لفظ “شام “ پر شعر لکھیں

آئیے ۔ اس لڑی میں ہم لفظ “شام“ پر شعر لکھیں۔ یعنی کوئی ایسا شعر جس میں “شام“ کا ذکر ضرور آئے۔ میں آغاز کرتا ہوں۔

شام ہوتے ہی چراغوں کو بجھا دیتا ہوں
دل ہی کافی ہے تیری یاد میں جلنے کیلئے

 

یہ شام اور تیرا نام دونوں کتنے ملتے جلتے ہیں
تیرا نام نہیں‌لوں گا بس تجھ کو شام کہوں گا

 

میرے شام و سحر میں ترا نام نہیں

کبھی کاش مجھے تو مل جائے
میرے دل کی کلی بھی کھل جائے
اور مجھے اس سزا سے پناہ ملے
کہ مرے شام و سحر میں ترا نام نہیں

پوری اپنی شاعری کی لڑی میں لکھوں گی :91:

 

تو ہے سورج تجھے معلوم کہاں رات کا دکھ
تو کسی روز میرے گھر میں اتر شام کے بعد

 

بس ایک موتی سی چھب دکھا کر بس ایک میٹھی سی دھن سنا کر
ستارۂ شام بن کے آیا برنگِ خوابِ سحر گیا وہ

 

یہ دل ہے مرا یا کسی کٹیا کا دیا ہے
بُجھتا ہے دمِ‌صبح تو جلتا ہے سرِشام

 

عجب ہے وحشتِ جاں بھی کہ عادت ہوگئی دل کو
سکوتِ شامِ غم سے ہم نوائی مانگتے رہنا

 

شام ہی سے بجھا سا رہتا ہے
دل ہے گویا چراغ مفلس کا

 

صبح ہوتی ہے شام ہوتی ہے
عمر یوں ہی تمام ہوتی ہے

 

شام ہوتی ہے تو چپکے سے چلی آتی ہیں
اپنی یادوں سے کہو یوں ستایا نہ کریں

 

کیوں‌راستہ دیکھا کیا، اس کا میں سرِ شام
بے درد کا مجھ سے کوئی پیماں تو نہیں تھا

 

اداسی میں گِھرا تھا دل چراغِ شام سے پہلے
نہیں تھا کچھ سرِ محفل چراغِ شام سے پہلے
(امجد)

 

شام سے آنکھ میں نمی سی ہے
پھر آج آپ کی کمی سی ہے
دفن کر دو ہمیں کہ سانس ملے
نبض کچھ دیر سے تھمی سی ہے
وقت رہتا نہیں کہیں ٹک کر
اس کی عادت بھی آدمی سی ہے

 

واہ چیٹر بھائی ۔ زبردست۔

شام سے پہلے تلک خواہ سلائے رکھیں
جاگ اٹھتی ہے محبت کی انا شام کیبعد

 

اور ہم بیٹھ کے خاموشی سے روئے جاتے
شام ہوتی، کسی دریا کا کنارا ہوتا

 

گلی گلی مری یاد بچھی ہے پیارے رستہ دیکھ کے چل
مجھ سے اتنی وحشت ہے تو میری حدوں سے دور نکل
یاد ہے اب تک تجھ سے بچھڑنے کی وہ اندھیری شام مجھے
تو خاموش کھڑا تھا لیکن باتیں کرتا تھا کاجل​

 

بہت خوب۔ بہت عرصے بعد یہ شعر یاد آئے ہیں۔

اُجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہو جائے​

 

شامِ فراق، اب نہ پوچھ، آئی اور آکے ٹل گئی
دل تھا کہ پھر بہل گیا، جاں تھی کہ پھر سنبھل گئی

بزمِ خیال میں ترے حسن کی شمع جل گئی
درد کا چاند بجھ گیا، ہجر کی رات ڈھل گئی

 

دن گزر جاتا ہے لیکن تیری دیوانی کی
شام ہوتی ہے تو وحشت نہیں دیکھی جاتی

 

زندگی ہے ایک سنگم پر حیات و موت کے
شام ہے شامِ غریباں، صبح صبحِ عید ہے

 

یونہی بے سبب نہ پھرا کرو کوئی شام گھر بھی رہا کرو
وہ غزل کی سچی کتاب ہے اسے چپکے چپکے پڑھا کرو

 

یاد آ کر رہ گئی ہے بے خودی کی ایک شام
تیری عصمت ہو کہ ہو میرے ہنر کی چاندنی

 

تو نے دیکھا ھے کبھی ایک نظر شام کے بعد
کتنے چپ چاپ سے لگتے ھیں شجر شام کے بعد
اتنے چپ چاپ کہ رستے بھی رہیں گے لا علم
چھوڑ جائیں گے کسی روذ نگر شام کے بعد
شام سے پہلے تھا وہ مست اپنی اڑانوں میں
جس کے ہاتھوں میں تھے ٹوٹے ہوئے پر شام کے بعد
رات بیتی تو گنے آبلے اور سوچا ھم نے
کون تھا باعث آغاز سفر شام کے بعد
میں نے ایسے ہی گناہ تیری جدائی میں کئے
جیسے طوفاں میں کوئی چھوڑے شہر شام کے بعد
تو تو سورج ھے، تجھے معلوم کہاں رات کا دکہ
تو کسی روذ میرے گھر میں اتر شام کے بعد
لوٹ آئےنہ کسی روز وہ آوارہ مزاج
کھول رکھتے ھیں اسی آس پہ در شام کے بعد

 

اس شام وہ رخصت کا سماں یاد رہے گا
وہ شہر، وہ کوچہ ، وہ مکاں یاد رہے گا

وہ ٹیس کہ ابھری تھی ادھر یاد رہے گی
وہ درد کہ اٹھا تھا یہاں یاد رہے گا​

 

میں شام یادوں کے جنگلوں میں گذارتا ہوں‘ کہ کچھ لکھوں گا
یہ شہر سارا ہی سو چکا ہے میں جاگتا ہوں کہ کچھ لکھوں گا
بہار رُت کے وہ خواب سارے جو میری پلکوں پہ آ سجے تھے
وہ خواب آنکھوں میں جل چکے ہیں میں جل رہا ہوں کہ کچھ لکھوں گا
میں پچھلے موسم کی بارشوں کو پھر اپنی آنکھوں میں لا رہا ہوں
کہ اب کے ساون کی رُت میں‘ میں بھی یہ سوچتا ہوں کہ کچھ لکھوں گا
عجیب رُت ہے جدائیوں کی‘ عذاب دن ہیں عذاب راتیں
میں چند مہمل سے لفظ لکھ کر یہ سوچتا ہوں کہ کچھ لکھوں گا
میں لفظ پلکوں سے چن رہا ہوں‘ میں خواب کاغذ پہ بُن رہا ہوں
میں تیری آہٹ بھی سن رہا ہوں میں جانتا ہوں کہ کچھ لکھوں گا
وہ سارے رستے کہ جن پہ ہم تم چلے تھے چاہت کے سنگ عاطف
میں اب جو اُن پر کبھی گیا تو یہ جانتا ہوں کہ کچھ لکھوں گا

 

رات ہوئی شام کے بعد
تیری یاد آئی ہر بات کے بعد
ہم نے خاموش رہ کر بھی دیکھا
تیری آواز آئیہر سانس کے بعد