بیت بازی - حصہ دوم

اقبال ڈے کی مناسبت سے ،،
انوکھی وضع ہے ، سارے زمانے سے نرالے ہیں
یہ عاشق کون سی بستی کے یا رب رہنے والے ہیں

اقبال​

 

ناوک نے تیرے صید نہ چھوڑا زمانے میں
تڑپے ہے مرغ قبلہ نما آشیانے میں

 

بار دیگر خوش آمدید

 

نہ گل کھلے ہیں نہ ان سے ملے نہ مے پی ہے
عجیب رنگ میں اب کے بہار گزری ہے

 

یہ سُناجو حضرت ِ داغ نے کہ حضور کعبے کو جائیں گے
یہی ذکر ہے یہی فکر ہے، شب و روز عزم ِ سفر سےخُوش
داغ دہلوی

 

شب وصل کیا جانے کیا یاد آیا
وہ کچھ آپ ہی آپ شرما رہے ہیں
جاوید لکھنوی

 

نہ تو زمیں کے لیے ہے نہ آسماں کے لیے
جہاں ہے تیرے لئے تو نہیں جہاں کے لیے
(علامہ اقبال)

 

یہ نشانِ عشق ہیں جاتے نہیں
داغ چھاتی کے عبث دھوتا ہے کیا

 

آج ہم دار پہ کھینچے گئے جن باتوں پر
کیا عجب کل وہ زمانے کو نصابوں میں ملیں
(احمد فراز)

 

نہیں تیرا نشیمن قصر سلطانی کے گنبد پر
تو شاہیں ہے بسیرا کر پہاڑوں کی چٹانوں میں

 

نہ گئی تیرے غم کی سرداری
دل میں یوں روز انقلاب آئے
(فیض احمد فیض)

 

یہ جو رات دن کا ہے کھیل سا، اسے دیکھ، اس پہ یقین نہ کر
نہیں عکس کوئی بھی مستقل، سرِ آئینہ، اُسے بھول جا

 

آئے کچھ ابر کچھ شراب آئے
اس کے بعد آئے جو عذاب آئے
(فیض احمد فیض)

 

یہی کہہ دے نہ اک دن اے ستمگر
تری حاجت کا برلانا برا ہے
حسرت موہانی

 

یاں کے سپید و سیہ میں ہم کو دخل جو ہے سو اتنا ہے
رات کو رو رو صبح کیا یا دن کو جوں توں شام کیا
(میر تقی میر)

 

اس کی چاہت کی چاندنی ہوگی
خوب صورت سی زندگی ہوگی
بشیر بدر

 

یک نظر بیش نہیں فرصت ہستی غافل
گرمیٔ بزم ہے اک رقص شرر ہوتے تک
(چچا غالب)

 

کسی بہار سے تسکین آرزو نہ ہوئی
جو پھول صبح کھلے‘ شام کو پرائے لگے
سلیم ‌احمد

 

یہ بھی نیا ستم ہے حنا تو لگائیں غیر
اور اس کی داد چاہیں وہ مجھ کو دکھا کے ہاتھ
(نظام رامپوری)

 

حیرت ہے کل سے یہاں پر کوئی آیا ہی نہیں۔

 

ہم دوہری اذیت کے گرفتار مسافر
پاوں بھی شل ، شوق_ سفر بھی نہیں جاتا
دل کو تیری چاہت پہ بھروسہ بھی بہت ہے
اور تجھ سے بچھڑنے کا ڈر بھی نہیں جاتا

 

امید تو بندھ جاتی تسکین تو ہو جاتی
وعدہ نہ وفا کرتے وعدہ تو کیا ہوتا

 

اسی کی ذات سے منسوب ہیں تمام قصے
وہی ایک شخص ٬ سرمایہِ حیات ٹھہرا..

 

‏یہ جو ٹھہراؤ بظاہر ہے، اذیت ہے میری
جو تلاطم میرے اندر ہے ، سکُوں ہے میرا

 

ہم نے بھی دست شناسی کے بہانے کی ہیں
ہاتھ میں ہاتھ لیے پیار سے باتیں کیا کیا
(احمد فراز)

 

آس کا پنچھی اُڑتے اُڑتے دور اُفق میں ڈوب گیا
روتے روتے بیٹھ گئی آواز کس سودائی کی

 

یہ جنت مبارک رہے زاہدوں کو
کہ میں آپ کا سامنا چاہتا ہوں
(علامہ اقبال)

 

نئی عمروں کی خود مختاریوں کو کون سمجھائے
کہاں سے بچ کے چلنا ہے کہاں جانا ضروری ہے
وسیم بریلوی