بیت بازی - حصہ دوم

نکلنا خلد سے آدم کا سنتے آئے ہیں لیکن
بہت بے آبرو ہو کر ترے کوچے سے ہم نکلے
(چچا)

 

یاد نے آ کر یکایک پردہ کھینچا دور تک
میں بھری محفل میں بیٹھا تھا کہ تنہا ہو گیا

 

اپنے دل کو بھی بتاؤں نہ ٹھکانا تیرا
سب نے جانا جو پتا ایک نے جانا تیرا
(داغ دہلوی)

 

ابھی سر کا لہو تھمنے نہ پایا
ادھر سے ایک پتھر اور آیا
محشر بدایونی

 

اتنی سی بات پہ اچھی نہیں شوریدہ سری
شام کو چڑیاں تو سب اپنے ہی گھر آتی ہیں
(فرزانہ نیناں)

 

نہ اب وہ یادوں کا چڑھتا دریا نہ فرصتوں کی اداس برکھا
یوں ہی ذرا سی کسک ہے دل میں جو زخم گہرا تھا بھر گیا وہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ناصر کاظمی

 

ہم یہ سمجھے ہمارے جانے سے
اک خلا ہوگی پر نہیں ہوگی

زنیرہ "گُل"

 

یہ زائران علی گڑھ کا خاص تحفہ ہے
مری غزل کا تبرک دلوں کی برکت ہے
(بشیر بدر)

 

یاد اس کی اتنی خوب نہیں میر باز آ
نادان پھر وہ دل سے بھلایا نہ جائے گا

 

اب کے ہم بچھڑے تو شائد کبھی خوابوں میں ملیں
جس طرح سوکھے ہوئے پھول کتابوں میں ملیں

 

بہت پہلے سے اِن قدموں کی آہٹ جان لیتے ہیں

تجھے اے زندگی ہم دُور سے پہچان لیتے ہیں

(فِراقؔ گورکھ پوری)​

 

نہ تو زمیں کے لیے ہے نہ آسماں کے لیے
جہاں ہے تیرے لیے تو نہیں جہاں کے لیے
اقبالؒ

 

یہ کیا کہ اِک جہاں کو کرو وقفِ اضطراب

یہ کیا کہ ایک دل کو شکیبا نہ کرسکو

(صوفی غلام مصطفیٰ تبسم)​

 

ہ شیفتہ کہ دھوم ہے حضرت کے زہد کی
میں کیا کہوں کہ رات مجھے کس کے گھر ملے
شیفتہ

 

یہ کیا جگہ ہے دوستو یہ کونسا دیار ہے

حدِ نگاہ تک جہاں غبار ہی غبار ہے

(شہریار)​

 

یہ گھرہے اردو دانوں کا اردو کے مہمانوں کا
آکے تو دیکھئے ذرا خمار ہی خمار ہے

زنیرہ

 

یقیناً صحیح ،دُرست ،سچ اور بجاجناب

الفاظ ہیں یہ آپ کے مہکے ہوئے گلاب​

 

بارہا گورِ دل جھنکا لایا!!!
اب کے شرطِ وفا بجا لایا

 

اثر اس کو ذرا نہیں ہوتا
رنج راحت فزا نہیں ہوتا

 

اس نے کیا جانے کیا کیا لے کر
دل کسی کام کا نہیں ہوتا

 

ایسی تاریکیاں آنکھوں میں بسی ہیں کہ فرازؔ
رات تو رات ہے ہم دن کو جلاتے ہیں چراغ

 

غمِ دنیا سے گر پائی بھی فرصت سر اٹھانے کی
فلک کا دیکھنا تقریب تیرے یاد آنے کی

 

یارب یہ جتنے گھر ہیں اجالوں سے دور دور
اتنی ہی روشنی میں ستاروں سے چھین لوں
جتنے غریب تن ہیں لبادوں سے بے نیاز
اتنی ہی چادریں میں مزاروں سے چھین لوں

 

نہ پوچھ ان خرقہ پوشوں کی ارادت ہو تو دیکھ ان کو
یدِبیضا لیے بیٹھے ہیں اپنی آستینوں میں

 

نازکی اس کے لب کی کیا کہیے
پنکھڑی اک گلاب کی سی ہے

 

یہاں کسی کو بھی کچھ حسب آرزو نہ ملا
کسی کو ہم نہ ملے اور ہم کو تو نہ ملا

 

اپنا بھی ہے نکھار جو ان کا سنگار ہے
ہم کو بھی حوصلہ ہے جو ان کو امنگ ہے

 

یہاں سب سے الگ سب سے جدا ہونا تھا مجھ کو
مگر کیا ہو گیا ہوں اور کیا ہونا تھا مجھ کو

 

وہ شیفتہ کہ دھوم ہے حضرت کے زہد کی
میں کیا کہوں کہ رات مجھے کس کے گھر ملے