چھوٹی چھوٹی باتیں، بڑا سبق

جزاک اللہ

 

جزاک اللہ

 

كسان كى بيوى نے جو مكهن كسان كو تيار كر كے ديا تها وه اسے ليكر فروخت كرنے كيلئے اپنے گاؤں سے شہر كى طرف روانہ ہو گيا،
یہ مكهن گول پيڑوں كى شكل ميں بنا ہوا تها اور ہر پيڑے كا وزن ايک كلو تها۔
شہر ميں كسان نے اس مكهن كو حسب معمول ايک دوكاندار كے ہاتھوں فروخت كيا
اور دوكاندار سے چائے كى پتى، چينى، تيل اور صابن وغيره خريد كر واپس اپنے گاؤں كى طرف روانہ ہو گيا.
كسان كے جانے بعد…… دوكاندار نے مكهن كو فريزر ميں ركهنا شروع كيا….
اسے خيال گزرا كيوں نہ ايک پيڑے كا وزن كيا جائے.
وزن كرنے پر پيڑا 900 گرام كا نكلا، حيرت و صدمے سے دوكاندار نے سارے پيڑے ايک ايک كر كے تول ڈالے
مگر كسان كے لائے ہوئے سب پيڑوں كا وزن ايک جيسا اور 900 – 900 گرام ہى تها۔
اگلے ہفتے كسان حسب سابق مكهن ليكر جيسے ہى دوكان كے تهڑے پر چڑها،
دوكاندار نے كسان كو چلاتے ہوئے كہا کہ وه دفع ہو جائے، كسى بے ايمان اور دهوكے باز شخص سے كاروبار كرنا اسكا دستور نہيں ہے. 900
گرام مكهن كو پورا ایک كلو گرام كہہ كر بيچنے والے شخص كى وه شكل ديكهنا بهى گوارا نہيں كرتا.
كسان نے ياسيت اور افسردگى سے دوكاندار سے كہا:
“ميرے بهائى مجھ سے بد ظن نہ ہو ہم تو غريب اور بے چارے لوگ ہيں،
ہمارے پاس تولنے كيلئے باٹ خريدنے كى استطاعت كہاں.
آپ سے جو ايک كيلو چينى ليكر جاتا ہوں اسے ترازو كے ايک پلڑے ميں رکھ كر دوسرے پلڑے ميں اتنے وزن كا مكهن تول كر لے آتا ہوں.
اس تحریر کو پڑھنے کہ بعد آپ کیا محسوس کرتے ہیں۔
کسی پر انگلی اٹھانے سے پہلے کیا ہم پہلے اپنے گریبان چیک نہ کرلیں۔ کہیں یہ خرابی ہمارے اندر تو نہیں ؟ شکریہ
کیونکہ اپنی اصلاح کرنا مشکل ترین کام ہے

 

جی ہاں سب سے پہلے اپنے گریبان کو چیک کرنا چاھیے

 

امید ہے آئندہ بھی آپ ایسی ہی اچھی باتیں کرتے رہیں گے

 

ہم تو ہمیشہ ہی اچھی باتیں کرتے ہیں

 

جی آپ کا ساتھ رہا تو

 

شکریہ ۔

 

میں نے سچی بات کہی ہے ناں

 

مریم سیانی ہوتی جارہی ہو

 

جی ہاں صحیح ہے

 

میری صحبت کا اثر ہے

 

کوئی شک نہیں اس میں۔ لیکن ایک چیز کاڈر ہے کہ وہ بھی بار بار آپ کی طرح ایک ہی رٹ نہ لگانا شروع ہو جائیں

 

کاش اس نوکری کی اہمیت کا ہم سب کو پتا چل جائے ہمیں تو ان کے غلاموں کی غلامی بھی نصیب ہوجائے تو ہمارے لئے قابل صد افتحار ہے

 

بے شک

 

ان کی غلامی میں ہی نجات

 

بجا فرمایا

 

دعا کرنی چاھیے کہ اللہ پاک ہمیں انکی غلامی میں ہی رکھیں آمین

 

بہت اچھی بات
آمین

 

ثم آمین

 

