لفظِ “محبت“ پر شعر کہیں

اے محبت ! تیرے انجام پہ رونا آیا
جانے کیوں آج تیرے نام پہ رونا آیا

 

محبت عداوت وفا بے رخی
کرائے کے گھے تھے بدلتے رھے

 

ہمارا کیا ہے، جو کچھ ہے ، دیا تیری
محبت پیار تیرا، وفا تیری سزا تیری

نعیم رضا

 

کیا روگ پال بیٹھے محبت کے شوق میں
دنیا سے کٹ گئے تری قربت کے شوق میں

 

غم کی ہر کائنات بھیگ گئی
تم جب آۓ تو رات بھیگ گئی
تم نے کیا چھو لیا محبت سے
سر سے پا تک حیات بھیگ گئی

 

ہم چلے ہی نہیں محبت سے
راستوں کی قسم سفر کیا ھے

 

فقط اتنا کہا تھا نا ہمیں تم سے محبت ہے
ہماری جان لو گے کیا اب اتنی بات کے پیچھے

سحر علی​

 

ایک سجدہ محبت نے کیا کر دیا
تیری فطرت ستم گر خدا ھو گئی

 

اے دوست ہم نے ترک محبت کے باوجود
محسوس کی ہے تیری ضرورت کبھی کبھی

 

نفرت کی زد پہ اپنی محبت بھی آ گئی
ہم جس سے ڈر رھے تھے وہ نوبت بھی آ گئی

 

ہزاروں دکھ پڑیں سہنا محبت مَر نہیں سکتی
ہے تم سے بس یہی کہنا محبت مَر نہیں سکتی
تِرا ہر بار میرے خط کو پڑھنا اور رو دینا
مِرا ہر بار لکھ دینا محبت مَر نہیں سکتی

 

اک اجنبی مری بے چینیوں کا باعث بھی
ہوا ھے اور مرے چاروں طرف محبت ھے

 

شاید یہی اس کا اندازِ محبت ہو
وہ میرا ہمدم بھی تھا ستم شعار بھی تھا

 

وہ تمام دنیا کے واسط ے جو محبتو ں کی مثال تھا
وہی اپنے گھر میں تھا بے وفا یہ کبھی کسی کو خبر نہ ھو

 

محبت تھی چمن سے، لیکن اب یہ بے دماغی ہے
کہ موجِ بوے گُل سے ناک میں آتا ہے دم میرا

(غالب)

 

قبروں میں نہیں ہم کو کتابوں میں اُتارو
ہم لوگ محبت کی کہانی میں مرے ہیں

 

جفا جو عشق میں‌ ہوتی ہے وہ جفا ہی نہیں
ستم نہ ہو تو محبت میں کچھ مزہ ہی نہیں

جس کا امیں ازل سے ہو سینہء بلال
محکوم اس صدا کے ہیں شہنشاہ و فقیر
(علامہ ڈاکٹر محمد اقبال )

 

اے ابرِ محبت تو کہیں اور برس جا
میں ریت کا ٹیلا ہوں میری پیاس بہت ہے

 

یہ رکھ رکھاؤ محبت سکھا گئی اس کو
وہ روٹھ کر بھی مجھےمسکرا کے ملتا ھے

 

اے دیکھنے والو مُجھے ہنس ہنس کے نہ دیکھو
تم کو بھی محبت کہیں مُجھ سا نہ بنا دے

 

کلیجہ چوٹ کھانے پر اگر مائل نہیں ‌ہوتا
سمجھ لو دل محبت میں ابھی گھائل نہیں اسکا

 

رکھ رکھاو کہاں محبت میں
دوستی میں تکلفات کہاں

 

عشق میں دنیا گنوائی ہے نہ جاں دی ہے فراز
پھر بھی ہم اہل محبت کی مثالوں میں رہے۔

 

دونوں جہاں تیری محبت میں ہار کے
وہ جا رہا ہے کوئی شبِ غم گذار کے

 

زیست کے سمندر میں
آس کے جزیرے ہیں
جن کے اجلے ساحلوں پہ
امید اپنے سیپ ہاتھوں سے
ازل سے لکھتی آئی ہے
گر محبت جاودانی ہے
مسافت بے معنی ہے

 

محبت کی اسیری سے رہائی مانگتے رہنا
بہت آساں نہیں ہوتا، جدائی مانگتے رہنا

 

وہیں درد و غم کا گلاب ہے ، جہاں کوئی خانہ خراب ہے
جسے جھک کے چاند نہ چوم لے، وہ محبتوں کی زمیں نہیں

 

عشق فنا کا نام ہے
عشق میں زندگی نہ دیکھ
جلوہ آفتاب بن
زرُے میں روشنی نہ دیکھ

شوق کو رہنما بنا
جو ہو چکا کبھی نہ دیکھ
آگ دبی ہوئ نکال
آگ بجھی ہوئ نہ دیکھ

تجھ کو خدا کا واسطہ
تو میری زندگی نہ دیکھ
جس کی سحر بھی شام ہو
اس کی سیاہ شوئ نہ دیکھ

 

شکیرا بھائی ۔ آپکا انتخاب بہت عمدہ ہے۔ پسند آیا۔
لیکن یہ لڑی صرف " محبت" کے اشعار کی لڑی ہے۔ یعنی ایسے اشعار لکھنے ہیں جن میں لفظ " محبت" آتا ہو۔ امید ہے آئندہ دھیان رکھیں گے۔ فی الحال میں لڑی کے عنوان کے مطابق شعر عرض کرتا ہوں۔

دل کے ویرانے کو کوئی شوخ سی رنگت دے دے
اے خدا ! مجھ کو اک ذرہء دردِ محبت دے دے !

نعیم رضا۔​

 

سنا ہے اب محبت کرنے والا
وفا کی شرط سے آزاد ہو گا