مرزا غالب کے لطیفے

دلی میں گدھے​

ایک بار مرزا اور انکے ایک مہمان، جو کسی دوسرے شہر سے تشریف لائے تھے، کسی دعوت سے رات کے وقت واپس آ رہے تھے کہ ایک تنگ گلی میں ایک گدھا کھڑا تھا۔ مہمان رک کر بولا۔

"مرزا صاحب، دلی میں گدھے بہت ہیں۔"

مرزا نے فوراً جواب دیا۔ "صاحب، باہر سے آ جاتے ہیں۔"

 

مصلّے کی تعظیم​

ایک مرتبہ زنان خانے میں جانے لگے تو دیکھا بیگم صاحبہ عین صحن میں مصلا بچھائے نماز پڑھ رہی ہیں، مرزا نے یہ دیکھا تو دروازے پر ٹھہر گئے جب وہ نماز پڑھ چکیں تو آپ نے جوتا اتار کر سر پر رکھا اور ننگے پاؤں آہستہ آہستہ ڈرتے ہچکچاتے ہوئے صحن تک آئے، بیگم نے یہ حالت دیکھی تو مسکرا کر کہنے لگیں۔ "یہ کیا؟"

مرزا نے جواب دیا۔ "کچھ نہیں صرف آپ کے مصلّے کی تعظیم و تکریم ہے۔"

بیگم نے تشریح چاہی تو مرزا نےکہا۔ "بیگم ! اب تو سارا صحن مسجد ہو گیا، پھر اگر کوئی قدم رکھے تو کیونکر، اور کرے تو کیا کرے، اسلئے جوتا اتار کر سر پر رکھ لیا ہے۔"

 

غلام گردش میں ہے​

ایک دن مرزا، فتح الملک بہادر کو ملنے گئے، جب غلام گردش میں پہنچے تو خدمت گار نے صاحبِ عالم کو اطلاع دی کہ مرزا نوشہ صاحب آ رہے ہیں، وہ کسی کام میں مصروف تھے، بلا نہ سکے۔ مرزا وہیں ٹہلتے رہے۔

صاحبِ عالم نے کچھ دیر کے بعد ملازم کو پکار کر کہا۔ " ارے دیکھ، مرزا صاحب کہاں ہیں۔"

مرزا نے وہیں سے جواب دیا۔ "غلام گردش میں ہے۔"

 

یہ سارے لطائف وکپیڈیا سے جناب محمد وارث کے مرتبہ ہیں۔ ان کے شکریہ کے ساتھ ہماری اردو میں نقل کیے گئے۔

 

یہ منظر مرزا غالب ڈرامے میں بھی دیکھا تھا۔ :hasna:

 

:hasna: :hasna: بہت خوب :hasna: :hasna:

 

:hasna:

 

بہت خوب :hasna:

 

نیلو صاحبہ ، بےباک بھائی ، حسن بھائی اور مسزمرزا بہنا۔
پڑھنے اور مسکرانے کا بہت شکریہ ۔ :happy:

 

جواب: مرزا غالب کے لطیفے

بہت بہتریں جنا ب ۔ ۔ ۔ مزہ آ گیا