امریکہ کےلیےاماں جیراں کی بددعائیں

نعیم · ‏11 مئی 2009

مسز مرزا نے کہا ہے:

ویسے اماں جیراں سے معذرت کے ساتھ۔۔۔لڑی کو گپ شپ کی نذر کرنا تو نہیں چاہیئے لیکن پھپھو سے یاد آیا نئی ویڈیو میں فائزہ بیٹی کی بات سن کر فہیم کا ہاسا چھوٹ گیا تھا :hasna: ۔۔۔۔میری بیٹی اسی لیئے اپنے سارے بھایئوں کو کہتی ہے کہ خبردار جو تمھارے بچوں میں سے کسی نے مجھے پھوپھو کہا :hasna: :hasna: :hasna:
Click to expand...

:201: بہنا جی ۔ اب آپ تیار ہوجائیں۔ اگلی ویڈیو میں ایک اور پھوپھو کو ہیلو کہے گی فائزہ بیٹی ۔ :201:

خوشی · ‏15 مئی 2009

آزاد نے کہا ہے:

شاید یہاں کسی کو محسوس ہوا ہو کے یہ بددعائیں اصلی ہیں یا پھر قبول ہو جائیں گی ۔ جبکہ میں نے اور بے باک بھائی نے جو بھی اِس لڑی میں ارسال کیا ہے وہ طنز و مزاح کی صورت میں ہے۔ یہ سب آپ خواتین اور حضرات کی تفریح کے لیے تھا۔ میں تو خود اِس وقت امریکہ میں رہتا ہوں۔ :201: :201: :201: لیکن امریکہ کی غلط پالیسیوں پریہاں گوروں اور اب کالوں کو کھری کھری سنا بھی دیتا ہوں۔ جس کا اپنا ہی "صواد" ہے :a191: :201: :201: :201: :201:
Click to expand...

ارے نہیں‌ آزاد جی ہم نے بھی اسے اسی رنگ میں لیا جس رنگ میں‌آپ نے لکھا تھا

میرا مطلب ھے ہرا رنگ میں
:happy: :happy:

عباس حسینی · ‏16 مئی 2009

بہت خوب۔۔۔۔۔۔۔۔بہت خوب
واقعی لطف آیا۔۔۔۔۔۔۔۔۔۔۔
دشمن اور ظالم کو بددعا دینے میں‌کوئ مضائقہ نہیں۔۔۔۔۔میرے خیال میں۔۔۔۔۔۔کیونکہ قرآن سر عام ظالموں پر لعنت کرتا ہے۔۔۔اور قرآن کا ھر فعل ہمارے لئے حجت ہے۔۔۔

تانیہ · ‏7 مئی 2011

جواب: امریکہ کےلیےاماں جیراں کی بددعائیں

آزاد جی بہت زبردست اور مزےدار شیئرنگ ہے
اچھی لگی اور ہنسی آئی بےاختیار
تھینکس:a165:

سیما · ‏7 مئی 2011

جواب: امریکہ کےلیےاماں جیراں کی بددعائیں

آزاد نے کہا ہے: ↑

امریکہ کےلیےاماں جیراں کی بددعائیں
گل نوخیز اختر
اس میں کوئی شک نہیں کہ اماں جیراں ایک universal turth ہے۔سیاست کا جتنا اُسے پتا ہے اِتنا تو شائد خود سیاست کوبھی نہیں ہوگا۔۔۔۔۔ اماں کی دوچیزیں محلے میں بڑی مشہور ہیں۔۔۔۔۔ پہلی چیز ہے بددعائیں۔۔۔۔۔اور دوسری بھی یہی ہے۔۔۔۔۔!!!