مولانا رومی نے ایک عجیب واقعہ لکھا ہے کہ ایک صاحب نے طوطا
پال رکھاتھا اور اس سے بڑی محبت کرتے تھے ایک دن ایک بلی
طوطے پرجھپٹی اور طوطا اٹھا کرلے گی.صاحب رونے لگ گے
لوگوں نے کہا جناب آپ کیوں روتے ہو ہم آپکو طوطا لا دیتے ہیں
تو وہ صاحب بولے میں طوطے کی جدائی پر نہیں اپنے آپ پر
رو رھا پوچھا جناب وہ کیوں کہنےلگےدراصل میں نے طوطے کو
کلمہ سیکھا رکھا تھا.طوطا سارا دن کلمہ پڑھتا رہتا تھا جب بلی
طوطے پر جھپٹی تو طوطا کلمہ بھول گیا اور ٹائیں ٹائیں کرنے لگا.
مجھے اب یہ فکرکھاۓ جارہی ہے کہ میں بھی کلمہ پڑھتاہوں
جب موت کافرشتہ مجھ پرجھپٹے گا.نامعلوم میری ذبان سے کلمہ
نکلے گا.یا طوطے کی طرح ٹائیں ٹائیں نکلے گی؟ میرے عزیزو!
کلمہ تو ہم لوگ بھی پڑھتے ہیں مگر جب کوئی دکھ یا غم ہم پر
جھپٹتا ہے تو ہم کلمہ بھول کر طوطے کی طرح ٹائیں ٹائیں کرنے لگ
جاتے ہیں.اور اس ٹائیں ٹائیں میں یہ بھی بھول جاتے ہیں کہ
اس کریم اللہ کے سوا ہمارا گزارہ ہی نہیں ہے ہم ٹائیں ٹائیں کربھی
کس کو رہے ہیں جو قادر غالب اور حکمت والا ہے. جو اپنا امر
پورا کرنے میں نہ فرشتوں کا محتاج نا انسانوں کا محتاج جو
کہتا ہے ہو جا سو وہ ہوجاتا ہے. اس ذات کی پہچان یہی ہے کہ
جب کسی کو اپنی رحمت کے قریب کرتا ہے توسب سے پہلے
اسے سکون قلب عطا فرماتا ہے اورجب کسی سے ناراض ہوتا ہے
تو اسکے دل سے سکون چھین لیتا ہے.وہ سکون دے تو کوئی
چھین ناسکے وہ چھیننے پر آۓ تو کوئی گولی کوئی انجکشن
کوئی نشہ سکون دے نہیں سکتا.ہر ایک نوالہ حلق سے نیچے
اترنے سے پہلے اس کریم سے پوچھتا ہے مولا میں اس کھانے
والے کےلیے غذا بنوں کہ بیماری بن جاوں. ہر نوالہ اس کریم
کے امر سے ہمارے حلق سے نیچے اتر رھا جس پر چاہیے اپنی
نعمتوں کی برسات کردے جس سے چاہیے اس سے چھین لے.
فرمایا میرے کچھ ایسے محبوب بندے ہیں جو مجھ سے جنت
مانگیں تو ساری جنت انکے قدموں میں ڈھیر کر دوں اور
اگر دنیا مانگیں تو ایک کھونٹی کپڑے لٹکانے کو بھی نا دوں.
وہ بچانے پر آۓ تو آگ کے شعلوں میں ابراہیم علیہ السلام
کو بچا کر دیکھا دے وہ نا بچاۓ تو درخت میں پناہ لیے کھڑے
اپنے پیغمبر ذکریا علیہ السلام کوآرے سے چیر جانے دے.وہی
اکیلا سب بادشاہوں کا بادشاہ وہی قادر وہی روف وہی رحیم
وہی رحمن وہی کریم وہی حلیم وہی حکیم وہی المالک
وہی قدوس
وہی صمد وہی بصیر وہی نصیروہی خبیر وہی باسط وہی راذق وہی اللہ ہے.

 

جزاک اللہ

 

بلکل درست

 

مولوی ہرگز نہ شد مولائے روم
تا غلام شمس تبریز نہ شد
شاہ شمس تبریز مولانا جلال الدین رومی کے پیر و مرشد تھے.. یہ ان دنوں کا واقعہ ھے جب مولانا رومی شاہ شمس سے واقف کار نہ تھے..
ایک دن شاہ شمس تبریز مولانا رومی کے مکتب جا پہنچے.. وھاں مولانا رومی بیٹھے کچھ کتابوں کا مطالعہ کررھے تھے تو شاہ شمس نے ان سے پوچھا.. "ایں چیست..؟" (یہ کیا ھے..)مولانا رومی نے ان کو کوئی عام ملنگ سمجھ کر جواب دیا.. " ایں آں علم است کہ تو نمی دانی.." ( یہ وہ علم ھے جسکو تو نہیں جانتا..)
شاہ شمس یہ جواب سن کر چپ ھو رھے..
تھوڑی دیر بعد مولانا رومی کسی کام سے اندر کسی جگہ گئے.. واپس آۓ تو اپنی وہ نادر و نایاب کتابیں غائب پائیں.. چونکہ شاہ شمس وھیں بیٹھے تھے تو ان سے پوچھا.. شاہ شمس نے مکتب کے اندر کے پانی کے تالاب کی طرف اشارہ کیا اور کہا.. " میں نے اس میں ڈال دیں.. "یہ سن کر مولانا رومی حیران و پریشان رہ گئے.. جیسے کاٹو تو بدن میں لہو نہیں.. اتنی قیمتی کتابوں کے ضائع ھونے کا احساس انکو مارے جارھا تھا.. ( تب کتابیں کچی سیاھی سے ھاتھ سے لکھی جاتی تھیں.. پانی میں ڈلنے سے ان کی سب سیاھی دھل جاتی تھی.. ) شاہ شمس سے دکھ زدہ لہجے میں بولے.. " میرے اتنے قیمتی نسخے ضائع کردیے.. "
شاہ شمس انکی حالت دیکھ کر مسکراۓ اور بولے.. " اتنا کیوں گبھرا گئے ھو.. ابھی نکال دیتا ھوں.. "یہ کہ کر شاہ شمس اٹھے اور تالاب سے ساری کتابیں نکال کر مولانا رومی کے آگے ڈھیر کردیں.. یہ دیکھ کر مولانا رومی کی حیرت کی انتہا نہ رھی کہ سب کتابیں بلکل خشک ھیں..
مولانا چلا اٹھے.. " ایں چیست..؟ " (یہ کیا ھے..)
شاہ شمس نے جواب دیا.. " ایں آں علم است کہ تو نمی دانی.."( یہ وہ علم ھے جسکو تو نہیں جانتا..)
یہ کہ کر شاہ شمس چل پڑے.. ادھر مولانا رومی کے اندر کی دنیا جیسے الٹ پلٹ چکی تھی.. اپنی دستار پھینک کر شاہ شمس تبریز کے پیچھے بھاگے اور جا کر ان کے پاؤں میں گرپڑے کہ خدا کے لیے مجھے معاف کردیجیے اور مجھے اپنے قدموں میں جگہ دیجیے.. "
شاہ شمس نے انہیں اٹھا کر سینے سے لگایا اور کہا.. " میں تو خود ایک عرصے سے تیری تلاش میں تھا..!! "