خوشی کی پسندیدہ شاعری

واہ خوشی کمال ہے۔ بہت ہی خوبصورت غزل ہے۔

آپ کی لائبریری چرانی پڑے گی۔ :hpy:

 

بہت شکریہ ساگراج جی بڑی نوازش ، آپ کہیں کس شاعر کا دیوان چاہیئے آُپ کو

 

جزاک اللہ خوشی۔
وہ تو بس مذاق کیا تھا۔ اگر آپ کے پاس کتابوں کا خزانہ ہے تو آپ بھی تو ہم سے شئیر کرتی ہی رہتی ہیں نا، اس لئے وہ ہمارے سے دور تو نہیں‌ہیں۔ اگر کسی خاص نظم/غزل کی ضرورت ہوئی تو ضرور درخواست کر لیں گے۔

اللہ آپ کو خوش رکھے، آمین

 

قہقہوں کے تیر برسائے تو گھائل میں بھی تھا
اشک جب وہ بانٹنے نکلا تو سائل میں بھی تھا

رات بھر لڑتا رھا ھوں باغیوں کی فوج سے
صبح دم دیکھا تو خود اپنے مقابل میں‌بھی تھا

کفر تھا سورج جہاں اور روشنی مصلوب تھی
اس جہان سرد میں اک برف کی سل میں بھی تھا

وہ بھی تھا دشمن مرا ، مجرم مرا ، قاتل مرا
اپنا دشمن ، اپنا مجرم ، اپنا قاتل میں بھی تھا

چاند پر اپنی سیاھی پھینکنا پھر ناچنا
جشن اندھی رات کا تھا اور شامل میں بھی تھا

حبس اتنا تھا کہ دی وحشی ھواؤں کو صدا
پھر وھاں زخمی شجر تھے اور گھائل میں بھی تھا

کیسے ھوتیں پھر بیاض دل کی تفسیریں رشید
وہ بھی لب بستہ تھا اور کچھ حرف مشکل میں بھی تھا

 

واہ بہت خوب خوشی۔

بہت شکریہ اتنی اچھی غزل پیش کرنے پر۔

 

بہت شکریہ ساگراج جی پسندیدگی کے لئے ،آپ نے ہمیشہ میرا حوصلہ بڑھایا ھے شکریہ بڑی نوازش

 

بہت ہی خوب۔۔آداب عرض ہے۔۔!

 

بہت شکریہ مبارز جی

 

:a180:

بہت خوب خوشی جی
۔۔۔اچھا انتخاب ہے

 

بہت شکریہ بے باک جی

 

وہ شخص کہ میں جس سے محبت نہیں کرتا
ہنستا ھے مجھے دیکھ کے نفرت نہیں کرتا

گھر والوں کو غفلت پہ سبھی کوس رہے ھیں
چوروں کو مگر کوئی ملامت نہیں کرتا

دیتے ھیں اجالے میرے سجدوں کی گواہی
میں چھپ کے اندھیروں میں عبادت نہیں کرتا

بھولا نہیں میں ‌آج بھی آدابِ جوانی
میں‌ آج بھی اوروں کو نصیحت نہیں کرتا

دنیا میں قتیل اس سا منافق نہیں کوئی
جو ظلم تو سہتا ھے بغاوت نہیں کرتا

 

واہ ۔ بہت خوب کلام ہے قتیل شفائی کا۔
بہت اچھا انتخاب ہے۔ :a180:

 

بہت خوبصورت غزل ہے۔
خوشی بہت شکریہ شئیر کرنے پر۔

آپ کا انتخاب ہمیشہ لاجواب ہوتا ہے :mashallah:

 

بہت شکریہ ساگراج جی بڑی نوازش ، پسندیدگی آپ کے اعلی ذوق کی بھی نشاندہی کرتی ھے

 

:a180: :a180:

بہت خوب انتخاب ہے آپکا خوشی جی ۔۔۔واہ واہ

 

بہت شکریہ بے باک جی بڑی نوازش

 

بہت خوب خوشی جی۔۔کیا بات ہے جناب کی!

 

بہت شکریہ مبارز جی بڑی نوازش

 

مزید کچھ شیئر کریں جناب۔۔

 

مجھے حوصلہ تو دیتے جو مرے شریکِ غم ھیں
میں بھگت رہا ہوں تنہا جو عذاب بیش وکم ھیں

کوئی پھول جیسی تتلی نہ ستارے جیسا جگنو
تیرے بعد بس اندھیرے سرِ باغ ہم قدم ھیں

مجھے چھوڑنے سے پہلے یہ جتا دیا تھا اس نے
یہ کٹھن رہ سفر ھے اس میں پیچ وخم ھیں

جو بچا رہے ھیں شمعوں کو ہوا کی دسترس سے
وہی لوگ ھیں ‌معزز وہی شہر محترم ھیں

مرا کمرہ بارشوں میں کبھی بھیگتا نہیں ھے
مری ادھ کھلی بیاضیں مرے آنسوؤں سے نم ھیں

جسے چاہنے کے غم سے مری الجھنیں بڑھی ھیں
وہی مجھ سے پوچھتا ھے تمہیں اور کتنے غم ھیں

 

خوشی جی ۔ بہت اچھا انتخاب ہے۔
ہوسکے تو شاعر تک میری طرف سے داد پہنچا دیجئے گا ۔ :a180:

 

بہت شکریہ نعیم رضا صاحب

 

بہت خوب جناب۔۔۔ :happy:

 

خوشی آپی ۔ اچھا کلام ارسال کرنے کے لیے شکریہ ۔ :a180:

 

مبارز جی بہت شکریہ اس پسندیدگی کا


شکریہ نیلو جی

 

وہ بجھے گھروں کا چراغ تھا یہ کبھی کسی کو خبر نہ ہو
اسے لے گئی ھے کہاں ہوا یہ کبھی کسی کو خبر نہ ہو

کئی لوگ جان سے جائیں گے مرے قاتلوں کی تلاش میں
مرے قتل میں میرا ہاتھ تھا یہ کبھی کسی کو خبر نہ ہو

وہ تمام دنیا کے واسطے جو محبتوں کی مثال تھا
وہی اپنے گھر میں تھا بے وفا یہ کبھی کسی کو خبر نہ ہو

کہیں مسجدوں میں شہادتیں کہیں مندروں میں عدالتیں
یہاں کون کرتا ھے فیصلہ یہ کبھی کسی کو خبر نہ ہو

مرے پاس جتنی ھے روشنی ھے یہی چراغ کی زندگی
میں کہاں چلا میں کہاں بجھا یہ کبھی کسی کو خبر نہ ہو

مجھے جان کے کوئی اجنبی وہ دکھا رھے ھیں گلی گلی
اسی شہر میں مرا گھر بھی تھا یہ کبھی کسی کو خبر نہ ہو

وہ سمجھ کے دھوپ کے دیوتا مجھے آج پوجنے آئے ھیں
میں چراغ ہوں تری شام کا یہ کبھی کسی کو خبر نہ ہو

 

واہ کیا بات ہے!!! :hpy:

 

بہت شکریہ مرزا آپی

 

بہت خوب خوشی صاحبہ ۔ بہت عمدہ کلام ہے۔
آپ کا انتخاب ماشاءاللہ ہمیشہ ہی عمدہ ہوتا ہے۔

 

خوشی آپی واہ بہت خوب :a180: