ساغر صدیقی کا کلام

تری دنیا میں یا رب زیست کے سامان جلتے ہیں
فریبِ زندگی کی آگ میں انسان جلتے ہیں

دلوں میں عظمتِ توحید کے دیپک فسردہ ہیں
جبینوں پر ریا و کِبر کے فرمان جلتے ہیں

ہوِس کی باریابی ہے خرد مندوں کی محفل میں
روپہلی ٹکلیوں کی اوٹ میں ایمان جلتے ہیں

حوادث رقص فرما ہیں، قیامت مسکراتی ہے
سنا ہے ناخدا کے نام سے طوفان جلتے ہیں

شگوفے جھولتے ہیں اس چمن میں بھوک کے جھولے
بہاروں میں نشیمن تو بہر عنوان جلتے ہیں !

کہیں پازیب کی چھن چھن میں مجبوری تڑپتی ہے
ریا دم توڑ دیتی ہے، سنہرے دان جلتے ہیں !

[glow=red:37y1dkn9]مناؤ جشنِ مے نوشی، بکھیرو زلفِ میخانہ !
عبادت سے تو ساغر دہر کے شیطان جلتے ہیں[/glow:37y1dkn9]​

روپہلی: چاندی کی طرح سفید، چاندی کی بنی ہوئی

 

Re: مناؤ جشنِ مے نوشی، بکھیرو زلفِ میخانہ

واہ واہ بہت ہی اعلی۔۔بہت خوب۔۔

 

Re: مناؤ جشنِ مے نوشی، بکھیرو زلفِ میخانہ

این آر جی ۔
مرحوم ساغر صدیقی کی لڑی کھولنے سے پہلے ہماری اردو کی انتظامیہ سے کہہ کہلوا کے ایک " مئے خانے " کا بھی بندوبست کردیتے ۔ کیونکہ مئے خانے کے بنا تو ساغر کو پڑھنا ظلم ہے :hasna:

 

Re: مناؤ جشنِ مے نوشی، بکھیرو زلفِ میخانہ

بہت خوب این آر بی بھائی ۔ اچھا سلسلہ ہے۔ لیکن نور صاحبہ کے مشورے پر بھی غور ہو :hasna:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساغر مرحوم کا کلام پیش ہے

چراغ طور جلاؤ! بڑا اندھیرا ہے
ذرا نقاب اٹھاؤ! بڑا اندھیرا ہے

ابھی تو صبح کے ماتھے کا رنگ کالا ہے
ابھی فریب نہ کھاؤ! بڑا اندھیرا ہے

وہ جن کے ہوتے ہیں خورشید آستینوں میں
انہیں کہیں سے بلاؤ! بڑا اندھیرا ہے

مجھے تمھاری نگاہوں پہ اعتماد نہیں
مرے قریب نہ آؤ! بڑا اندھیرا ہے

فراز ِعرش سے ٹوٹا ہوا کوئی تارہ
کہیں سے ڈھونڈ کے لاؤ! بڑا اندھیرا ہے

بصیرتوں پہ اجالوں کا خوف طاری ہے
مجھےیقین دلاؤ ! بڑا اندھیرا ہے

بنام ِزہرہ جبینانِ خطّہء فردوس
کسی کرن کو جگاؤ! بڑا اندھیرا ہے

ساغر صدیقی​

 

Re: مناؤ جشنِ مے نوشی، بکھیرو زلفِ میخانہ

شکریہ کاشفی :flor:

لاتے ہیں سرور اوّل، دیتے ہیں شراب آخر۔

بہت شکریہ نعیم بھائی۔

 

Re: مناؤ جشنِ مے نوشی، بکھیرو زلفِ میخانہ

بہت خوب نعیم بھائی۔

 

Re: مناؤ جشنِ مے نوشی، بکھیرو زلفِ میخانہ

تیرے غم کو متاعِ حسنِ انساں کر لیا میں نے
نگارِ آدمیت کو غزل خواں کر لیا میں‌نے

تڑپ کر سوزِ دل کو جلوہ ساماں کر لیا میں‌نے
بہت بے نور تھی دنیا چراغاں کر لیا میں‌نے

[glow=red:24vy90lq]کسی کے اک تبسم پر اساسِ زندگی رکھ لی
شراروں کو نشیمن کا نگہباں کر لیا میں‌نے[/glow:24vy90lq]
اٹھا کر چوم لی ہیں چند مرجھائی ہوئی کلیاں
نہ تم آئے تو یوں جشنِ بہاراں کر لیا میں نے