اماں”بددعا سپیشلسٹ“ہے۔۔۔۔۔اِیسی اِیسی بد دعا مانگتی ہے کہ عرش کوبھی مخمصے میں ڈال دیتی ہے۔ اماں کی بددعا کی بدولت بے شمار لوگ کیفرکردار تک پہنچ چکے ہیں۔ سنا ہے اماں کی زبان بچپن سے ہی کالی ہے۔۔۔۔۔اتنی زیادہ کہ بچپن میں ایک دفعہ اماں کے باپ نے اُسے زور سے تھپڑ مارا۔۔۔۔۔ اماں نے روتے ہوئے دعا کی۔۔۔۔۔”اللہ کرے ہمارا ابا مر جائے“۔۔۔۔۔اگلے دن ساتھ والا ہمسایہ مرگیا۔۔۔۔۔!!!

میں اماں کی بددعاوں کا بہت قائل ہوں کیونکہ میں نے اپنی آنکھوں کے سامنے اماں کی بددعاوں کو رنگ لاتے دیکھا ہے، ابھی پچھلے دنوں اماں نے محلے کی ایک لڑکی کولڑائی کے دوران بددعا دی تھی کہ۔۔۔۔۔”جا۔۔۔۔۔اللہ کرے تو کسی گھٹیا ، شرابی اور جواری کے ساتھ بیاہی جائے۔۔۔۔۔ “سنا ہے دودن بعد ہی لڑکی کے لیے قومی کرکٹ ٹیم کے ایک کھلاڑی کا رشتہ آگیا۔

جب تک اماں کے دل سے کوئی پوری طرح سے نکل نہ جائے،اماں بددعانہیں دیتی۔ اُس کا کہنا ہے کہ بددعا کے لیے نفرت،پہلی شرط ہے اور نفرت بھی وہ جوخلوص ِدل سے کی جائے۔ عراق پرامریکی بمباری کے روز سے اماں مسلسل مجھ سے رابطے میں ہے، روزتازہ صورتحال پوچھتی ہے اور میں روز اُسے بتاتا ہوں کہ اماں آج امریکہ اتحادیوں نے بغداد پر تین سو میزائل فائر کیے۔۔۔۔۔ آج بصرہ پر ڈیزی کٹر بم مارا گیا۔۔۔۔۔آج ام قصر میں لڑائی جاری ہے۔۔۔۔۔اماں بڑے غورسے یہ خبریں سنتی ہے، کل اس نے اِسی طرح جنگ کی تازہ ترین صورتحاک سننے کے بعد ایک ہنکارہ بھرا اور عینک درست کرتے ہوئے مجھ پوچھا!
”یہ بتا۔۔۔۔۔ یہ امریکہ اچھا کررہا ہے یابرا۔۔۔۔۔؟؟؟“
میں گھبراگیا۔۔۔۔۔اور اِدھراُدھر دیکھ کر محتا ط لہجے میں کہا۔۔۔۔۔”بس اماں۔۔۔۔۔یہ تو نہیں پتا کہ کون برا کررہا ہے۔۔۔۔۔لیکن بہرحال عراق کے ساتھ براہورہاہے“
اماں نے تیکھی نظروں سے میری طرف دیکھا اور قریب پڑا ہوا جھاڑو اُٹھا لیا۔۔۔۔۔”ابے منحوس ۔۔۔۔۔ سیدھی طرح سے بتا کہ امریکہ اچھا کررہاہے برا۔۔۔۔۔؟؟؟“
میری جان نکل گئی۔۔۔۔۔میں نے جلدی سے گھگھیا کرکہا۔۔۔۔۔”بب۔۔۔۔۔برا کررہا ہے ۔۔۔۔۔ بہت براکررہاہے ۔۔۔۔۔امریکہ۔۔۔۔۔“

