لفظ “شام “ پر شعر لکھیں

کیسے بھر آئیں سر شام کسی کی آنکھیں
کیسے تھرائی چراغوں کی ضیا یاد نہیں

 

شام ہوتے ہی چراغوں کو بجھا دیتا ہوں
دل ہی کافی ہے تیری یاد میں جلنے کیلئے

 

شام تک قید رھا کرتے ھیں دل کے اندر
درد ھو جاتے ھیں سارے ہی رھا شام کے بعد

 

لوت آتی ھے مری شب کی عبادت خالی
جانے کس عرش پہ رہتا ھے خدا شام کے بعد

 

وعدہ وہ کرگئے ہیں قمر مجھ سے شام کا
کیسے کٹیں گے چار پہر انتظار کے

استاد قمر جلالوی

 

میرے ساتھ تم بھی دعا کرو ، یوں کسی کے حق میں برا نہ ہو
کہیں اور ہو نہ یہ حادثہ ، کوئی راستے میں جدا نہ ہو
میرے گھر سے راستے کی سیج تک ، وہ اک آنسو کی لکیر ہے
ذرا بڑھ کے چاند سے پوچھنا ، وہ اسی طرف سے گیا نہ ہو
سرِ شام ٹھری ہوئی زمیں ، آسماں ہے جھکا ہوا
اسی موڑ پر مرے واسطے ، وہ چراغ لے کر کھڑا نہ ہو

 

یہ شعر تھا ؟ :139:

 

یہ اشعار کچھ یوں ھیں پیشگی معذرت غلطی نکالنے کی


سرشام ٹھہری ہوئی زمیں جہاں آسماں ھی جھکا ہوا
اسی موڑ پر مرے واسطے وہ چراغ لے کے کھڑا نہ ہو

مری چھت سے رات کی سیج تک کوئی آنسوؤں کی لکیر ھے
ذرا بڑھ کے چاند سے پوچھنا وہ اسی طرف سے گیا نہ ہو

 

جب بھی غریب شہر سے کچھ گفتگو ہوئی
لہجے ہوائے شام کے نمناک ہوگئے

 

اے آخری کرن مجھے گھر تک تو چھوڑ دے
اب ڈھل رہی ھے ڈوبتی پرچھائیوں میں شام

 

دن کو رات کہیں سو برحق، صبح کو شام کہیں سو خوب
آپ کی بات کا کہنا ہی کیا، آپ ہوئے فرزانے لوگ

 

دل نا امید تو نہیں ناکام ہی تو ھے
لمبی ھے غم کی شام مگر شام ہی تو ھے

 

ہر شام کو میرے دوستو
نہ عذاب بن کے ملا کرو
میری زندگی میرے خواب ہیں
مجھے خواب بن کے ملا کرو

 

لوٹ آئےنہ کسی روز وہ آوارہ مزاج
کھول رکھتے ھیں اسی آس پہ در شام کے بعد

 

نجانے زندگی اور رات میں کیسا تعلق ہے
الجھتی کیوں ہے اتنی لَو چراغِ شام سے پہلے


امجد

 

دن کو رات کہیں سو برحق صبح کو شام کہیں سو خوب
آپ کی بات کا کہنا ہی کیا آپ ہوئے فرزانے لوگ

 

دن سے ڈر لگتا ہے اور شام سے خوف آتا ہے
اپنے ہی گھر کے در و بام سے خوف آتا ہے
کچھ خبر ہے تجھے اے شام کی بے مہر ہوا!
کیوں*چراغوں کو ترے نام سے خوف آتا ہے

 

شام میں کوئی خاص بات نہ تھی
مفت میں اس قدر اداس ہوئے

 

۔
۔
قیصر مرے نصیب کے دِن بہہ گئے کہاں
پانی پہ صرف شام کی پرچھائیاں ملیں​

( قیصر الجعفری )​

 

[align=justify:2a4iy8fv]وگرنہ میں تو بہت تیز تھا زمانے میں
ہمیشہ میری شرافت نے مجھ کو گھیر لیا[/align:2a4iy8fv]

 

بہلا نہ دل ، نہ تیرگیء ‌شامِ‌ غم گئی
یہ جانتا تو آگ لگاتا نہ گھر کو میں

فانی بدایونی

 

شام کے ہاتھ نے جس وقت لگا لی مہندی
مجھے اس وقت ترا رنگ حنا یاد آیا

 

دل گرفتہ ہی سہی بزم سجا لی جائے
یادِ جاناں سے کوئی شام نہ خالی جائے

(فراز)

 

[align=justify:1sop9snf]جو شام آئی تو پھر شام کا لگا دربار
جو دن ہوا تو وہ دن کربلا سا لگتا ھے[/align:1sop9snf]

 

شام کی گلرنگ ہوا کیا چلی
درد مہکنے لگا جذبات میں

قتیل شفائی

 

شام ہوتے ہی سارے چراغ بجھادیتے ہیں
دل ہی کافی ہے تری یاد میں جلنے کے لئے

 

یوں نہ بے مقصد پھرا کرو
کوئی شام گھر میں رہا کرو
فرحت عباش شاہ

 

میں صرف دیکھ لوں اک بار گنبدِ خضری ٰ
بلا سے پھر میری دنیا میں شام میں ہوجائے

 

یہ شاہ جی کا شعر نہیں ھے

 

لوٹ آئے نہ کسی دن وہ آوارہ مزاج
کھول رکھتے ھیں اسی آس پہ در شام کے بعد