے آئے تھے ، اور اب چوک کے سب لفنگوں کو ہمارے چکر کے بارے میں پتہ چل چکا ہے :121:

 

جواب: شعر اور تشریح‌پسند اپنی اپنی

تم تکلف کو بھی اخلاص سمجھتے ہو فراز
دوست ہوتا نہین ہر ہاتھ ملانے والا


:titli: شاعر اپنے دوست فراز سے کہہ رہا ہے کہ یہ تکلف بھائی ہے اخلاص بھائی کے جڑواں بھائی جنہیں تم ہر بار اخلاص بھائی سمجھ لیتے ہو ، اور ہر ہاتھ ملانے والا دوست محمد نہین ہوتا ۔ نوٹ : - یہاں ‌دوست سے شاعر کی مراد دوست محمد ہے جو کہ شاعر کا ایک اور دوست ہے ۔ :bigblink:

 

جواب: شعر اور تشریح‌پسند اپنی اپنی

میں ہزار بار چاہوں وہ مسکرا کے دیکھے
اُسے کیا غرض پڑی ہے جو نظر اُٹھا کر دیکھے
مرے دل کا حوصلہ تھا کہ ذرا سی خاک ُاڑا لی
مرے بعد اُس گلی میںً کوئی اور جاکے دیکھے


:titli:اس قطعے میں شاعر اپنے محبوب کے مظالم کا بیان کچھ یوں کر رہا ہے کہ مین تو ہزار دل و جان سے چاہتا ہوں کہ میرا محبوب مسکرا کر دیکھے ، مگر وہ اتنا خود غرض ہے کہ بس مسلسل ویلڈنگ کررہا ہے اور کالا چشمہ اُٹھا کر مجھ سے نظر نہیں ملا رہا ، :91: اگلے شعر میں شاعر اپنی بہادری کا ذکر کر رہا ہے کہ میں نے بڑا حوصلہ کر کے اُس کے سامنے زمین سے کچھ مٹی اٹھا کر اُڑائی ، اور پھر نہ پوچھو کہ اُس کے بعد کیا ہوا ، اور جو جاننا چاہتا ہے وہ اُس کی گلی میں جاکر دیکھ لے ، میرے لہو کے چھینت ے اب بھی اُس کی دوکان کے شٹر کو رنگین کیئے ہوئے ہیں ، بلکہ میرے دو دانت بھی وہین کہین پڑے ہونگے ۔ :101:

 

جواب: شعر اور تشریح‌پسند اپنی اپنی

محبوب سنگ دل ہو اور اوپر سے ویلڈر بھی تو خود کش دھماکے کی ضرورت نہیں رہتی ، آپ تو بھولے بادشاہ ہو آپ کیا جانو ان چکروں کو ، بس ہمارے لیے دعا کیا کریں ۔

 

جواب: شعر اور تشریح‌پسند اپنی اپنی

وہ جو بیچتے تھے دوائے دل
وہ دکان اپنی بڑھا گئے

شاعر کے دل میں رات کے پچھلے پہر درد اٹھا، تو اس نے اپنی زوجہ محترمہ کو اپنے پڑوسی کے بلوانے کے لیے کہا۔ پڑوسی کے آنے پر وہ انہیں اس دکان پر بھیجنا چاہ رہے تھے جو درد دل کو دوا بیچتا تھا۔ پڑوسی کو نیند نے آدھ موا کیا ہوا تھا، انہوں نے وہیں کھڑے کھڑے شاعر کو بتا دیا کہ وہ تو اس وقت دکان بند کر کے چلے گئے ہوئے ہیں۔ اب تو صبح ہی دوا مل سکے گی۔

 

جواب: شعر اور تشریح‌پسند اپنی اپنی

سنا ہے لوگ اسے آنکھ بھر کے دیکھتے ہیں
سو ہم بھی اس کے شہر میں ٹھہر کے دیکھتے ہیں

یہ شعر احمد فراز کا ہے ، جی ہاں‌اصلی والے احمد فراز کا ، ایس ایم ایس والے فراز صاحب کا نہیں ، یہ شعر فراز صاحب نے تب کہا تھا جب وہ خانما برباد تھے یعنی پردیسی تھے ، اور وہ کہہ رہے ہین کہ اُن کی طرح کے سارے پردیسی لوگ اُسے التجا بھری نظروں‌سے دیکھتے ہیں کہ شاید اُسے رحم آجائے اور وہ اُنہیں پانے شہر میں رہنے کی اجازت دے دیں ، سو اس بات نے فراز صاحب کو بھی ہمت دلائی اور وہ بھی اُس کے شہر میں ٹھہر گئے ۔