”ہوں۔۔۔۔۔“اماں نے کچھ سوچا اور پھر جھاڑو نیچے رکھ کر جھولی پھیلالی۔۔۔۔۔میں کانپ گیا۔۔۔۔۔یہ اماں کا خاص سٹائل تھا اور اِس کاایک ہی مطلب تھا کہ اب اماں کی بددعا شروع ہونے والی ہے۔میں نے جلدی سے اماں کے آگے ہاتھ جوڑ دیے۔۔۔۔۔”خدا کے لیے میرے واسطے بددعا نہ کرنا۔۔۔۔۔پہلے ہی دودن سے بڑے اُلٹے سیدھے خواب آرہے ہیں۔۔۔۔۔“
اماں نے جھولی مزید پھیلائی اور میری طرف دیکھ کرآنکھ مارتے ہوئے بولی۔۔۔۔۔”یہ خصوصی بددعا تیرے لیے نہیں،امریکی اتحادیوں کے لیے ہے۔۔۔۔۔دیکھتا جا۔۔۔۔۔اب”بددعا“عرش پہ جاتی ہے اثر لانے کو ۔۔۔۔۔“اماں گنگنائی اور پورے خشوع وخضوع کے ساتھ شروع ہوگئی۔۔۔۔۔!!!

اللہ کرے۔۔۔۔۔امریکیوں کے ٹینکوں میں کیڑے پڑیںاللہ کرے۔۔۔۔۔صدربش کے تالومیں چھالا نکل آئے
اللہ کرے۔۔۔۔۔اتحادی فوجیوں کو بواسیر ہوجائے
اللہ کرے۔۔۔۔۔رمزفیلڈکی ایک اور شادی ہو۔۔۔۔۔ شادی کی رات وہ دلہن کا گھونگھٹ اُٹھائے۔۔۔۔۔آگے سے صدام نکل آئےاللہ کرے۔۔۔۔۔سارے امریکی فوجی اپنے جہازوں کی طرح ”جہاز“ ہوجائیں
اللہ کرے۔۔۔۔۔بش ،پیزا کھائے تو اُسے ”گوئے“ کا سواد آئے
اللہ کرے۔۔۔۔۔ٹونی بلیر کچن کو باتھ ورم اور چولہے کو کموڈ سمجھنے لگے
اللہ کرے۔۔۔۔۔کولن پاول کے لوٹے میں مرچیں پڑیںاللہ کرے۔۔۔۔۔جوامریکی فوجی ”بصرہ“ میں داخل ہو، اُسے خسرہ“نکل آئے
اللہ کرے۔۔۔۔۔پینٹاگون کی”پینٹ“۔۔۔۔۔گون ہوجائے
اللہ کرے۔۔۔۔۔کوفی عنان کا نام۔۔۔۔۔ ”بیوقوفی عنان“پڑجائے
اللہ کرے۔۔۔۔۔ٹومی فرینکس کویکدم یاد آجائے کہ اُس کا باپ”کون کون“ ہے
اللہ کرے۔۔۔۔۔صحرائی بچھو امریکی فوجیوں کی پینٹوں میں گھس کر”اِنی“ پادیں
اللہ کرے۔۔۔۔۔گدھوں کی عالمی ریس ہو۔۔۔۔۔ سی این این فرسٹ اور بی بی سی سیکنڈ آئے

قارئین سرکار!
یہ سراسر اماں جیراں کی بددعائیں ہیں جو میں نے جوں کی توں آپ تک پہنچادی ہیں،اگراِن میں سے ایک بھی بددعا قبول ہوگئی تو کم از کم میں تو اماں کے ہاتھ پر فوراَ بیعت کرلو ں گا۔

نوٹ:- "گل نوخیز اختر" کا یہ مزاحیہ اور طنزیہ کالم "قمراحمد (آزاد)" نے ہماری اُردو کے دوستوں کے لیے خصوصی طور پر ٹائپ کیا۔
خوش رہیں، مسکراتے رہیں۔ آمین
Click to expand...

ھاھاھاھاھھاھا کیا بات ہے بہت خوبصورتئ سے لکھا ہے

لاگ ان یا شمولیت

امریکہ کےلیےاماں جیراں کی بددعائیں

نعیم مشیر

خوشی ممبر

عباس حسینی ممبر

تانیہ ناظم سٹاف ممبر

سیما ممبر

اس صفحے کو مشتہر کریں