انور مسعود دی شاعری

چلو شکر اے فیر تے

مہربانی شکریہ

 

پلکاں اتے اتھروواں دے دیوے بالی رکھاں
کجھ تے گھپ ہنیرے اندر چانن لائی رکھاں

مدتاں ہویاں مکدا نئیں ایہ لُک چھپ جانا تیرا
ہور کدوں تک بیبا ہن میں اکھیاں میٹی رکھاں

بجلی جیہڑی لشک مریندی اسدیاں کیہ تدبیراں
نِریاں کنیاں وسن تے میں ہتھ وچ چھتری رکھاں

بخت مرے دی تختی اتے لکھو تسی جو چاہو
میں کیہڑا میں کون کسے دی حرف تے انگلی رکھاں

کوئی بھرم نہ مینوں بھانویں میں مقبول نہ ہونواں
میرے کولوں ہو نئیں سکدا سب نوں راضی رکھاں

رہوے خیال ہمیشہ مینوں فکر سخن دے ویلے
خاصاں دی گل کراں میں انور طرز عوامی رکھاں

 

خوشی جی بہت ودھیا

 

حسن جی ہارون جی بوہت مہربانی تساں پسند کیتا

 

بدّل

میں کہیہ دساں ساڈے سر تے
کنے جھکھڑ جھلے

کنج اساں پر چائیاں بھُکھاں
کون ایہہ ورقے تھلے

ہانڈی دے وچ پتھر پاکے
ہانڈی چاہڑی چُلّھے

ساڈی جھولی اتھرو ڈگے
پھل تساں ڈلھے

اساں ہنڈائے ککر پالے
تساں رضائیاں جلّے

خورے کدتک راج کریسن
لم سلمے کُلے

انور ایہہ کیہہ بدّل بنیائے
نہ وسےنہ کُھلے

 

بوہت شکریہ ہارون جی
تساں پسند کیتا ساڈی محنت سرے چڑھی

 

اوس دیہاڑے این اککج لخیا تواڈی پنجابی چوپال وی موڈا جواب دے گیا ، ہن کج دن رام کر لین دو

 

ہارون پہائی تہانوں جواب مل جاندا تے سانوں وی خوشی صاحبہ دے موہڈے دی خیر خیریت دا پتہ لگ جاندا۔

 

اج ایس پیڑ توں ہار کے انجکشن لیوا لیا اے کہ ڈاکٹر دا آکھنا سی کہ ہن ایہو ای علاج اے، دعا کرو ہن آرام وی آ جائے

 

آمین ۔ میری وی ایہو دعا اے۔

 

ہن کوئی شاعری وی لخ لوس ہارون پائی

 

جواب: انور مسعود دی شاعری

سوچی پیئے آں ہن کی کریئے

 

جواب: انور مسعود دی شاعری

اس سے پہلے یہ سن لیں