ساغر صدیقی کا کلام

Re: مناؤ جشنِ مے نوشی، بکھیرو زلفِ میخانہ

بہت خوب ۔ یہ دو اشعار بہت ہہییییییییییی پسند آئے۔

این آر بی بھائی ۔
نور جی نے اور میں نے پہلے ہی کہہ دیا تھا کہ ایک عدد " مہ خانے" کا انتظام کروا دیں۔ :glass:

 

Re: مناؤ جشنِ مے نوشی، بکھیرو زلفِ میخانہ

مشورہ تو اچھا ہے، لیکن صرف اِس خیال سے یہ کام نہیں‌کیا (آخری شعر)

اے دیوارو کچھ تو بولو
جھوٹی چپ کے بندھن کھولو

شاید کوئی قلزم نکلے
صحراؤں کی جیب ٹٹولو

رات کا پنچھی کہتا جائے
دن چڑھ آیا آنکھیں کھولو

پھول کھلیں برسات میں جیسے
آج ذرا ہنس ہنس کر رو لو

[glow=red:2clgck03]ساقی پانی مے بن جائے
ساغر کے اشعار کو گھولو[/glow:2clgck03]

 

Re: مناؤ جشنِ مے نوشی، بکھیرو زلفِ میخانہ

واہ ۔ کیا عمدہ جواب ہے ۔ واہ این آر بی بھائی ۔ واہ
:a165: :a165: :a165: :a165:

 

Re: مناؤ جشنِ مے نوشی، بکھیرو زلفِ میخانہ

راہزن آدمی راہمنا آدمی
با رہا بن چکا ہے خدا آدمی

ہائے تخلیق کی کار پردازیاں
خاک سی چیز کو کہہ دیا آدمی

کھل گئے جنتوں کے وہاں زائچے
دو قدم جھوم کر جب چلا آدمی

زندگی خانقاہ شہود و بقا
اور لوح مزار فنا آدمی

صبحدم چاند کی رخصتی کا سماں
جس طرح بحر میں‌ ڈوبتا آدمی

کچھ فرشتوں کی تقدیس کے واسطے
سہہ گیا آدمی کی جفا آدمی

گونجتی ہی رہے گی فلک در فلک
ہے مشیت کی ایسی صدا آدمی

اس کی مورتیں پوجتے پوجتے
ایک تصویر سی بن گیا آدمی


(ساغر صدیقی)​

 

Re: مناؤ جشنِ مے نوشی، بکھیرو زلفِ میخانہ

خوب مبارز جی :a180:

 

Re: مناؤ جشنِ مے نوشی، بکھیرو زلفِ میخانہ

بھولی ہوئی صدا ھوں مجھے یاد کیجیے
تم سے کہیں ملا ھوں مجھے یاد کیجیے

منزل نہیں ھوں خضر نہیں راہزن نہیں
منزل کا راستہ ھوں مجھے یاد کیجیے

میری نگاہ شوق سے ہر گل ھے دیوتا
میں عشق کا خدا ھوں مجھے یاد کیجیے

نغموں کی ابتدا تھی کبھی میرے نام سے
اشکوں کی انتہا ھوں مجھے یاد کیجیے

گم صم کھڑی ھیں دونوں جہاں کی حقیقتیں
میں ان سے کہہ رھا ھوں مجھے یاد کیجیے

ساغر کسی کے حسن تغافل شعار کی
بہکی ھوئی ادا ھوں مجھے یاد کیجیے

 

Re: مناؤ جشنِ مے نوشی، بکھیرو زلفِ میخانہ

بہت خوب جی بہت خوب۔
:a180: کلام ہے۔
کاشفی بھائی ۔ارسال کرنے کا شکریہ

 

Re: مناؤ جشنِ مے نوشی، بکھیرو زلفِ میخانہ

ایکسلینٹ۔۔۔بہت خوب۔۔

 

Re: مناؤ جشنِ مے نوشی، بکھیرو زلفِ میخانہ

خان جی اور مبارز جی بہت شکریہ مہربانی بڑی نوازش

 