 

جواب: شعر اور تشریح‌پسند اپنی اپنی

ہہاہاہاہاہا
آصف پتر کمال کی تشریح کی ہے اپنی بھی کرو

 

جواب: شعر اور تشریح‌پسند اپنی اپنی

یہ ضروری نہیں ہر شخص مسیحا ہی ہو
پیار کے زخم امانت ہیں دکھایا نہ کرو

شاعر کہتا ہے کہ ڈاکٹر کی ضرورت ہوتو ملتا نہیں‌ہے اور پاکستان میں تو ہر شخص‌حکیم ہے اور ہر کسی کے پاس دیسی خاندانی نسخے موجود ہیں اسلئے نیم حکیمسے علاج کروانا ضروری نہیں ہے اور جو لوگو ں نے میرے پاس امانتیں رکھوائیں تھیں میں نے پیار سے انہیں اپنا سمجھتے ہوئے استعمال کرلیا ہے مگر اس کے بعد جو پھینٹی میں زخم ملے ہیں وہ کسی کو کھانے کے قابل نہیں‌ہیں
نوٹ : سرخ الفاظ ذرا لئے میں ادا کئے جائیں

 

جواب: شعر اور تشریح‌پسند اپنی اپنی

ہو ش و حواس تاب و تواں داغ جا چکے
اب ہم بھی جانے والے ہیں سامان تو گیا


یی شعر چاچا داغ دہلوی جی کا ہے ، اب اُن کے نام کو داغ لگنے کی کہانی بہت طویل ہے ہم اس شعر کی طرف آتے ہیں ۔ چاچا داغ اس شعر میں خود کلامی کرتے ہوئے پشیمانی سے کہہ رہے ہین کہ رات کو اتنی چڑھا لی تھی کہ ہوش و حواس تاب و تواں کچھ بھی نہیں رہا تھا اور اس پر مکان مالک سے لڑ پڑے ، بس پھر کیا تھا مکان مالک نے ہمارا سامان اُٹھا کر سڑک پر پھینک دیا ہے اب ہم بھی چلے ۔

 

جواب: شعر اور تشریح‌پسند اپنی اپنی

ہماری جان پہ دوہرا عذاب ہے محسن
کہ دیکھنا ہی نہیں ہم کو سوچنا بھی ہے

یہ شعر چاچا محسن بھوپالی کا ہے ، محسن چاچا اپنی عزاب مین پھنسی ہوئی مسکین سی جان کی تکلیف کے بارے میں کہہ رہے ہین کہ ساری دنیا کو ایک وقت میں ایک ہی کام کرنا ہوتا ہے مگر ہمارے کمپنی کے فور مین نے ایک وقت میں میرے ذمہ دو کام لگا رکھے ہیں کہ مجھے صرف کسی چیز کا نقص دیکھنا ہی نہیں بلکہ اُس کو ٹھیک کرنے کا طریقہ بھی سوچنا پڑتا ہے ۔

 

جواب: شعر اور تشریح‌پسند اپنی اپنی

ہاہاہاہاہاہا بہت اعلی سوچ ہے بھئی

 

جواب: شعر اور تشریح‌پسند اپنی اپنی

رنج کی جب گفتگو ہونے لگی
آپ سے تم‘ تم سے تُو ہونے لگی

شاعر اس شعر میں کسی مشاعرے کا ذکر کر رہا ہے کہ جب مشاعرے کا ماحول گرم ہوا ، اور انگور کی بیٹی معدوں میں اتری تو اس وقت رنج موضوع سخن تھا بس پھر کیا تھا ، شاعروں اور ادیبوں کا سارا ادب انگور کی بیٹی نے دھوڈالا ۔ اور پھر جو تو تڑاخ ہوئی کہ اللہ ہی معافی ۔

 

جواب: شعر اور تشریح‌پسند اپنی اپنی

سارے یار عیار ہیں بلکہ عمرو عیار ہیں ، کمانیں یا گاڑیوں کی کمانیاں ان کے ہاتھ میں ہیں ، تیر وہ گھر بھول آئے ہیں اس لئے کہتے ہیں ہم تو ایویں‌ ہی آئے اور سب جانتے ہیں نشانے بازی کی مشق میں تو کہاں تھا