خدا رکھے یہ عذرِ جور باقی تم نہ شرماؤ
اب اپنی آرزؤں کو پشیماں کر لیا میں‌نے

ابھی تک بے کفن سی ہے مری وحشت کی عریانی
یہ کس امید پر گھر کو بیاباں کر لیا میں نے

کبھی ساغر اگر میں وجد میں آیا جو لہرا کر
تو اپنے ساتھ دنیا کو بھی رقصاں کر لیا میں نے​

 

Re: مناؤ جشنِ مے نوشی، بکھیرو زلفِ میخانہ

واہ بہت اچھے اچھا کیا ساغر کی لڑی بنا کر

 

Re: مناؤ جشنِ مے نوشی، بکھیرو زلفِ میخانہ

میں تلخئی حیات سے گھبرا کے پی گیا
غم کی سیاہ رات سے گھبرا کے پی گیا

میں‌آدمی ھوں کوئی فرشتہ نہیں‌حضور
میں‌آج اپنی ذات سے گھبرا کے پی گیا

کانٹے تو خیر کانٹے ھیں ان سے گلہ ہی کیا
پھولوں کی واردات سے گھبرا کے پی گیا

اتنی دقیق شے کوئی کیسے سمجھ سکے
یزداں کے واقعات سے گھبرا کے پی گیا

ساغر وہ کہہ رھے تھے کہ پی لیجیے حضور
ان کی گزارشات سے گھبر ا کے پی گیا

 

Re: مناؤ جشنِ مے نوشی، بکھیرو زلفِ میخانہ

بہت شکریہ خوشی جی۔

واہ۔

 

Re: مناؤ جشنِ مے نوشی، بکھیرو زلفِ میخانہ

این آر بی بھائی ۔ بہت عمدہ غزل شئیر کی ہے آپ نے۔ :a165:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اور خوشی جی ۔ آپکی ارسال کردہ غزل بھی میری پسندیدہ غزلوں میں سے ایک ہے۔
شئیرنگ کا شکریہ

 

Re: مناؤ جشنِ مے نوشی، بکھیرو زلفِ میخانہ

اگر چہ ہم جا رھے ھیں محفل سے نالہ دل فگار بن کر
مگر یقیں ھی کہ لوٹ ‌آئیں گے نغمہ نو بہار بن کر

یہ کیا قیامت ھے باغبانو ! کہ جن کی خاطر بہار آئی
وہی شگوفے کھٹک رھے ھیں‌تمہاری آنکھوں میں خار بن کر

جہان والے ہمارے گیتوں سے جائزہ لیں گے سسکیوں کا
جہان میں پھیل جائیں گے ہم بشر بشر کی پکار بن کر

بہار کی بدنصیب راتیں ‌بلا رہی ھیں چلے بھی آؤ
کسی ستارے کا روپ لے کر کسی دل کا قرار بن کر

ضرورت راہ کے مطابق مسافروں نے بھی سیکھ لی ھے
وہ رہزنی مدتوں رہی ھے جو رہبروں کا شعار بن کر

تلاش منزل کے مرحلوں میں یہ حادثہ اک عجیب دیکھا
فریب راہوں میں بیٹھ جاتا ھے صورت اعتبار بن کر

غرور ہستی نے مار ڈالا وگرنہ ہم لوگ جی ہی لیتے
کسی کی آنکھوں کا نور ہو کر کسی کے دل کا قرار بن کر

دیار پیر مغاں میں‌آ کر یہ اک حقیقت کھلی ھے ساغر
خدا کی بستی کے رہنے والے تو لوٹ لیتے ھیں‌یار بن کر

 

Re: مناؤ جشنِ مے نوشی، بکھیرو زلفِ میخانہ

بہت خوب ۔ ساغر کی شاعری میں اک عجیب سے شانِ بےنیازی پائی جاتی ہے۔
خوشی جی ۔ شئیرنگ کے لیے شکریہ :flor:

 

Re: مناؤ جشنِ مے نوشی، بکھیرو زلفِ میخانہ

پسندیدگی کا شکریہ

 

Re: مناؤ جشنِ مے نوشی، بکھیرو زلفِ میخانہ

بہت ہی خوب۔۔۔

 

Re: مناؤ جشنِ مے نوشی، بکھیرو زلفِ میخانہ

شکریہ بڑی نوازش مہربانی پسندیدگی کا شکریہ مبارز جی

 

Re: مناؤ جشنِ مے نوشی، بکھیرو زلفِ میخانہ

واہ خوشی یہ واقعی بہت خوبصورت غزل ہے اور مجھے بہت پسند ہے۔ بہت شکریہ یاد کروانے پر




