بیت بازی

یاروں کی بے پناہ نوازش کے باوجود
میری تباہیوں میں مرا اپنا ہاتھ ہے​

 

یاد رکھ اے دلِ پُر شوق! یہ اِک بات مِری
دامن اُن کا جو چُھٹا، پھر نہیں ہاتھ آنے کا​

 

یہ بھی ممکن ہے کسی روز نہ پہچانوں اُسے
وہ جو ہر بار نیا بھیس بدل لیتا ہے​

 

وہ جو بے رُخی کبھی تھی، وہی بے رُخی ہے اب تک
مِرے حال پر عنایت، کبھی تھی، نہ ہے، نہ ہو گی​

 

نَزع کے وقت کہیں آپ پہ الزام نہ آئے
اِس گھڑی آپ نہ تکلیف کریں آنے کی​

 

اوروں کا ہاتھ تھامو ، اُنہیں راستہ دکھاؤ
میں بھول جاؤں اپنا ہی گھر تم کو اِس سے کیا؟​

 

آمد بہار کی ہے جو بلبل ہے نغمہ سنج
اڑتی سی اک خبر ہے زبانی طیور کی

 

یہ انتخاب عجب تھا مزاجِ فطرت کا
چُنا، تو ایک مِرا دل تِری جفا لے لئے​

 

یہ کیا کہ حکم بھی کرنا تو التجا کی طرح
انیس یوں نہ سراہو اسے خدا کی طرح

 

حُسن والوں کو نزاکت کی ادائیں بخش کر
رکھ دیا قدرت نے سینے میں جِگر فولاد کا
اب تو اے صیّاد تیرے دل میں ٹھنڈک پڑ گئی
اُٹھ گیا گلشن سے بستر بُلبلِ ناشاد کا​

 

افلاک سے آتا ہے نالوں کا جواب آخر
کرتے ہیں خطاب آخر، اٹھتے ہیں حجاب آخر
احوال محبت میں‌کچھ فرق نہیں ایسا
سوز و تب و تاب اول ، سوز و تب و تاب آخر
(اقبال)

 

رہے گا راوی و نیل و فرات میں کب تک
تِرا سفینہ کہ ہے بحرِ بیکراں ‌کے لئے

(اقبال)​

 

یہ کیا قیامت ہے باغبانو کہ جن کی خاطر بہار آئی
وہی شگوفے کھٹک رہے ہیں تمھاری آنکھوں میں خار بن کر

 

رفتہ رفتہ اُٹھ گئے خود، جو اُٹھاتے تھے مجھے
کوچہءِ جاناں میں آخر کام آیا، بیٹھنا
آدمیّت کے تقاضے، بے سبب ہوتے نہیں
کام آتا ہے کسی دن، سب میں اُٹھنا بیٹھنا​

 

آئے تھے وہ نظر مجھے پھولوں کے آس پاس
دیکھا قریب جا کے تو پرچھائیاں ملیں

 

نہ اتنی تیز چلے سَر پھری ہوا سے کہو
شجر پہ آخری پتّا دکھائی دیتا ہے​

 

یہاں رہوں گا تو پھر تیرے تذکرے ہوں گے
اگر کہو تو تِرا شہر چھوڑ جاؤں میں ؟ ؟​

 

نظر جس طرف کر کے تم نگاہیں پھیر لیتے ہو
قیامت تک پھر اس دل سے پریشانی نہیں جاتی​

 

یقین کر کہ یہ کہنہ نظام بدلے گا
میرا شعور مزاجِ عوام بدلے گا

 

اے جذبہءِ دل گر میں چاہوں، ہر چیز مقابل آ جائے
منزل کے لئے دوگام چلوں، اور سامنے منزل آ جائے​