Re: مناؤ جشنِ مے نوشی، بکھیرو زلفِ میخانہ

صحنِ کعبہ بھی یہیں ہے تو صنم خانے بھی
دل کی دنیا میں گلستان بھی ہیں ویرانے بھی

لوگ کہتے ہیں اجارہ ہے ترے جلووں پر
اتنے ارزاں تو نہیں ہیں ترے دیوانے بھی

آتشِ عشق میں پتھر بھی پگھل جاتے ہیں
مجرم سوز وفا شمع بھی پروانے بھی

کچھ فسانوں میں حقیقت کی جھلک ہوتی ہے
کچھ حقیقت سے بنا لیتے ہیں افسانے بھی

میرے اشعار ہیں تصویرِ تمنا ساغر
ان کی آغوش میں ہیں درد کے افسانے بھی

ساغر صدیقی​

 

Re: مناؤ جشنِ مے نوشی، بکھیرو زلفِ میخانہ

واہ جی واہ بہت خوبصورت غزل ہے۔
نعیم بھائی بہت شکریہ شئیر کرنے پر
:a180:

 

Re: مناؤ جشنِ مے نوشی، بکھیرو زلفِ میخانہ

واہ۔

 

Re: مناؤ جشنِ مے نوشی، بکھیرو زلفِ میخانہ

ایکسلینٹ۔۔۔بہت خوب۔۔

 

Re: مناؤ جشنِ مے نوشی، بکھیرو زلفِ میخانہ

زلفوں کی گٹھا ئیں پی جاؤ
وہ جو بھی پلائیں پی جاؤ

اے تشنہ دہانِ جورِ خزاں!
پھولوں کی ادائیں پی جاؤ

تاریکی ءِ دوراں کے مارو!
صبحوں کی ضیائیں پی جاؤ

نغمات کا رس بھی نشّہ ہے
بَربَط کی صدائیں پی جاؤ

مخمور شرابوں کے بدلے
رنگین خطائیں پی جاؤ

اشکوں کا مچلنا ٹھیک نہیں
بے چین دعائیں پی جاؤ

[glow=red:39w859gz]احساس کے ٹوٹے ساغر میں
یاروں کی وفائیں پی جاؤ[/glow:39w859gz]​

بَربَط: عود، http://fa.wikipedia.org/wiki/%D8%A8%D8%B1%D8%A8%D8%B7

 

Re: مناؤ جشنِ مے نوشی، بکھیرو زلفِ میخانہ

واہ بھئی واہ ۔۔بہت خوب۔۔

 

Re: مناؤ جشنِ مے نوشی، بکھیرو زلفِ میخانہ

اشکوں کا مچلنا ٹھیک نہیں
بے چین دعائیں پی جاؤ


اچھا کلام ھے اور یہ شعر :a180:

 

Re: مناؤ جشنِ مے نوشی، بکھیرو زلفِ میخانہ

ان بہاروں پہ گلستاں پہ ہنسی آئی ھے
دل کے ہر داغ فروزاں پہ ہنسی آئی ھے

آج پھر جام تہی اور گھٹا اٹھی ھے
آج پھر رحمت یزداں پہ ہنسی آئی ھے

میری بھیگی ہوئی پلکوں کی چھماچھم پہ نہ جا
تیرے ٹوٹے ہوئے پیماں پہ ہنسی آئی ھے

جب کبھی نچھڑا ہوا دوست ملا ھے کوئی
مجھ کو اخلاص عزیزان پہ ہنسی آئی ھے

مجھ کو اک زہر کا چھلکا ہوا ساغر دے دو
مجھ کو اس دور کے انساں پہ ہنسی آئی ھے

 

Re: مناؤ جشنِ مے نوشی، بکھیرو زلفِ میخانہ

بہت خوب۔ یہ شعر پڑھ کر بےاختیار دل سے ٹھنڈی آہ نکل گئی ۔
بہت زبردست کلام ہے ۔ شکریہ

 

Re: مناؤ جشنِ مے نوشی، بکھیرو زلفِ میخانہ

عظمتِ زندگی کو بیچ دیا
ہم نے اپنی خوشی کو بیچ دیا

لب و رخسار کے عوض ہم نے
سطوتِ خسروی کو بیچ دیا

عشق بہروپیا ہے اے ساغر
آپ نے سادگی کو بیچ دیا ؟

(ساغر صدیقی)​

 

Re: مناؤ جشنِ مے نوشی، بکھیرو زلفِ میخانہ

اتنا کچھ بیچ دیا اب اس کلام کی تعریف کریں کیاااااااااااااااااا

:a180: :a165:

 