این آر بی بھائی لڑی شروع کرنے پر میری طرف سے مبارک باد قبول فرمائیں۔

 

Re: مناؤ جشنِ مے نوشی، بکھیرو زلفِ میخانہ

شکریہ نوازش ساگراج جی

 

Re: مناؤ جشنِ مے نوشی، بکھیرو زلفِ میخانہ

واہ، بہت ہی خوبصورت شیئرنگ ہے۔

 

Re: مناؤ جشنِ مے نوشی، بکھیرو زلفِ میخانہ

:a191:

:flor: :flor:

 

Re: مناؤ جشنِ مے نوشی، بکھیرو زلفِ میخانہ

لیں جی کچھ ہماری پسند بھی پیشِ خدمت ہے

یہ جو دیوانے سے دو چار نظر آتے ہیں
ان میں کچھ صاحبِ اسرار نظر آتے ہیں

تیری محفل کا بھرم رکھتے ہیں سو جاتے ہیں
ورنہ یہ لوگ تو بیدار نظر آتے ہیں

دور تک کوئی ستارا ہے نہ کوئی جگنو
مرگِ امید کے آثار نظر آتے ہیں

میرے دامن میں شراروں کے سوا کچھ بھی نہیں
آپ پھولوں کے خریدار نظر آتے ہیں

کل جسے چھو نہیں سکتی تھی فرشتوں کی نظر
آج وہ رونقِ بازار نظر آتے ہیں

حشر میں کون گواہی میری دے گا ساغر
سب تمہارے ہی طرفدار نظر آتے ہیں​

 

Re: مناؤ جشنِ مے نوشی، بکھیرو زلفِ میخانہ

واہ بہت خوب ساگراج جی

 

Re: مناؤ جشنِ مے نوشی، بکھیرو زلفِ میخانہ

بدنامئی حیات سے رنجور ھو گئے
اے یار! تیری بات سے رنجور ھو گئے

یزداں کے حادثات پہ ہم نے کیا یقیں
اپنی شکست ذات سے رنجور ھو گئے

مر جھا کے رہ گئی غم دشنام کی بہار
فصل تکلفات سے رنجو ر ھو گئے

ہر رہگزر پہ چور ھیں انسانیت کے پاؤں
شیشے کی کائنات سے رنجور ھو گئے

اپنوں نے زندگی میں ہراساں کیا مجھے
غیروں کے التفات سے رنجور ھو گئے

ساغر سکون دے گئی دل کی کسک ہمیں
اکثر خوشی کی بات سے رنجور ھو گئے

 

Re: مناؤ جشنِ مے نوشی، بکھیرو زلفِ میخانہ

بہت خوب۔ 100 فیصد سچ کہا ساغر نے :113:

 

Re: مناؤ جشنِ مے نوشی، بکھیرو زلفِ میخانہ

بہت خوب۔

 

Re: مناؤ جشنِ مے نوشی، بکھیرو زلفِ میخانہ

خوشی جی، یہ ساغر کو کیا کہہ کر رنجور کر دیا؟

 

Re: مناؤ جشنِ مے نوشی، بکھیرو زلفِ میخانہ

​

لگتا ہے۔ واقعی ایسے ہی ہوگا۔ اُن کی وہاں بھی سنوائی ہوجائے گی
ساگراج بھائی ۔ بہت عمدہ غزل ہے

 

Re: مناؤ جشنِ مے نوشی، بکھیرو زلفِ میخانہ

آوارگی برنگِ تماشا بُری نہیں
ذوقِ نظر ملے تو یہ دنیا بُری نہیں

کہتے ہیں تیری زلفِ پریشاں کو زندگی
اے دوست زندگی کی تمنا بری نہیں

ہے نا خدا کا میری تباہی سے واسطہ
میں جانتا ہوں نیتِ دریا بری نہیں

ذوقِ جنوب کے ساتھ ہے بیدارئِ خرد
شبنم کے ساتھ گرمئِ شعلہ بری نہیں

اِس رہزنِ حیات زمانے سے دُور چل
مر بھی گئے تو چادرِ صحرا بری نہیں

ساغر کے ساتھ چل کے کبھی میکدے میں سن
اتنی حدیثِ بادہ و صہبا بری نہیں​

 

Re: مناؤ جشنِ مے نوشی، بکھیرو زلفِ میخانہ

خوشی جی، یہ ساغر کو کیا کہہ کر رنجور کر دیا؟ [/quote:2iwo5gsi]

اب اتنی بھی پرانی نہیں ھوں میں :201: