نئی بیت بازی

ہم فقیروں سے دوستی کر لو
گُر سِکھا دیں گے بادشاہی کا​

 

یہ بھی ممکن ہے کسی روز نہ پہچانوں اُسے
وہ جو ہر بار نیا بھیس بدل لیتا ہے​

 

کس سے پیمانِ وفا باندھ رہی ہے بلبل
کل نہ پہچان سکے گی گلِ تر کی صورت

 

دیکھ لے بُلبل و پروانہ کی بےتابی
ہجر اچھا نہ حسینوں کا وصال اچھا ہے​

 

شبِ وصال ہے گل کر دو ان چراغوں کو
خوشی کی بزم میں کیا کام جلنے والوں کا

 

وہ ہمارے ہم اُن کے ہو جائیں
بات اتنی ہے اور کچھ بھی نہیں
جلنے والوں کو صرف جلنا ہے
اُن کی قسمت میں‌اور کچھ بھی نہیں​

 

مجھے تو ہوش نہیں تم کو خبر ہو شائد
لوگ کہتے ہیں کہ تم نے مجھے برباد کِیا​

 

شائد ترے لبوں‌کی چٹک سے ہو جی بحال
اے دوست! مُسکرا کہ طبیعت اُداس ہے​

 

ترے بغیر کسی چیز کی کمی تو نہیں
ترے بغیر طبعیت اُداس رہتی ہے​

 

سوچا تھا اب نہ یاد کریں گے انہیں‌مگر
کچھ بھی نہ رہا یاد وہ جب یاد آ گئے

 

شہر کے دکاں دارو! کاروبارِ الفت میں
سود کیا زیاں کیا ہے تم نہ جان پاو گے

 

حالِ دل پوچھنے والے تیری دنیا میں‌کہیں
دن تو ہوتا ہے مگر رات نہیں ہوتی ہے

 

اپنے دل کے داغ بھی لو دے اٹھیں تو کم نہیں
اپنی منزل کے لیے خود راہبر ہو جائیے

 

فقیہ شہر نے تہمت لگائی ساغر پر
یہ شخص درد کی دولت کو عام کرتاہے

 

ارے مئے گسارو سویرے سویرے
خرابات کے گرد پھیرے پہ پھیرے

 

تو اسے پیمانہ امروز و فردا سے نہ ناپ
جاوداں، پیہم رواں ، ہردم جواں ہے زندگی