Re: مناؤ جشنِ مے نوشی، بکھیرو زلفِ میخانہ

چشم ساقی کی عنایات پہ پابندی ھے
ان دنوں وقت پہ حالات پہ پابندی ھے

دل شکن ھو کے چلے آئے تری محفل سے
تیری محفل میں تو ہر بات پہ پابندی ھے

درد اٹھا ھے لہو بن کے اچھلنے کے لئے
آج کہتے ھیں جذبات پہ پابندی ھے

ہر تمنا ھے کوئی ڈوبتا لمحہ جیسے
ساز مغموم ھیں نغمات پہ پابندی ھے

آگ سینوں میں لگی ساغرومینا چھلکے
کوئی کہتا ھے برسات پہ پابندی ھے

 

Re: مناؤ جشنِ مے نوشی، بکھیرو زلفِ میخانہ

واہ واہ واہ واہ، کیا پابندی ہے، اوہ، کیا بات ہے جی!!!

 

Re: مناؤ جشنِ مے نوشی، بکھیرو زلفِ میخانہ

شکریہ ار بی جی پسند کرنے کا

 

Re: مناؤ جشنِ مے نوشی، بکھیرو زلفِ میخانہ

دستور یہاں بھی گونگے ہیں فرمان یہاں بھی اندھے ہیں
[glow=red:2vhpntla]اے دوست خدا کا نام نہ لے ایمان یہاں بھی اندھے ہیں[/glow:2vhpntla]
تقدیر کے کالے کمبل میں عظمت کے فسانے لپٹے ہیں
مضمون یہاں بھی بہرے ہیں عنوان یہاں بھی اندھے ہیں

زردار توقع رکھتا ہے نادار کی گاڑھی محنت پر
مزدور یہاں بھی دیوانے ذیشان یہاں بھی اندھے ہیں

[glow=red:2vhpntla]کچھ لوگ بھروسہ کرتے ہیں تسبیح کے چلتے دانوں پر
بے چین یہاں یزداں کا جنوں انسان یہاں بھی اندھے ہیں[/glow:2vhpntla]
بے نام جفا کی راہوں پر کچھ خاک سی اُڑتی دیکھی ہے
حیراں ہیں دلوں کے آئینے نادان یہاں بھی اندھے ہیں​

 

Re: مناؤ جشنِ مے نوشی، بکھیرو زلفِ میخانہ

بہت خوب ۔ زبردست اشعار ہیں ۔
:a180:

 

Re: مناؤ جشنِ مے نوشی، بکھیرو زلفِ میخانہ

اس سے اوپر والی غزل بھی ساغر ہی کی تھی وہ بھی پڑھ لینی تھی میری نہیں تھی وہ :201: :201: :201: :201:

 

Re: مناؤ جشنِ مے نوشی، بکھیرو زلفِ میخانہ

یہ والی نا ؟
قسم سے میں نے یہی شعر اقتباس کے لیے کٹ کیا تھا تاکہ تبصرہ کرسکوں ۔
پھر این آر بی بھائی والا کلام پڑھنے میں محو ہوگیا تو بھول گیا۔

ویسے بھی جب " ہر بات پہ پابندی " ہی لگا دی تو پھر تبصرے یا تعریفیں کیسی ؟ :hasna: :hasna: :hasna:

ویسے غزل اچھی تھی ۔ شئیر کرنے کے لیے شکریہ محترمہ خوشی صاحبہ :a191:
آپ تو داد بھی زبردستی لیتی ہیں agal:

 

Re: مناؤ جشنِ مے نوشی، بکھیرو زلفِ میخانہ

یہ والی نا ؟
قسم سے میں نے یہی شعر اقتباس کے لیے کٹ کیا تھا تاکہ تبصرہ کرسکوں ۔
پھر این آر بی بھائی والا کلام پڑھنے میں محو ہوگیا تو بھول گیا۔

ویسے بھی جب " ہر بات پہ پابندی " ہی لگا دی تو پھر تبصرے یا تعریفیں کیسی ؟ :hasna: :hasna: :hasna:

ویسے غزل اچھی تھی ۔ شئیر کرنے کے لیے شکریہ محترمہ خوشی صاحبہ :a191:
آپ تو داد بھی زبردستی لیتی ہیں agal:[/quote:clxua4n8]


صرف کنجوس لوگوں سے زبردستی

 

Re: مناؤ جشنِ مے نوشی، بکھیرو زلفِ میخانہ

واہ ۔ بہت خوب غزل ہے۔
مزہ آگیا یہ کلام پڑھ کر۔ :a165: